استفسار رفيع :d

[O.Arafa]

السلام عليكم ورحمه الله

استشاره بسيطه يا شباب الرينو والفرنساوى بشكل عام

انا حاليا معروض على اخويا فلوانس كسر زيرو ٢٠١٣

ومطلوب فيها ١٣٥ الف

وهو بيقارن ما بينها وما بين البيجو ٣٠١ زيرو بنفس السعر الجديده ٢٠١٥

انا بصراحه بفضل الفلوانس بس مش عارق اقارن اوى ما بينهم

اتمنى من الناس المحترمه والفاهمه تقولى ايه الافضل والسبب

اسف للاطاله

شكرا مقدما :)

[O.Arafa]

معلش برده طلب صغير تانى

لو حد يعرف اى حد بيبيع ميجان ٢٠٠٩ بس تكون ماشيه. من ٨٠ الى ٨٥ الف

السعر مش هنختلف عليه ان شاء الله بس المهم الاقى دى ليا

[yasser100]

فلوينس الفئه الكام ؟

[O.Arafa]

الفئه التانيه

بعد اذن حضرتك برده

هو ايه الفرق ما بين الفئه الاولى والتانيه فى ميجان ٢٠٠٩ ؟

[yasser100]

ما اعرفش حاجه عن الميجان . الفئه التانيه فى الفلوينس اعلى طبعا من البيجو 301 فى كل حاجه . فى الاوبشن و الكواليتى و المساحه و الموتور و البرستيج كمان

[O.Arafa]

متشكر اوى للرد

انا قولت برده كلام قريب زى كده

وبالنسبه للميجان

شكرا للمحاوله واتمنى حد يعرفنى ايه الفرق ما بين الفئه الاولى والتانيه

[osamasindbad1]

لو ها تشتري ميجان اشتريها كامله فتحة سقف او ع الاقل الفئه الكامله بدون فتحة سقف لانه ها تفرق معاك في الامكانيات والاوبشن يعني ها تلاقي مثبت سرعه شكل فتحة السقف البانوراما في الميجان جميل وشيك ها تلاقي تكييف تاتش مش بكر ووحدة رفع الزجاج لا بصراحه فيه فرق في الاوبشن والاسعار مش بتفرق كتير عن بعض بس اهم حاجه تكشف ع العربيه في التوكيل وتطمن على كل حاجه بس طبعا التوكيل بيطلع كل حاجه وها تلاقي حاجات محتاجه تتغير نتيجة الاستهلاك ده طبيعي بس ما يكونش فيه مشكله في الاساسيات عموما عشان ما اطولش عليك انا كان معايا ميجان 2006 فتحة سقف لكن ما كانش فيها اوبشن مثبت السرعه ودلوقتي معايا فلوانس 2011 صدقني لو العربيه حالتها كويسه ها تستمع بالميجان وطبعا الفلوانس لو العربيه الكسر زيرو حالتها ممتازه احسن كتير من بيجو لان الاوبشن اكتر بكتير وربنا يوفقكم

[O.Arafa]

شكرا يا دكتور

انا اخويا راح شاف الفلوانس بس لقى فيها خبطه جامده فى الباب اللى ورا

لسه هيوديها لحد يشوف الخابطه مأثره اوى ولا لأ

[O.Arafa]

وبالنسبه للميجان انا دايخ على ٢٠٠٩ او ٢٠٠٨ مش لاقى اى حاله كويسه تماما

محدش يعرف معرض او اى شخص بيبيع ؟

[ramymechanics]

فلوانس و بيجو 301 ؟؟؟ انت كدة هتزعلنا منك :) :) :) دى فئة و دى فئة تانية خالص و كمان 2013 يعنى فيس ليفت و كسر زيرو ؟؟ الله يسامحك :) :) :)

[yasser100]

فلوانس و بيجو 301 ؟؟؟ انت كدة هتزعلنا منك :) :) :) دى فئة و دى فئة تانية خالص و كمان 2013 يعنى فيس ليفت و كسر زيرو ؟؟ الله يسامحك :) :) :)

2013 مش فيس ليفت يا باشا :) . الفيس ليفت نزلت موديل 2014 فى نص 2013 لكن موديل 2013 نفسه لا يعنى دى ممكن تكون نزلت من نص 2012 لغاية نص 2013

[osamasindbad1]

على فكره انا اللي خلاني اشتريت فلوانس اني بعد ما بعت عربيتي دوخت وطلع عيني على ميجان 2008 او 2009 حالتها كويسه وشوفت عربيات كتير وكنت لما باقارنها بعربيتي ال 2006 لا كانت حالتهم تعبانه ومغالاه في الاسعار فقررت ازود الفلوس واشتري فلوانس احسن والحمد لله ما ندمتش بالعكس الفلوانس عربيه جميله ومريحه ورفاهيه عموما ربنا يوفقك انت واخوك وتتوفقوا في الميجان والفلوانس