يخصوص الميجان ٣

[M!SHO]

رأيكم ايه فيها تحديداً موديل ٢٠١٠ ؟

بصرف النظر عن انتشارها هل فيه عيوب جوهريه ؟

اخيراً لو هاي لاين ٢٠١٠ فابريكه عامله ٨٠ الف كم ، السعر العادل ليها ايه ؟

بسرعة يا جماعة الله يكرمكم

[volcano12]

العربية مافيهاش أى مشاكل توكل على الله...
هى هى الفلوانس....
انا بحبها اكتر عشان هاتشباك... بالنسبة للسعر مش حقدر افيدك.. معلش....
لو عايز اى سؤال فى العربية أنا معاك :-) ربنا يوفقك فى اللى فيه الخير

[M!SHO]

ربنا يخليك شكراً

طب ايه رأيك ٨٠٠٠٠ كم مش كتير ، واخبار قطع غيارها وصيانة ايه

انا ان شاء الله ناوي اكشف في التوكيل بس اتفق على السعر الاول

[dreslam]

هايلاين بفتحه سقف وفابريقه بره وجوه 115-120 والله اعلم

[dreslam]

عربيه في منتهى الجمال والثبات والنعومه والسلاسه...عفشه طريه وثابته على الطريق.....جردل اوبشنز وفخامه التابلوه وخامات ممتازه واعتماديه عاليه وقطع غيار غاليه شويه لكن في المعقول....وارجو الكشف في التوكيل فقط

[dreslam]

ربنا يخليك شكراً

طب ايه رأيك ٨٠٠٠٠ كم مش كتير ، واخبار قطع غيارها وصيانة ايه

انا ان شاء الله ناوي اكشف في التوكيل بس اتفق على السعر الاول

80 الف في الرينو يبقى لسه بتلين مثلا

[volcano12]

ربنا يخليك شكراً

طب ايه رأيك ٨٠٠٠٠ كم مش كتير ، واخبار قطع غيارها وصيانة ايه

انا ان شاء الله ناوي اكشف في التوكيل بس اتفق على السعر الاول

80000 مش كتير و مش قليل بالنسبة للسوق المصرى .... لو 20000 فى السنة.... و لو بالنسبة للعربية ف ولا حاجة طبعا

الصيانة ممتازة ال5 ببلاش و ال10 بفلوس زى كل الرينو ...
و قطع الغيار معقولة بالنسبة للفئة السعرية... قريبة من اسعار الكورى
عربية فيها كل حاجة تتمناها.... المهم حالتها ايه

العربية الهاى لاين الجديد منها ب 180000 الف و هى كانت اياميها ب 140000 تقريبا زيرو.....

[ehab gamal]

هو في جديد من الميجان اصلا غير البلاي ؟

[volcano12]

المفروض انها 3 فئات...
الأولانية مش فاكر الصراحة فيها ايه و سعرها...
التانية ب 170000 زى فئة ال e3 فى الفلوانس كل الكماليات عدا فتحة السقف و السنسور
الثالثة ب 180000 بتزيد فتحة سقف و باركيج سنسور....
كان فى مرة شفت فى التوكيل واحدة هالاين بفرش جلد بيج و تابلوه بيج زى الe4 فى الفلوانس و زينون ..... بس مشفتهاش تانى و مش فاكر سعرها

البلاى هى الفيس ليفت.... لا جديد
الزيادة فيها عن الشكل اللى قبله.. مقدمة السيارة و النور الأمامى عدسات من أول ال e3 + النور النهارى
العدادات الديجيتال، الكاسيت بقى فيه usb، شكل الجنط، و طبعا الموتور و الفتيس....

تكييف الجديدة بردو بيقولو احسن.... بس اللى معايا 2011 ممتاز برده ... مع العلم كان معايا قبليها هيونداى النترا .... ف اظن معنى ممتاز وصلت.... مش زى المجان 2 الصراحة خالص

[M!SHO]

شكراً يا جماعه

كنت لسه هسأل حضرتك على التكييف :)