الميجان حاسس انها مظلومة

[Moratoz]

معلش أنت قصدك بكف المراية اللى هو القطعة الأزاز بس ؟!!

هههههه ايون يا فندم زجاجه فقط بس تعتيم

[noursite]

الميجان طبعا مظلومه لان دى ثقافة شعب الى بيستسهل المعلومه
يعنى ممكن ياخد المعلومه من واحد صنيعي معلوش غير فى 128 واخره الانوس فيقلك دى عربيه سيئه جدا وكلها حساسات وقطع غيار نار وكلام من دا لان ابحث شويه وهتلاقي ان العربيه باختصار
1- شيك
2- ثبات على الطريق
3- تكنولوجيا
4- كماليات
اما ما يعيبها
1- الصيانه تتم عند حد بتاع رينو مالين صقر قريش والحرفيين وفى اماكن تانيه كتير
2- قطع غيار غاليه اه لكن معمره
3 هتحتار لما تحب تغير لعربيه تانيه لان صعب تلاقي عربيه ترضيك بعد ما تكون جربت الميجان
4- لازم تحافظ عليها وما ينفعش تلاقى صوت خبط او اى حاجه وطنش -لان الموضوع ممكن يزيد ويفتح معاك -
ولو ناوى تشترى مستعمل اشتريها حالتها كويسه وبعد ما تكون كشفت عليها فى التوكيل

ده المختصر المفيد وكلام تمام 100%

[simo4ever]

يعني الواحد داخل على الموضوع علشان يستفاد حاجه ويسمع أراء الناس .. الاقي بتاع اول عشر تعليقات كلها تريقة ومفيش أى إفادة للراجل اللى سأل ولا حتى للناس اللى عاوزة تسمع إجابة مفيدة .. يعني خلاص كلنا عمرنا ما غلطنا فى الكتابة .. كلنا فراود يعني :d

[titofouda]

من الاخر جرب تغير لمبه الفانوس الامامى اوجرب تغير فيوز مارش وانت تعرف بنفسك اليه بيركب الميجان واحد بيحبها فقط انما الصيانه بتعتها نفخ التنين كفايه تغير سير التقسيمه اختراع يا كوتش واى حاجه لازم تفك الاكصدام الامامى والرداتير عربيه مبهره ههههه وانا عن نفسى بحب الميجاه بس الفرنسويين مجانيين بجد مش عارف افك ليه بطاريه وقاعدة بطاريه وكنترول وغاطه فيوز ومسامير كل ده عشان اغير فيوز مارش هههه اليه عمل العربيه ديه مهندس كان مخنوق من مراته فحب يبيض على كل اليه هيركب العربيه ديه

[demonarundo]

مش هى بس اللى مظلومة , كل العربيات الفرنساوى مظلومة
وعربيات تانية كتيرة زى الـ Ford ,Subaru , Audi , Alfa Romeo , Chrysler
وأقل واحدة فى دول تضرب العربيات الكورى بالجزمة , بس انا اظن ان السبب الأكبر فى التوكيل وتسويقه للعربية

[أسامه الحسيني]

ده المختصر المفيد وكلام تمام 100%

وضيف عليهم كمان الامان

[أحمد جودة]

يعني قريبين من بعض.....
العضو الفاضل اللى كنت رادد عليه حسسني أنها غالية جداً و تقرب من المرسيدس و البي أم.

أختلف مع حضرتك فى الرأي

أيوة قريبين من بعض بس فى النهاية دي سكودا يعني ألماني والاهم من كدة فى إعادة البيع سكودا تمنها فيها

دي وجهة نظري وتقبل خالص احترامي وتقديري

[demonarundo]

أختلف مع حضرتك فى الرأي

أيوة قريبين من بعض بس فى النهاية دي سكودا يعني ألماني والاهم من كدة فى إعادة البيع سكودا تمنها فيها

دي وجهة نظري وتقبل خالص احترامي وتقديري

السكودا مش المانى , السكودا تشيكى

[أحمد جودة]

السكودا مش المانى , السكودا تشيكى

سكودا تشيكي بتكنولوجيا ألماني

أشكرك ع الاضافة

[Super_Star_h]

سعرها نزل بسبب صعوبه صيانتها ومافيش حد كتير بيشتغل وبيفهم فيها
اما قطع الغيار بالنسبه لفئتها وامكانيتها فهى سعرها معقول جدآ
واي مسمار فيها موجود فى كل حته جديد ومستعمل
كركوبه هى عربيه مريحه وناعمه جدآ
وثابته على الطريق بطريقه غير عاديه وعلى اعلى سرعه ممكنه هتلاقيها مكلبشه فى الارض حتى فى الملفات دوس ولا يهمك
وسحبها ما شاء الله
مستحيل تلاقى عربيه فى السعر ده او اعلى شويه تقدر تنافس الميجان