عاجل استفسار بخصوص سعر رينو لوجان

[ahmed1127k]

سلام عليكم

انا اودامي سياره رينو لوجان 2010 كامله مانيوال بس عامله 150000 الف كيلو والكييف عاوز يتصلح وحالتها معقوله صيانتها دايما في التوكيل لو تنصحوني اشتريها علي سعر كام عشان ميضحكش عليا بس ياريت تردوا عليا سريعا عشان مفيش وقت

[Islam Hany]

انصحك انك تدور علي واحدة تانية لأن 150 الف كيلو في 4 او 5 سنين معدل كبير جدا و انت بتقول التكييف فيه مشكلة يعني العربية مستهلكة حتي لو مفيهاش مشاكل و لو انت عايز ليها سعر مثلا فممكن 50 الف و ده طبعا علي حسب العطل اللي في التكييف يعني لو عطل هيتكلف الف او حاجة ماشي لكن لو اكتر من كدا تنزل كمان و ده رأي انا و شوف الاخوة هيقولولك ايه

[abohend]

150 كتير

كده العربية فتحت بقها
شوف حاجة عداد قليل
150 ف4 سنين يعني 40 الف فالسنة
يعني عربية شقيانة

شوف عربية بالكتير 80 الف كيلو احسن

[Super_Star_h]

2010 تبقى ماشيه كتير اووى
والتكييف بايظ يبقى الكمبروسر قفش وعايزه واحد جديد
وطبعآ هتلاقى فيها شويه تظبيط عايزه مصروف
انساها وشوف واحده ماشيه قليل
اللوجان فيه منها حالات نضيفه كتير وماشيه قليل
ومش هتعدى ال 60 ألف جنيه
وبالتوفيق

[ahmed1127k]

شكرا علي ردكوا
طب لو عرفت اخدها ب 40
ايه رايكوا

[Super_Star_h]

شكرا علي ردكوا
طب لو عرفت اخدها ب 40
ايه رايكوا

شوف حالتها عامله ازاى الاول
واكشف عليها
لو طلعت سليمه مكنه وفتيس ومش عامله حادثه قبل كده
توكل على الله

[ahmed1127k]

انا سئلت علي مشكله التكييف هي الكمبروسر قفش بس معرفش سعره كام وكده العربيه تكون قيمتها ايه مع مشكله التكييف ديه

[ahmed1127k]

ايه يا جماعه مفيش حد يرد عليا

[Super_Star_h]

انا سئلت علي مشكله التكييف هي الكمبروسر قفش بس معرفش سعره كام وكده العربيه تكون قيمتها ايه مع مشكله التكييف ديه

زي ما قولتلك الكمبروسر هتلاقيه قفش
بص انا لسه شارى كمبروسر الميجان استيراد ب 1200
اعتقد ان كمبروسر اللوجان مش هيزيد عن كده
بس الله اعلم هتلاقيه بسهوله استيراد ولا لاء عشان اللوجان المستعمل بتاعها قليل بس هتلاقيه ان شاء الله