هل السانديرو الاوتوماتيك فيها مشكلة فرامل؟

[nagy wassef]

رجالة الرينو مساء الفل

اتا بدور على سانديرو اوتوماتك كسر زيرو لزوجتى
السؤال: هل فيها مشكلة فى الفرامل فعلا؟
هل فى مشكلة فى العفشة؟
هل فى اى مشاكل تاتية ظهرت فيها؟
وهل هى احسن ولا اللوجان ؟
رغم ان السانديرو تناسبنا اكتر
هل قطع غيارها موجودة برا التوكيل؟
هل قطع غيارها غالية بهبل؟
معلش اسئلة كتير
شكرا مقدما

[nagy wassef]

ايه يا جدعان هو القسم ده مشاهدة فقط؟

[nagy wassef]

وصلنا ل64 مشاهدة
دا شىء جميل
انا هخش موسوعة جينيس لاكتر موضوع تم مشاهدته بدون مشاركة :)

[Mohamed_Hamid]

انا بشارك بس علشان متحسش انك لواحدك :)
متابع

[Super_Star_h]

زيها زي اللوجان
مافيهاش مشاكل ولا حاجه
قطع الغيار موجوده فى كل حته بره التوكيل
مش غاليه اوى
بالتأكيد هى اغلى من اللانوس والفيرنا .. لانها فرنساوى
مين الافضل ؟ الاتنين واحد
والقرار يرجعلك انت عايز عربيه هاتشباك ولا سيدان

[eye]

بعد تجربة 500 كم مشفتش مشكلة في الفرامل خالص بالعكس الفرامل كويسة جدا.

[assaf]

الاتنين واحد الفرق الشنط

[nagy wassef]

الففففففففففففففففف شكر يا رجالة
انا رحت شفت ثلاث عربيات سانديرو
الثلاثة كنت كل ما بفرمل بسمع خبطة جمدة قوى من تحت العربية
كأن حديدتين خبطوا فى بعض. صوت غريب اول مرة اسمعه فى عربية
مش عارف هل ده عادى؟