استفسار عن ميجان 2006

[Hany.0101]

1 هل ممكن تعلية العربية علشان المطبات ازاي و التكلفة
2 الكلاكس عندي فصل بس الفيوز سليم
3 هل في حل لترس الديفيزر علشان تسريب الزيت علشان سعره غالي
4 سعر الفانوسين الاماميين كام و منين و يكون سعر حنين

[أسامه الحسيني]

متابع

[Hany.0101]

مفيش حد عنده اي معلومة

[Ahmed Koller]

1-العربيه عاليه جداً عن الارض .
2-الكلاكس ممكن يتغير عند اي كهربائي بيفهم في الميجان
3-ترس الدفيزر لو باظ لازم يتغير ملوش حل غير كده .... بس ماعرفش ايه حوار الزيت ال بيتسرب . ممكن يكون كوعة الزيت او اويل سيل الكرانك
4-سعر الفانوس الامامي الاصلي ب 1500 تقريباً من غير الموتور . والصيني بيبدء من 200

[Hany.0101]

اولا انا عندي العربية بتبوس اغلب المطبات ولسه الكارتير مخروم بسبب كده
ثانيا الكلاكس سليم والفيوز سليم بس مفيش كهربا وصلة للكلاكس هوه ممكن شريط الايرباج يعمل كده لو باظ خالص وايه الحل لو كده وهل في اسباب تانيه
ثالثا الفانوس الصيني اجيبو منين من اسكندرية

[Super_Star_h]

شوف الليلات والمساعدين اخبارها ايه
ولو المساعدين على زيت فقط تبقى فعلآ وطيه شويه
المساعدين الهوا والزيت مع بعض هى اللى تخلى الميجان عاليه شويه
وبالنسبه للكلاكس انت كشفت على الكتاوت ؟ لان الكتاوت هى اللى بتضرب اكتر من الفيوز
هتلاقى الكتاوت ورا الشبكه بتاعة الاكصدام لازقه فوق الرداتير
لو مغيرتهاش روح لأى كهربائى يغيرهالك هتعملها 10 جنيه ولا حاجه
وبالنسبه لترس الدفيزور مالوش علاقه بتسريب الزيت
تسريب الزيت هيكون من اولسيل الدفيزور
والاولسيل الاصلى بيعمل 250 جنيه فى التوكيل
واوعى تجيب غير الاصلى عشان هيسرب تانى وهيبقى زي قلته
ومتخليش اي حد يركبهولك عشان لو اتركب غلط هيسرب تانى
الافضل انك تشتريه وتركبه فى التوكيل