استفسار بخصوص تسعير ميجان 2008

[drmomoking]

قدامى عربية ميجان بتاعة حد معرفة 2008 اكستريم سيدان فول اوبشن تكييف تاتش بس من غير فتحة ماشية 40 الف بس و فابريقة برة و جوة

عاوزة تغير 4 فرد عشان بتوع الفابريقة و لمبة السرفيس منورة اظن عاوزة صيانة ال 40 الف و فيها خبطات و تجريحات من برة من الركنة و الفانوسين اللى قدام مشبرين على الاخر عاوزين يتغيروا الفانوس الخلفى شمال مكسور عاوز يتغير وشبكة الاكصدام الامامى مخلوعة

هى فابريقة بس اظن لو انا اخدتها ها تعوز تترش عشان هيا سودة فا شكلها مش عاطفى

السؤال السعر العادل ليها كام مع العلم ان دى الجاجات اللى انا لاحظتها انا لسة مكشفتش فى التوكيل و تكلفة الحاجات دى حيكون كام تقريبا

شكرا لوحوش الرينو مقدما

[تامر.محمد]

بالنسبة لل2008 فلو بانوراما و مافيهاش الهوا بيبقى توبها 85 , فده الرقم المبدأي

الشبكة لو بتتكلم على اللي بين الفوجين بتعمل لها حوالي 200 جنيه تقريبا استيراد
الفانوسين المشبرين ماظنش هاتقدر تحاسبه على تغييرهم
فيه اختيار فانوسين استيراد و فيه اختيار صب باغات للفانوسين
الفانوس الخلفي استيراد من 250-300 جنيه
الخبطات و التجريحات حسب وضعها , لازم تتشاف
اللون الاسود , لو فابريكة و مش متبهدل خدوش عميقة يبقى فيه احتمال يتلمع بس و يرجع كويس بس برده هايكلف شوية لكن اقل من الرش طبعا , اللي يفصل اللي هايلمع

[drmomoking]

[quote=تامر.محمد;3875741958]بالنسبة لل2008 فلو بانوراما و مافيهاش الهوا بيبقى توبها 85 , فده الرقم المبدأي

الشبكة لو بتتكلم على اللي بين الفوجين بتعمل لها حوالي 200 جنيه تقريبا استيراد
الفانوسين المشبرين ماظنش هاتقدر تحاسبه على تغييرهم
فيه اختيار فانوسين استيراد و فيه اختيار صب باغات للفانوسين
الفانوس الخلفي استيراد من 250-300 جنيه
الخبطات و التجريحات حسب وضعها , لازم تتشاف
اللون الاسود , لو فابريكة و مش متبهدل خدوش عميقة يبقى فيه احتمال يتلمع بس و يرجع كويس بس برده هايكلف شوية لكن اقل من الرش طبعا , اللي يفصل اللي هايلمع[/quo

هية اكستريم كاملة تكييف تتش و مثبت بس من غير فتحة و لمبة الايرباج كمان منورة مش عارف ممكن من اية

و التجاريح والخبطات ها تعوز تتسمكر و تترش عشان معظمهم فى داير الرفارف الورانى و الابواب

[Moratoz]

ومتنساس أن هتبقي محتاجة صيانه تغير سير الكاتينه ومعاها طرنبه الميه يعني الصيانه دي من اب 2500 جم تقريبا علشان الكتينه بتتغير يا أما علي 60 الف كيلو او ثلاث سنوات ، ومعتقدش ان العربيه بالشكل دا اتغير ليها الكاتينه في صيانات عاديه قبل كدة

[Super_Star_h]

اعمل حسابك ان انت هتصرف شويه
النقطه الايجابيه هى العداد القليل