معلومة عالماشي .... و استنكار !! - ميجان2

[تامر.محمد]

سلام عليكم جميعا
حتة كده ندردش فيها سوا
هي بخصوص جنوط ميجان 2 , و ممكن تنطبق عالفلوينس كمان
الجنط الحديد الفابريكة ال15 , اللي بينزل في اول فئة , بفردة الكاوتش وزنه 15 كيلو
الجنط الالمونيوم الفابريكة ال16 , اللي بينزل في باقي الفئات , بفردة الكاوتش وزنه 17-18 كيلو !!!

انا كان الجنط السبور الخارجي بتاعي بيدي نفس الوزن ده و كنت باقول انه تقيل بس لما وزنت جنط الفابريكة لقيته نفس الوزن !!

انا اعرف ان الجنط السبور مفروض وزنه اخف
احنا كده بنتكلم في جنط وزنه اتقل , و قوة احتماله طبعا اضعف من الحديد

يعني ضحينا بالأداء (سحب العربية و راكب فيها ال15 الحديد احسن شوية من ناحية بسبب وزن الجنط من ناحية تانية بسبب ان الكاوتش 195 مش 205 و مش عارف تأثير انهي فيهم اكبر) , و بقوة الاحتمال , و بالتكلفة الاقل .......... كل ده عشان الشكل بس !!!

[Super_Star_h]

الجنوط الالمونيوم عيبها انها ضعيفه شويه
انا كنت مركب جنوط 15 سبور لاقيت العربيه تقيله وثباتها مش قد كده
قومت واخد الاربع جنوط الالمونيوم وديتهم يتصلحو على المكنه عشان فيهم عوجان وفيهم رفه جامده ,, وكل فرده تصليحها كلفنى 200 جنيه
اتصلحو واتضبطو وقومت راجع مركبهم تانى فى العربيه
ادائها افضل بكتير ووزنها خفيف وبتخلى العربيه تاخد راحتها على الطريق

[monamize4]

well ,,
first of all ,, يارب النور مايقطعش تانى و انا بكتب البوست
aisi النور بقى بيقطع ف اوقات غريبة !!!!

concerning ,, مسألة ان الجنوط الالمونيوم اضعف
دا مش حقيقى ,, بالعكس ال aluminum wheels بتكون اقوى
و ف حالات كتير مش بتكون 100% aluminum ,, لكنها in fact بتكون alloy
حتى بيتقال عليها alloy wheels و احنا بنختصر الموضوع و نقول ((جنوط المونيوم )) على اى جنوط سبور
و well known ان ال alloy properties بتكون مختلفه عن properties
ال component اللى داخله فيها و دا عارفينه من ايام الكيميا

concerning ,, مسألة الوزن
well kown ان وزن ال alloy wheel اخف من وزن ال Steel wheel
و دا in case of ال 2 ليهم نفس ال diameter (اللى بنقيسة طبعا بال ")
يعنى ماينفعش نقارن وزن 15" steel wheel بوزن 16" alloy wheel
و الكلام دا generally من غير ما ندخل ف تفاصيل

indeed عمرنا ما نلاقى عربية سبور و نازلة ب Steel wheels
بتلاقيهم بينزلوا ب aluminum wheels و magnesium wheels و ,,,,,,, etc
و الوزن الاقل دا ميزة مهمة جدا ,, لان ال rule of thumb
ان كل ما ال unsprung weight قل ,, كل ما springs و shock absorbers
هيتحركوا بصورة افضل و كل دا بيدى performance اعلى للعربية

ميزة تانية لل aluminum alloy wheels انها بتdissipate الحرارة بصورة افضل
و اصلا ال design بتاعها بيسمح بكدا ,, عكس design ال steel wheel اللى ما بيسمحش
بدخوله الهواء بصورة كويس و كل دا بينعكس directly على اداء الفرامل و الكاوتشات


عامة الموضوع فيه TMI و ليه استثناءات كتيييييييييييرة بس انا بحاول اتكلم عن ال outline


و نصيحة لاى حد بيفكر يجيب جنوط سبور ,,
لازم وزن الجنوط اللى هتشتريها يكون قريب من وزن الجنوط ال OEM
DDAS بلاش الجنوط الزفت الصينى اللى ماليه البلد
farewell ,,

[تامر.محمد]

بس انا يا جماعة وزنت العجل ,يعني مافيهاش فصال
الفردة ال15 الحديد بكاوتشتها 15 كيلو و الفردة ال16 بكاوتشتها حوالي 18 كيلو

[mohamed_selim]

فى جزء من الفرق فى وزن الكاوتش نفسه من ١٥ ل ١٦ ... بس اكيد مش ال ٣ كيلو كلهم
فى نقطه عامه ان الشركات المصنعه بتاخد وزن الجنط و العجله فى تصميم العفشه و عادة بتلاقى ان ممكن يكون فى اختلاف فى مكونات عفشة موديل عن التانى

[تامر.محمد]

فى جزء من الفرق فى وزن الكاوتش نفسه من ١٥ ل ١٦ ... بس اكيد مش ال ٣ كيلو كلهم
فى نقطه عامه ان الشركات المصنعه بتاخد وزن الجنط و العجله فى تصميم العفشه و عادة بتلاقى ان ممكن يكون فى اختلاف فى مكونات عفشة موديل عن التانى

متفق جدا , خصوصا

ان الكاوتشة ال16 اعرض 1 سنتيمتر

بس ما تزال المحصلة ان العجلة ان العجلة اتقل , مستغربها جدا بصراحة

[monamize4]

بس انا يا جماعة وزنت العجل ,يعني مافيهاش فصال
الفردة ال15 الحديد بكاوتشتها 15 كيلو و الفردة ال16 بكاوتشتها حوالي 18 كيلو

مش هنقدر نحكم على المثال دا ياباشا لسببين ,,

الاول ,,
ان حضرتك وزنت الجنط بالكاوتش و طبعا وزن الكاوتش مقاس 15 بيفرق
عن وزن الكاوتش مقاس 16 و btw مقاس 15 نفسه بيفرق من شركة للتانية و نفس
الشركة بتعمل موديلات 15 ليها اوزان مختلفة ,, و it اننا متفقين على النقطة دى

التانى ,,
حتى لو عرفنا وزن الجنط الحديد 15 و وزن ال 16 سبور من غير الكاوتش
مش هنقدر نقارن بينهم برضة ,, لازم ال2 يكونوا نفس المقاس

المعلومة الاكيدة ,,
ان لو مجازا كان معانا جنط حديد 16 اوريجنال للميجان ,, اكيد وزنه هيكون اقل من وزن جنطها ال 16 سبور
و مقدرش اقولك cmiiw لان دا شئ منتهى

[تامر.محمد]

يمكن انا ما وصلتش وجهة نظري صح
انا مقر بكل الكلام ده , و مقر ان غـــــــــــــالبا لو فيه جنط حديد 16 نازل فابريكة في نفس العربية هايبقى وزنه اتقل

نقطة اعتراضي هي :
ازاي الشركة - رينو او ايا كان - لما تعمل ابجريد - مشيها ابجريد - في نقطة معينة لعربية ما تبص عالتكلفة بس , بمعنى الابجريد لما اتعمل من اول فئة ام جنط 15 حديد لتاني فئة ام جنط 16 سبور ..... كانت النتيجة ان العربية ثباتها اتحسن شوية في مقابل ان تسارعها اللي اصلا قل شوية مع تعريض الكاوتش قل كمان لأن الوزن النهائي للunsprung weight لو انا كاتب المصطلح صح بقى اكتر 20% من بتاع اول فئة

[monamize4]

يمكن انا ما وصلتش وجهة نظري صح
انا مقر بكل الكلام ده , و مقر ان غـــــــــــــالبا لو فيه جنط حديد 16 نازل فابريكة في نفس العربية هايبقى وزنه اتقل

اكــــــــــــيد و ليس غـــــــــــــالبا

نقطة اعتراضي هي :
ازاي الشركة - رينو او ايا كان - لما تعمل ابجريد - مشيها ابجريد - في نقطة معينة لعربية ما تبص عالتكلفة بس ,
بمعنى الابجريد لما اتعمل من اول فئة ام جنط 15 حديد لتاني فئة ام جنط 16 سبور .....
كانت النتيجة ان العربية ثباتها اتحسن شوية في مقابل ان تسارعها اللي اصلا قل شوية مع تعريض الكاوتش
قل كمان لأن الوزن النهائي للunsprung weight لو انا كاتب المصطلح صح بقى اكتر 20% من بتاع اول فئة

afaiu ,,
ان حضرتك تقصد ان ازاى الفئة الاعلى ف الميجان - نمشيها ابجريد عشان خاطر المنسق المساعد -
يبقى ليها unsprung weight اكبر من الموجود ف الفئة الاقل ؟ صح كدا ؟

لازم الفئة الاقل تكون جنوط حديد و اقل ,, عشان التكلفة
و لازم الفئة الاعلى يكون جنوطها اكبر عشان الثبات و الفرامل يكونوا افضل
يبقى كدا رينو قدامها حلين اما انها تنزل الفئة الاعلى بجنوط 16 سبور او جنوط 16 حديد
و طبعا الاخيار محسوم للجنوط السبور زى ما قلنا ف البوست #3


و لو هنقارن اداء الميجان بالجنوط ال15 حديد او ال 16 سبور
و هنفرض مجازا ان الجنوط ال 16 اتقل بحاجة بسيطة من ال15 حديد ب x kg مثلا
و دا مش هيكون وزن كبير لان دى شركة محترمة مش هتجيب جنوط اى كلام ,,
المهم ان ساعتها ال unsprung weight مش هيزيد 20% ابداااااااااااا زى ما حضرتك بتقول
لان وزن باقى components ال unsprung weight اكبر بكتيييير من ال x kg اللى مش هيبقى
مؤثر للدرجة لكن قصاد كدا ف هيبقى الثبات احسن و الفرامل احسن و ميزة تانية ان يبقى معاك جنط اقوى

[S O P H O S]

النقاش فالموضوع ده مفيد جدا
وهيخلي الواحد يفكر فكذا شئ الاول
قبل تغير الجنوط

[تامر.محمد]

النقاش فالموضوع ده مفيد جدا
وهيخلي الواحد يفكر فكذا شئ الاول
قبل تغير الجنوط

حقيقي
من المعلومات الغير فنية - مثلا - اللي وصلت لها ان الواحد لما تبوظ عنده فردة فيه احتمال يبوظ الطقم كله , لما رحت لأرابكوم اسأل قالوا لي ما بيبيعوش بالفردة لأنهم بيجيبوا الاطقم اربعات !!!

و طبعا معلومة الوزن دي دايما هاحطها في اعتباري ان شاء الله , لو , حصل و جبت جنوط سبور تاني

[mfraig]

معلش ياباشا انا مختلف معاك لعدة اسباب
1-الجمط السبور اتقل واكيد مش بس عشان المقاس كمان لان خامته كويسه وده جنط منزلاه رينو مش جنط صيني كفاءته معدومه وانا شخصيا مشتكتش منه
2- الكاوتش الاعرض بيخللي العربيه اكثر ثباتا
3- فرق الوزن 3 كيلو في 4 يعني 12 كيلو مقارنة بوزن العربيه ولا الهوا مش ده اللي هيتقل العربيه او يخففها
4- العربيه اشيك بمرااااااااااحل بالجنط الاسبور والكاوتش العريض عن الطاسات اللي بتتسرق :)

[تامر.محمد]

معلش ياباشا انا مختلف معاك لعدة اسباب
1-الجمط السبور اتقل واكيد مش بس عشان المقاس كمان لان خامته كويسه وده جنط منزلاه رينو مش جنط صيني كفاءته معدومه وانا شخصيا مشتكتش منه
2- الكاوتش الاعرض بيخللي العربيه اكثر ثباتا
3- فرق الوزن 3 كيلو في 4 يعني 12 كيلو مقارنة بوزن العربيه ولا الهوا مش ده اللي هيتقل العربيه او يخففها
4- العربيه اشيك بمرااااااااااحل بالجنط الاسبور والكاوتش العريض عن الطاسات اللي بتتسرق :)

انا ابصم بالعشرة بخصوص رقم 2 و رقم 4
لكن اختلف بخصوص 3 , لأن الوزن هنا مؤثر لأنه في منظومة الحركة نفسها unsprung weight
بالنسبة لرقم 1 انا متفق , بس انا كنت مفترض ان اي شركة لما تحسن مش هاتحسن الشكل و الثبات على حساب التسارع

[mfraig]

انا ابصم بالعشرة بخصوص رقم 2 و رقم 4
لكن اختلف بخصوص 3 , لأن الوزن هنا مؤثر لأنه في منظومة الحركة نفسها unsprung weight
بالنسبة لرقم 1 انا متفق , بس انا كنت مفترض ان اي شركة لما تحسن مش هاتحسن الشكل و الثبات على حساب التسارع

انا مش قادر اصدق
هل عاوزين تقولو ان لو جبنا عربيتين ميجان زيرو اول فئه وهاي لاين وشدو مع بعض هيكون في فرق فعلا بسبب الجنوط ؟؟!!

[mfraig]

انا ابصم بالعشرة بخصوص رقم 2 و رقم 4
لكن اختلف بخصوص 3 , لأن الوزن هنا مؤثر لأنه في منظومة الحركة نفسها unsprung weight
بالنسبة لرقم 1 انا متفق , بس انا كنت مفترض ان اي شركة لما تحسن مش هاتحسن الشكل و الثبات على حساب التسارع

بخصوص رقم 3 انا حسبتها ان 12 كيلو مش حاجه في اجمالي الوزن الكلي بس ماحسبتهاش زي مانت بتقول ولا حتى فهمت انت تقصد ايه عشان اخوك دكتور اسنان مالوش في الحوارات ده واخري افتكر ان 5*6 كانت ب 30 باين