Renault Clio 2015 قريبا فى مصر

[M.Elwan]

يستعد توكيل رينو مصر لاطلاق موديل CLIO 2015 بالاسواق المصرية فى الفترة القادمة
ويقوم التوكيل بتجربة سيارة واحدة فى الشوارع المصرية للترويج للموديل الجديد وايضا لاختبار مدى ملائمة الموديل الجديد للشوارع المصرية

[mac os]

سعرها هيبقى فى اى فئه ؟ اقل من الفلوانس ولا ايه؟

[eng.m7md.ali]

اعتقد سعرها هيبقي في حدود ال 120-130 الف وهتنافس جامد

[aimank]

كشكل من بره وجوه تحفة بس لو تغاضينا عن المتور ال 900cc التلاتة سلندر مش ممكن نتغاضي عن الفتيس اللي شبه بتاع التويوتا الكورولا الجنوب افريقي ابدااا :)

[J A G U A R]

هيا ماتور 900 cc و 3 سلندر ..

[ENG.MaRk]

موتورها ضعيف جدا ... من 1400 ل 900 ده انحدار من رينو

[yasser100]

هاتكون موفره جدا فى البنزين و ده الاتجاه الجديد فى اوروبا . ممنوع دلوقتى دخول اى عربيه للسوق الاوروبى اكتر من 1400cc و هيه تحفه فى التجهيزات الجديده

[mac os]

بجد 900 cc ؟كده الاتراج او السويفت افضل منها كاسعر مقابل قيمه لو سعرها طلع اكتر من 120

[yasser100]

موتورها ضعيف جدا ... من 1400 ل 900 ده انحدار من رينو

موضوع ال كام cc ده انتهى . المهم العزم و الهورس باور . دى 90 حصان زيها زى عربيات كتير مواتيرها 1600cc . قمة التكنولوجيا طبعا

[eng.m7md.ali]

انا شايف موضوع ال 900 سي سي تيربو مش مشكلة .. بس المشكلة انها 90 حصان بس والعربية مش خفيفة وكمان 3 سلندر .. بس بصراحة عربية تحفة

[monamize4]

انا شايف موضوع ال 900 سي سي تيربو مش مشكلة .. بس المشكلة انها 90 حصان بس والعربية مش خفيفة وكمان 3 سلندر .. بس بصراحة عربية تحفة

حمد لله ع السلامه ياباشا ,, الوقف للجدعان :)

[Eslam.Elrefaey]

انا شايف انه هوا هينزلها فى فئة تانية غير الى انتو متوقعينها هينزلها تنافس بيجو 208 وسيتروين c3 وهينزل موديل الrs ينافس الds3

[Hany Saad]

طبعاً بغض النظر الكليو هتنزل مصر او لا و رأى انها مش هتنزل لأن سعرها مبالغ فيه و الناس مش هتفهم إمكانياتها كويس
الموتور ال TCE90 ده موتور تربو 900 سي سي 3 سلندر بيطلع عزم مقداره 135NM عند 2500 لفة فى الدقيقة و بيطلع 90% من هذا العزم عند 1650 لفة فى الدقيقة!!!!!!!! فإذا علمنا أن موتور عربية زى الكيا سيراتو ال 1600 سي سي و هورس باور 130 حصان بيطلع عزم قدره 155NM عند 4850 لفة فى الدقيقة نفهم على طول الإعجاز العلمى لموتور رينو التربو الجديد....
بالإضافة لذلك.... الموتور متصل بجيربوكس جديد dual clutch ٦ سرعات......
العربية حلوة جداً و لكن فرصتها فى مصر تكاد تكون معدومة

تحياتى

[noapology]

العربيه مش هتنزل باقل من 140 تاني حاجه اه الموتور 900 سي سي و موفر و قوي 90 حصان اللي احسن من الياريس 1300 بس هتحتاج بنزين 95 :d بس كده يبقي مش هتمشي

[ashouhdy]

كل البنات حتركبها و افتكرونى .... عربية في منتهى الشياكة .. وانسوا بقي ال cc والكلام دة خلاص انتهي