هاااام الى خبراء رينو فى المنتدى

[محمد الفاروق]

الاخوه الافاضل خبراء رينو
انا معايا ميجان 2 موديل 2006 اشترتها من فتره ولقيت فيها عيوب كتير
خشونه بالمحرك
لا توجد مصفحة
كرتيره الزيت يوجد بها لحام
تسريب جامد فى كارتيره الزيت من الناحية اليمين
البطاحات مقطعه
وبسمع طقتقة وانا ماشى الجنب اليمين ومش عارف بسبب البطاحات ولا جلب التراب
وفيه مشكله كبيره وانا ماشى فجأه تلاقى وانت بدوس بنزين متلقيش سحب نهائى وبعد كام دوسه تلقط معاك العربيه .. ارجو الافاده بهذه الاعطال علمآ بانى مشترى السياره من اسبوع فقط ولم اكتشف العيوب الا بعد الشراء وجزاكم الله خيرآ واسف على الاطاله

[محمد الفاروق]

لا يوجد اى رد الى الان ..................؟؟؟؟

[yasser100]

للاسف كان ﻻزم تكشف على الرينو بالذات فى التوكيل . لكن خلاص اللى حصل .


طالما كارتيرة الزيت فيها لحام راجع مستوى الزيت ممكن يكون قليل و هو اللى عامل خشونه فى صوت الموتور و مدئيا غيره و استخدم لزوجة 5w40

ده اللى اقدر افيدك فيه . الباقى ممكن الزملاء يردوا عليه

[Islam Hany]

اعتقد مشكلة السحب ده ممكن تبقي طرمبة بنزين و حضرتك روح اكشف عليها برضه و شوف الحاجات ده و ياريت بعدها حضرتك توافينا بالنتيجة

[Super_Star_h]

غير الكارتيره خالص واتأكد من مستوى زيت الماتور
اكشف على زيت الفتيس احتمال كبير هيكون ناقص
غالبآ هتكون بطاحات بايظه
هات مصفحه استعمال وركبها
اكشف على الطرمبه

[Shiref_mohamed]

اولا تغير الكارتيرة عشان الزيت مينقصش من الموتور ويعمل مشاكل وتشتري مصفحه استيراد وتركبها عادي
وتكشف على كهربة العربية وطلمبة البنزين
وبعد كده البطاحات مقدور عليها
وان شاء الله خير

[أسامه الحسيني]

مشكلة السحب ممكن تكون من فلتر البنزين او فلتر الهواء حاول تغيرهم الاول من مبدأ ابداء بالاسهل
وكمان ممكن تنظف بوابه الهواء ما كنش ابقي ادخل على طلمبه البنزين

[محمد الفاروق]

للاسف كان ﻻزم تكشف على الرينو بالذات فى التوكيل . لكن خلاص اللى حصل .


طالما كارتيرة الزيت فيها لحام راجع مستوى الزيت ممكن يكون قليل و هو اللى عامل خشونه فى صوت الموتور و مدئيا غيره و استخدم لزوجة 5w40

ده اللى اقدر افيدك فيه . الباقى ممكن الزملاء يردوا عليه

الحمد لله وقدر الله وماشاء فعل للاسف الشديد انا استعجلت فى الشراء وانا ما عنديش خبرة فى الرينو ان شا الله هستخدم لزوجه 5w40 وجزاك الله خيرآ

[محمد الفاروق]

اعتقد مشكلة السحب ده ممكن تبقي طرمبة بنزين و حضرتك روح اكشف عليها برضه و شوف الحاجات ده و ياريت بعدها حضرتك توافينا بالنتيجة

شكرآ لك اخى الكريم ولكن هيا طرمبه البنزين غاليه

[محمد الفاروق]

غير الكارتيره خالص واتأكد من مستوى زيت الماتور
اكشف على زيت الفتيس احتمال كبير هيكون ناقص
غالبآ هتكون بطاحات بايظه
هات مصفحه استعمال وركبها
اكشف على الطرمبه

ان شاء الله غذا الاثنن هروح لتوكيل رينو فى عين شمس او العبور وهكشف على الزيت وهشوف الازم ولكن هو سعر كارتيرة الزيت استراد او جديد بكام

[محمد الفاروق]

مشكلة السحب ممكن تكون من فلتر البنزين او فلتر الهواء حاول تغيرهم الاول من مبدأ ابداء بالاسهل
وكمان ممكن تنظف بوابه الهواء ما كنش ابقي ادخل على طلمبه البنزين

بارك الله فيك اخ اسامه على النصائح ويارب يكون الامر سهل

[محمد الفاروق]

جزاكم الله خيرآ عنى وان شاء الله عهمل الى حضرتكم قولتو عليه جميعا ودعواتكم لانى مستاء جدآآآآآآ من الامر وحاسس ان الامر هيكون مكلف ..الله المستعان والحمد لله رب العالمين وأفوض امرى الى الله
لا تنسونى من صالح دعاكم

[أسامه الحسيني]

يا سيدى الفاضل لا تحمل هم انا كل ما تقابلنى حاجه فى عربيتى الميجان (اشتريتها برده من غير ما اكشف عليها ) اكون زى الى شايل طاجن سيته والدنيا سوده قدامى ءاقوم افتكر اخوانا الى فى سوريا وفلسطين وغيرها (الى فقد بيته والى فقد اسرته ) الاقي ان مشكلة العربيه هينه قصاد الكلام دا وفى الاخر تطلع حاجه هايفه مسمار عاوز يتربط فيشه مهزوزة فلتر مسدود فيوز بايظ كلام من دا وان شاء الله تطلع حاجه بسيطه وفى انتظار تقرير الاصلاح منك

[Islam Hany]

شكرآ لك اخى الكريم ولكن هيا طرمبه البنزين غاليه

والله انا مش عارف سعرها بس المشكلة ممكن تكون في موتور طلمبة البنزين و ممكن اسباب اخري فلتر بنزين و فلتر هواء و ممكن برضه بوجيهات كدا يعني بس حضرتك الافضل تعمل كشف تام علي العربية في مكان محترم و كويس عشان تعرف المشاكل فين و ربنا يوفقك إن شاء الله

[أسامه الحسيني]

أ/ محمد طمنا عملت ايه فى عربيتك