انضميت الي عائلة رينو الحمد لله

[Islam Hany]

الحمد لله انا من حوالي اربع او خمس ايام اشتريت سيارة رينو ميجان 2 هاتشباك موديل 2005 مانوال و الحمد لله العربية فوق الممتازة و عجباني جدا بس انا كنت مقلق من التكنولوجيا الي فيها و قطع الغيار بس اللي شجعني اني لقيت واحدة لقطة قدامي فاخدتها علي طول و انا الحمد لله سعيد اني بقيت من اعضاء قسم رينو العريق ( علما بأني لسا عامل الاكونت ده جديد و اني في المنتدي من زمان ) معلش بقي طولت عليكم

[Hany Saad]

الف مبروك على العربية و ربنا يديك خيرها و يكفيك شرها....
المانيوال هتريحك جداً و هتكون مشاكلها أقل من الأتوماتيك....أنا بحترم العربية دى جداً جداً و خصوصاً الهاتش باك
مرحباً بك فى أسرة رينو و تحت أمرك فى أى إستفسار يخص العربية

تحياتى

[noon_eg]

مبروك العربيه .. على فكره انا كان نفسى اشترى رينو فلونس بس برضه خفت من التكنولوجيا العاليه

[Islam Hany]

الف مبروك على العربية و ربنا يديك خيرها و يكفيك شرها....
المانيوال هتريحك جداً و هتكون مشاكلها أقل من الأتوماتيك....أنا بحترم العربية دى جداً جداً و خصوصاً الهاتش باك
مرحباً بك فى أسرة رينو و تحت أمرك فى أى إستفسار يخص العربية

تحياتى

الله يبارك فيك يا باشا و انشاء الله استفيد من خبرة حضراتكم جميعا

[Islam Hany]

مبروك العربيه .. على فكره انا كان نفسى اشترى رينو فلونس بس برضه خفت من التكنولوجيا العاليه

الله يبارك فيك و متخفش من التكنولوجيا العالية لانها منتشرة و في ناس كتير بتفهم فيها و لو هتجيب جديد يبقي انشاء الله مش هتبدأ تتكلم قبل 3 او 4 سنين و الله الموفق

[yasser100]

ما تقلقش و ما تتخضش علشان اى مشكله ما تظهرش كبيره بالنسبه لك :) و لو حالتها كويسه و لقطه زى ما بتقول يبقا اتعامل مع التوكيل من اولها

[macman]

ما تقلقش و ما تتخضش علشان اى مشكله ما تظهرش كبيره بالنسبه لك :) و لو حالتها كويسه و لقطه زى ما بتقول يبقا اتعامل مع التوكيل من اولها

تماام

[Islam Hany]

ما تقلقش و ما تتخضش علشان اى مشكله ما تظهرش كبيره بالنسبه لك :) و لو حالتها كويسه و لقطه زى ما بتقول يبقا اتعامل مع التوكيل من اولها

الحمد لله كل يوم القلق بيقل و انشاء الله ميبقاش فيه مشاكل كبيرة و مشكور علي مرورك الكريم :)

[medohai510]

الف مبروك وربنا يعطيك خيرها ويكفيك شرها
طمني علي الميجان علشان انا لسة بايع الكيلو وناوي باذن الله اشتري ميجان وخايف من مشكلات الفتيس الاتو

[تامر.محمد]

الف مبروك و يااااااااااااااا رب تكون كشفت عليها كويس قبل ما تشتري :))

[أسامه الحسيني]

الف مبروك
ولو امكن ممكن تكلمنا عن الحاله وسعر الشراء لتعم الفائده

[Islam Hany]

الف مبروك وربنا يعطيك خيرها ويكفيك شرها
طمني علي الميجان علشان انا لسة بايع الكيلو وناوي باذن الله اشتري ميجان وخايف من مشكلات الفتيس الاتو

اولا مشكور علي الرد الجميل ده تاني حاجة بقي ان العربية جميلة جدا و هي لسا مش بقالها كتير معايا عشان احكم عليها في حوار المشاكل و كدا بس اللي انا فهمته ان مشاكل المانوال اقل بكثير بس لو حضرتك عايز اتوماتك يعني لابد من انك تدور كتير وتتأني لأن التعويرة في الميجان مش بالساهل يعني بس برضه مش زي مالناس مطلعة عليها سمعة ان قطع غيارها نار و كدا هو فيه و فيه مش كله يعني فاحضرتك ما تقلقش اهم حاجة حالة السيارة العيب مش في السيارة نفسها

[Islam Hany]

الف مبروك و يااااااااااااااا رب تكون كشفت عليها كويس قبل ما تشتري :))

بس هو انا جبت واحد شغال في التوكيل بس انا بصراحة مكونتش مستريحلو اوي بس كذا حد قالي كويس و بيفهم و كل اللي قالوا علي العربيى طلع موجود فيها و كانت حاجات بسيطة زي مساعدين و بارات دريكسيون بمعني الكلام حاجات رفايع يعني بس و قالي الموتور ممتاز و الفتيس كويس وده كانت حاجة مهمة بس انا مش عارف هو عرف منين ان كهربة العربية سليمة اصلا بس الحمد لله الموتور و الفتيس بحالة ممتازة و اعتقد لو فيها حاجة في الكهرباء او اي حاجة كبيرة مانت بانت انا مشيت يها حوالي 600 كيلو شوية بالتكييف و شوية طرق سريعة و زحمة و كدا اعتقد لو في حاجة كانت ظهرت ؟

[Islam Hany]

الف مبروك
ولو امكن ممكن تكلمنا عن الحاله وسعر الشراء لتعم الفائده

السيارة : رينو ميجان هاتشباك فرنساوي 2005

الفئة: اعتقد انها الفئة الاولي و هي مانوال و بكارت

حالة الصالون : الفرش الاصلي بتاع السيارة و نضيف بشكل كبير جدا جدا حوالي 90 كالجديد

حالة الموتور : جيدة للغاية مفيش اي حاجة غريبة لحد دلوقتي و التسارع ممتاز والعداد 120 الف

حالة العفشة : جيدة جدا بس احتاجت مساعدين ورا و بارات دريكسيون قدام ولكن متماسكة في الحفر والنقر

حالة البوية : السيارة فبريكة جوة و برة عدا الاكصدام الخلفي مرشوش نتيجة لخبطة في الشنطة بسيطة (موتوسيكل ) بها بعض الحكات البسيطة و الخرابيش حطة مشطوفة صغيرة في الرفرف اللي قدام يمين و انشاء الله هصبها بس هايلة جدا بالنسبة لانها فابريكة من الاخر متحافظ عليها
حالة عامة : السيارة ممتازة جدا بالسعر المعروض و بالنسبة لموديل 2005 ولا تحتاج لمصاريف كثيرة شوية تظبيطات صغيرة
السعر : 58 الف جنيها فقط لا غير
و هو حتي لو اغلي من تمنها شوية فده لندرة حالتها و نظرا لانها مانوال مم يجعلها اقل عرضه لمشاكل الفتيس المعروفة في الميجان ده غير السحب القوي مقارنة بالاوتوماتك و معلش لو طولت علي حضراتكم لكن والله حاولت اقول كل حاجة عشان الناس تستفيد :)

[medohai510]

ربنا يبارك لك فيها ويكفيك شرها
اهم حاجة انك تحافظ عليها علشان تعيش معاك بحالتها