قطع غيار ميجان

[madmad]

انا معايا ميجان ٢٠٠١ عاوز اشترى لها شويه حاجات

تيل فرامل امامى
تانبورتين
٢ مساعدين خلقى وامامى
لمبه اسطوب الى فى الازجاج الخلفى
جوز فوانيس جداد

بسال اهل الخبر ايه احسن الماركات ويا تري في اصلى فرنساوى ولا ماركات زى ما سالت ع التيل ولاقيته ريمس اسبانى ومين بيبيع احسن الاسعار و ميغشنيش يعنى بلاش الصينى

شكرا لكل الاعضاء

[madmad]

امال انا دخلت منتدى غلط ولا ايه مفيش حد بيشترى قطع غيار

[dedo_ryo]

يا صديقي ولا تزعل نفسك
بص هو مش تجاهل ولا ان محدش بيشتري قطع غيار ولكن معظم الأعضاء هنا معاهم ميجان 2 مش 1 علشان كده الرد هيتأخر شويه ولكن على حد علمي
تيل فرامل امامى هيبقا ريمسا او فاليو لان دول بتوع كل الفرنساوي و بجيبهم من ايام البيجو لغايه دلوقت
الطنابير و انت بتشتري التيل في عندهم الطنابير و لكن الانواع معنديش فكره الصراحه
لمبه الاستوب ....... لو اللمبه بس فكها و عند اي بتاع قطع غيار اي ماركه هات واحده زيها اما لو الكشاف كله يبقي عليك و عالاستيراد
الفوانيس .. قدامك طريقين استعمال خارج اللي هو استيراد و ده اصلي اصلي و بالماتور و اللمبات او جديد و ده غالبا ديبو تايواني و انت تنقل الموتور و اللمبات من القديم للجديد
و ربنا يوفقك

[تامر.محمد]

معلش مش تجاهل ولا حاجة بس للأسف , الاعضاء اللي معانا معاهم ميجان1 قليلين اوي

[madmad]

طيب حد يدلني ع بتوع الغيار الكويسين

[madmad]

موش بتوع الرينو واحد طب حد يدليني

[تامر.محمد]

صقر قريش المعادي اكيد هتلاقي فيها

و فيه اتنين في شارع دمشق