فلوانس e3 2015 ولا e3 s 2014 بخصم 4 الاف جنيه

[redstar]

فلوانس e3 2015
ولا e3 s 2014 بخصم 4 الاف جنيه
الاتنين زيرو طبعا الاولي 2015 e3 طبعا 169500 جنيه
الثانية e3 s ولكن 2014 بخصم بدلا من 178 الي 174500
ايهما افضل

[mohamed_rhem]

انا شخصيا كنت واخد سيريون موديل سنة ورا لكن بخصم 9000 جنيه

في عربية كلها ب 75000

وطبعا الكاوتش والبطارية قبل سنتين كانو انتهوا

ال 4000 جنيه دول مش فارق الكاوتش والبطارية ولا فارق سنة موديل

انا لو مكانك طبعا هجيب موديل 2015

[ENG.MaRk]

اختار الفئة المناسبة ليك أكتر بغض النظر عن الموديل و بعدين أصلا إحنا لسة في 2014 يعني العربية برضه موديل السنة و أنا شايف إن الفرق يستاهل التضحية بمجرد رقم زيادة مكتوب في الرخصة !!!

[dedo_ryo]

ال 4 الاف مش فرق علشان تنزل موديل سنه خليك في 2015 لان الفرق قليل و خد بالك لما في المستقبل هتيجي تبيع هيفرق معاك الرقم في سعر اعاده البيع و ربنا يوفقك

[redstar]

انا عارف طبعا ان 4 الاف قليل جدا علي فرق موديل سنه بس الفئة الاعلي ليها زهوتها برضه
ولذلك حبيت اخد رايكم فيها
ان شاء الله e3 2015
وشكرا للاهتمام

[J A G U A R]

خليك طبعا فى 2015 الا لو الفلوس محتاجها ضرورى

[ALshahba]

رايي الشخصي.......... خليك فى الفئة الاعلي كماليات e3s لانها نفس موديل السنه .... يعني مش قديمه
وكمان عليها تخفيض وكمان حتستمتع بامكانيات فلوانس
يعني بالبلدي حتحس ان فلوسك راحت فى حاجه انت واسرتك متفيدين منها

بلاش نفكر ازاي نبيع قبل مانشتري ........ وازاي ارضي اللي قدامي قبل مارضي نفسي

طبعا لك الاختيار النها ئي

فى امان الله

[Super_Star_h]

على حسب الكماليات فارقه معاك ولا لاء
لو انت شايف انها تستاهل توكل على الله
مش فارقه 15 ولا 14

[Yosef_azab]

انا في نفس حيرتك بالضبط
بس بعد ما قرأت و فكرت
قلت اجيب ٢٠١٥ احسن ليه بقى
بعد ما لفيت في المنتدى لقيت ناس كتير بتتكلم على نقص الزيت الموضوع ده ممكن فعلاً يكون ناس بتبالغ او مشكلة ليها حل
بس انا ليه اسحل نفسي في حاجة ذي كده
لو المشكلة فعلا موجودة فا اكيد اتحلت في موديل ٢٠١٥ و الله اعلم بس الواحد برده يقول كده احسن ولا ايه

[redstar]

بعد اللف لقيت معظم المعارض ممكن تعمل خصم بعد شوية ضغط يصل الي 2000 جنيه ومعاها شوية هدايا زي غطاء دواسات
النتيجه اشتري 2015 افضل وممكن بخصم يصل الي 2000 جنيه افضل من 2014 بخصم 4000 جنيه

[ALshahba]

بعد اللف لقيت معظم المعارض ممكن تعمل خصم بعد شوية ضغط يصل الي 2000 جنيه ومعاها شوية هدايا زي غطاء دواسات
النتيجه اشتري 2015 افضل وممكن بخصم يصل الي 2000 جنيه افضل من 2014 بخصم 4000 جنيه

ماشاء الله ....... مجهود ممتاز
فى الحاله دي .............طبعا 2015 تكسب بالكماليات والخصم

فى امان الله

[midooo_119]

مع احترامى انا طبعا لو مكان حضرتك هجيب الاوبشن الاعلى بغض النظر عن موديل السنه لسببين الاول ان الاتنين زيرو و انا لسه فنفس السنه ثانيا لما حضرتك تيجى تبيع الى هيشترى مش هياخد بموديل السنه قد ماهيسالك جايبها فشهر كام فبرضه بالنسباله هتبقى 2014 مش 2015

[jooadv]

مين المعرض اللى ممكن يعملك خصم 2000 جنية على 2015 ؟؟؟؟