رايكم اجيب الفلوانس الخليجي والا بلاش

[elostaz13]

ياجماعة رايكم اجيب الفلوانس 2014 خليجي بعد نزول الفيس لفت مصر بنفس الموتور والفتيس والتكييف من نيسان والا بلاش عشان واجهة العربية مختلفة ولو ممكن اعرف اخبار قطع غيار العربية ايه في مصر بدءت تنتشر برة التوكيل واستيراد والا كله وكيل زي هنا ولو نزلت الخليجي هاتجيب سعر كويس في اعادة البيع والا هاخسر كتير هي مواصفاتها
مثبت سرعة ومحدد
فوج لايت
تحكم دركسيون في الكاسيت
بلوتوث
abs+ebd+ba
2 ايرباج srp
كنبة تنطوي ومسند خلفي
الفرش رمادي + رنجات الومنيوم 16
زجاج امامي وان تاتش للسائق والراكب
موتور وفتيس وتكييف نيسان نفس الفيس لف
عيوبها هنا عدم الانتشار وقطعها توكيل فقط
سعر اعادة البيع خسارة فادحة هنا ممكن اكتر من 70%
رايكم انا حجزت الموكا لاعجابي بالعربية
بس متردد وخايف تتعبني لما انزل بيها بعد 5 سنين في مصر ومتكنش معمرة ارجو النصيحة
والبديل كورولا 2015 فتيس الشكل القديم 4 غيارات وبدون اي اوبشن ااقل مواصفات وتزيد 20000 الف جنيه عن الفوانس
البديل الثاني
الشارك الفئة الوسط رنجات وتحكم دركسيون ولكنها بدون abs وفقط وسادة هواء 1 للسائق وتزيد عن الفلوانس 5 الالاف وتقل عن الكورولا 15 الف وطبعا ياباني

[mohamed_rhem]

رينو فلونس افضل اختيار

[Adnfalcon]

فلوينس أفضل طبعا

[طارق _عبد السلام]

70% خساره ؟؟؟!! الكلام ده في مصر ولا في الدول العربيه

مش ممكن هنا اكيد .... حاولت ادور على كسر زيرو منها لقيتها ماسكه سعر ومش اى كلام يعنى

الفلوانس عربيه حلوه كشكل ومضمون

[elostaz13]

ش

70% خساره ؟؟؟!! الكلام ده في مصر ولا في الدول العربيه

مش ممكن هنا اكيد .... حاولت ادور على كسر زيرو منها لقيتها ماسكه سعر ومش اى كلام يعنى

الفلوانس عربيه حلوه كشكل ومضمون

ياباشا ااكيد في الخليج انا عارف انها ماسكة سعر كويس في مصر

[yasser100]

70% خساره ؟؟؟!! الكلام ده في مصر ولا في الدول العربيه

مش ممكن هنا اكيد .... حاولت ادور على كسر زيرو منها لقيتها ماسكه سعر ومش اى كلام يعنى

الفلوانس عربيه حلوه كشكل ومضمون

الاوروبى عموما فى الخليج حتى البى ام و المرسيدس مالوش سعر . لسه ادامهم شويه لغاية ما يعرفوا انه الفلوينس تقريبا 70% من مكونتها يابانى . ساعتها السعر هايختلف . فى مصرطبعا بما اننا بنفعص فى الحاجه فعارفين . . .علشان كده سعرها فى مصر ماسك نفسه جامد

[elostaz13]

الاوروبى عموما فى الخليج حتى البى ام و المرسيدس مالوش سعر . لسه ادامهم شويه لغاية ما يعرفوا انه الفلوينس تقريبا 70% من مكونتها يابانى . ساعتها السعر هايختلف . فى مصرطبعا بما اننا بنفعص فى الحاجه فعارفين . . .علشان كده سعرها فى مصر ماسك نفسه جامد

ياعني رايك ااخد الفلوانس واستخدمها هنا خمس سنين وبعد انزلها مصر معمرة ياعني ومش هاخسر كتيير لو حبيت ابيعها هي بالجمارك هاتكون وقفة تقريبا 145 الف بعد جمركها والا اخليني في الانسر بدون وسائل الامان والا امشي مع التيار كورولا ااقل مواصفات وبعدي ياجماعة 140 مشاهدة للموضوع واربعة بس اختارو التصويت ياريت حتى اللي مكسل يكتب رد ياريت يصوت فوق وجزاكم الله خير على النصيحة

[haisam ali]

توكل على الله ... انا برضه شايف باذن الله انها افضل اختيار ... وحاول على قد ماتقدر تخليها استعمال شخصى جداً بحيث انها تعد كيلومتر قليل اوى ... كمان حاول لو تقدر تجيب ال top line ... بيبقى حاجه حلوه وتحس دايما انه فى اى عربيه غير ....مبروك مقدما وربنا يديك خيرها ويكفيك شرها

[Islam Hany]

الفلوانس مفيهاش كلام احسن امكانيات و برستيج و عربية محترمة بكل المقاييس انا شايف انها احسن سيارة في فئتها السعرية

[ahmed.teawater]

ياباشا انت شوف الانسب بالنسبه ليك احنا بنقولك من وجهة نظرنا ايه .احنا ف مصر وانت بره مصر
ومحدش عارف بعد خمس سنين ايه الى هيحصل
ربنا يوفقك ف اخيارك
انا بنصح بالفلونس

[mfraig]

الصراحه رأيي ولا واحده من دول تناسب ظروفك وياريت ترجع تفكر تاني في البدائل
1- الفلوانس ماتنفعش عندك و5 سنين فتره كبيره وممكن بعدهاتفكر انك تنزل عربيه جديده مصر وهيبقى صعب تبيعها عشان الخساره اللي هتحصل وكمان الشكل المختلف عن هما ممكن يخلي سوقها في مصر صعب وهترخص شويه عن الشكل بتاعنا

2- الكروللا 4 غيار فحاول تجيب الشكل الجديد بالفيتيس ال cvt وده حتى لو كانت غاليه بس هتناسب الخليج وتناسب مصر بعد كده

3- الشارك من غير abs مالهاش لزمه ونصيحه ماتجبش عربيه من غير abs لانك لو جربته هتعرف انه يستاهل كل مليلم زياده في سعر العربيه

واخيرا لو مافيش قدامك غير ال 3 دول يبقى الكروللا اكتر اختيار هيحافظ على فلوسك ولو عجباك الرينو يبقى هات عربيه تناسبك هناك وابقى هات فلوانس لما تنزل مصر بالسلامه

ربنا يكتبلك الخير حيث كان