فليوانس والمرور

[shifo]

اللى حصل النهارده كنت ماشى الساعة 12 ظهرأ قابلنى لجنة مرور ودار الحوار التالى
هو: الرخص لو سمحتص مع السلامة
أنا : اتفضل
هو : الزجاج الفيميه بتاع ابواب ورا مش مثبت على الرخص ليه يا باشا ؟
أنا : هو فين الفيميه دا ؟ دا الزجاج الفابريكيه وعادى مش فيميه ولا حاجه
هو: طيب لحظة - - -- راح نده على واحد تانى وبرضه قاللى: لازم تثبت الفيميه على الرخصة
أنا : والله دا مشفيميه يا اخواننا
هو : يمكن بقى احنا مش بنشوف كويس- اتفضل الرخص مع السلامه
مشيت وكنت تقريبا وصلت للمكان اللى رايحه - ركنت ونزلت قفلت العربيه ببص لاقيت
زجاج الابواب الخلفيه أسود أسود يعنى
الواضح ان نوع الزجاج مشابه لنظارات الشمس بتغمق مع اشعة الشمس ويتحول لونها للغامق
بصراحة اكتشاف ما كنتش واخد بالى منه رغم ان العربيه بقالها معايا 15 شهر تقريبآ
يا ترى انا لوحدى اللى كده؟
عموما يوم بعد يوم بحبك اكتر يا فليوانس

[Land_Cruiser]

بص انا مش من ملاكها انما اعتقد ان الزجاج الخلفي الجانبي ملون و كان فعلا المفروض يبقي مثبت علي الرخصه لانها نازله كده فابريكه و بيبقي مكتوب في ورق العربيه اللي جايه به من بره بس احيانا لازم تنبه علي موظفين المرور لانهم بينسوا يضيفوها. الزجاج الملون ده بيبقي بدرجه معينه و بيقلل دخول اشعه الشمس ورا و بالتالي بيساعد في تقليل درجه الحراره الي حد ما داخل المقصوره و في نفس الوقت لا يحجب الرؤيه كليا . علي العموم انتظر اراء الملاك و شوف مكتوب ايه في الرخص بتاعتهم و احتياطي برضه ممكن تبقي تحط الفئه بتاعه عربيه حضرتك

[Ahmed abdkarim]

متابع

[Hany Saad]

كمان الجانبى الأمامى ملون و بيغمق مع الشمس بس افتح من اللى ورا

تحياتى

[yasser100]

فعلا انا ﻻحظت ده من اول ما استلمتها . الزجاج فى الشمس بيقلب فميه جامد كأنك مفيم و حتى ابنى كان ﻻحظها و سألنى هو انت ركبت فميه امتى ؟؟ حتى انا بصيت و استغربت

[shifo]

كمان الجانبى الأمامى ملون و بيغمق مع الشمس بس افتح من اللى ورا

تحياتى

فعلآ شىء جميل

[reymo]

ده اسمه زجاج فوتو براون لونه بيقلب فاميه او حبه اخضر فى الشمس انا حصل معايا نفس الموقف

[ahmedelfeky]

زجاج الاربع ابواب فعلا ملون بس درجه خفيفه جدا بس للاسف ف شهاده بيانات العربيه مابيكتبوش الكلام ده أخرهم يكتبوا ستائر خلفيه وجانبيه يدويه