لمبة Chaeck ABS بتنور

[wmadkour]

السلام عليكم يا وحوش الميجان
عندي مشكلة عايز مساعدتكم فيها و عارف إن شاء الله إنكم هتقولوا المفيد
عندي و أنا ماشي لمبة ال abs بتنور و العربية بتأخر في النقل من الأول و بطفي العربية و بدورها بتروح و بتنقل عادي بس بتنور تاني أحيانااً و لما بتنور بتأخر في نقلة الأول للثاني.
دي إيه المشكلة و لو حبيت أكشف علي القصة دي أروح لمين و ياريت لو حد في الحرفيين أو ناحية مدينة نصر و لو فيه رقم تيلفون يبقي كتر ألف خيركم.

سؤال تاني هو المفروض أغير سير الكاتينة علي كام لآني لقيت أرقام مختلفة و المنتديات الأجنبية غير العربية.
شكراً يا رجالة

[medo_molto]

سير الكاتينة كل 60 ألف بيتغير لو الاصلى وبالنسبة للمبة الايرباج ممكن تكون الفيشة الى تحت الكرسى الى ادام بتتهز او عاوزة تتنضف بالنسبة لحد فى القاهرة بقى او الحرفين الوحوش بتوع القاهرة هيفدوك اكتر منى بس فى ناس بتشكر فى العسكرى فى الحرفين وناس بتشكر فى المصطفى واستنى رد الوحوش بردو

[wmadkour]

شكراً ميدو علي ردك
مش عارقة رجالة الميجان فين ، أنا شكلي هنزل بكرة ألفلف ؟؟؟!!!
عامة شكرا يا رجالة

[medo_molto]

شوف الموضوع دا يا باشا فية كل الى انت عاوزة وارقام تليفونات كمان

http://www.nilemotors.net/Nile/365854-a.html

[wmadkour]

تسلم إيدك يا ميدو موضوع بخمسين مشاركة ، ربنا يكرمك

[Super_Star_h]

ظهرت عندى النهارده ونفس الاعراض التأخير فى النقله الاولى والسلانسيه بطيئ مع ظهور الرساله
بكره هروح اكشف عليها بالجهاز
بس انا شاكك انه يكون حساس ال abc

[wmadkour]

الناس كلها أجازه ليوم الاثنين، انا رحت ربطت عفشه و زقيت حساسات ال aBS فالرساله راحت بس متحركتش كتير بيها فهاروح ان شاء الله المصطفي يوم الاثنين

[أسامه الحسيني]

السلام عليكم يا وحوش الميجان
عندي مشكلة عايز مساعدتكم فيها و عارف إن شاء الله إنكم هتقولوا المفيد
عندي و أنا ماشي لمبة ال abs بتنور و العربية بتأخر في النقل من الأول و بطفي العربية و بدورها بتروح و بتنقل عادي بس بتنور تاني أحيانااً و لما بتنور بتأخر في نقلة الأول للثاني.
دي إيه المشكلة و لو حبيت أكشف علي القصة دي أروح لمين و ياريت لو حد في الحرفيين أو ناحية مدينة نصر و لو فيه رقم تيلفون يبقي كتر ألف خيركم.

سؤال تاني هو المفروض أغير سير الكاتينة علي كام لآني لقيت أرقام مختلفة و المنتديات الأجنبية غير العربية.
شكراً يا رجالة

ممكن تلاقي حساس الـ abs مهزوز من مكانه او مش ثابت كويس واكد برده على الفيش بتاعته

[Super_Star_h]

الناس كلها أجازه ليوم الاثنين، انا رحت ربطت عفشه و زقيت حساسات ال abs فالرساله راحت بس متحركتش كتير بيها فهاروح ان شاء الله المصطفي يوم الاثنين

انا جمبى واحد بيفتح يوم الاحد
بس مرحتلوش
رفعت العجله وبصيت على السلك لاقيت الفيشه مخلوعه من مكانها ركبتها تانى والمشكله راحت