محتاررررررررر سيراتو اعلى فئة ٢٠١٥ ولا فلوانس اعلي فئة ٢٠١٥

[Ahmadbakr]

يا رجالة يا اهل الخبرة سيراتو اعلى فئة ٢٠١٥ ولا فلوانس اعلي فئة ٢٠١٥
انا عايز
ركوبة
اعتماية
قطع غيار سعرها كويس
ومهم جداً اعادة البيع

[Ahmed Hemaid]

ياباشا لو هتوصل لسيراتو اعلى فئه يعنى هتدفع 18x

احسنلك طبعا تدفعهم فى الفلوانس لو بدور على الركوبة والاعتمادية والفخامه والبرستيج

رأى بقى لحضرتك لوفكرت تدفع المبلغ ده متفكرش فى موضوع قطع الغيار علشان الفروقات فعلا بسيطة

حتى كمان سعر اعادة البيع مبقاش يفرق اوى فى الفئات العالية... فكر فى نفسك ياباشا واتمتع وسيبك من اعادة البيع

[yasser100]

اعادة بيع يبقا سيراتو و ان كان دلوقتى الفلوينس مش بعيده فى سعر اعادة البيع و ماسكه نفسها

ركوبه و برستيج يبقا الفلوينس

[Super_Star_h]

مدام بتفكر فى اعاده البيع من قبل ما تركب خليك فى الكورى
وبالتوفيق

[ALshahba]

- افضل شكل تابلوه .......... سيراتو
- افضل اعادة بيع .............. سيراتو
- افضل نعومة عفشه........ فلوانس
- افضل استهلاك بنزين ..... فلوانس
- افضل توكيل .................. فلوانس
- افضل اداء موتور ............ <<كليهما>>
- اعلي كماليات ............... <<كليهما>> بالنسبه للفئات التوب لاين
- سعر قطع الغيار ............ فلوانس اقل سعر
- اقل انبعاث co2 ............ فلوانس
- افضل شكل ................. <<اختيارك>>
- افضل عزل .................... فلوانس

بالتوفيق
فى امان الله

[ahmed.teawater]

زي ما قالك استذتنا واخوتنا الكبار
الفلوانس افضل ما عدا لو انت بتفكر بس تبيع بعد سنه

[ALshahba]

اصبحت منتشره زي الرز ماشاء الله

[ayman_amer23]

حضرتك ناوى تبيعها بعد اد ايه ؟؟
انت بتشترى عربيه عاليه و بسعر عالى يعنى اعتقد بالكتير هتأعدها معاك اكتر من 5 سنين
فأكيد هدور على عربيه شيك اعتماديه ممتازه على الطريق فخامه رهيبه عفشه ممتازه اتزان وثبات
قطع الغيار مش هتفرق معاك في حاجه لانه التوكيلين زى بعض في الأسعار ويكاد يكوون الفلوانس ارخص
كل دى مساعدات ليك مش اكتر ورأى خد كل الى انت عايزه من كلامنا واختار الى يناسبك انت
وربنا يوفقك

[Ahmadbakr]

حضرتك ناوى تبيعها بعد اد ايه ؟؟
انت بتشترى عربيه عاليه و بسعر عالى يعنى اعتقد بالكتير هتأعدها معاك اكتر من 5 سنين
فأكيد هدور على عربيه شيك اعتماديه ممتازه على الطريق فخامه رهيبه عفشه ممتازه اتزان وثبات
قطع الغيار مش هتفرق معاك في حاجه لانه التوكيلين زى بعض في الأسعار ويكاد يكوون الفلوانس ارخص
كل دى مساعدات ليك مش اكتر ورأى خد كل الى انت عايزه من كلامنا واختار الى يناسبك انت
وربنا يوفقك

هبيع بعد ٤ سنين ان شاء الله

[ALshahba]

طالما حتقعد معاك اكتر من سنه ......... ما تقلقش علي اعادة البيع
لكن لو بتميل اكتر للسيراتو ولو ب 1% ......... توجه الي السيراتو علي طول علشان تركب وانت مش حاسس بتأنيب ضمير

بالتوفيق
فى امان الله

[إبراهيم المصرى]

Renault Fluences is the best

[ayman_amer23]

هبيع بعد ٤ سنين ان شاء الله

توكل على الله فـــــلوانس :) عربيه فيها كل حاجه واعاده البيع كويسه جداا لانها انتشرت ما شاء الله انا كنت فاكر انا الى راكبها لكن الناس بدأت تفهم يعنى ايه اوربى و بعدين العربيه فيها كل ما تتمناه . انا لسه جايبها بقالى 4 أيام والصراحه موهوم بيها
فرق شاسع بينها وبيع الكوري في كل حاجه
ربنا يوفقك

[mfraig]

بص انت داخل قسم الرينو تاخد راي اعضاؤه في عربيه كيا
فاكيد الناس هتميل للفلوانس
طبعا العربيتين حلوين بس الفلوانس بالموتور الياباني والامكانيات الاوروبي اعتماديه اكتر
والسيراتو مش وحشه فاللي هتميل ليه هاته على طول ولو قلقان من انك تركب رينو وعجباك السيراتو هاتها بدون تردد
انا عن نفسي مش ممكن اجيب بالسعر ده عربيه عليها ماركه كوري وكمان الفيتيس ال cvt هيخليني اختار الفلوانس بدون اي تردد
لكن طبعا مش كل الناس فكرتها كده عن الكوري بدليل انتشار السيراتو والالنترا الهاي لاين
الخلاصه:
العربيتين كويسين ومحمدش اشتكى منهم بس لو حابب التميز في الشارع يبقى الرينو وشششش

[Super_Star_h]

بص انت داخل قسم الرينو تاخد راي اعضاؤه في عربيه كيا
فاكيد الناس هتميل للفلوانس
طبعا العربيتين حلوين بس الفلوانس بالموتور الياباني والامكانيات الاوروبي اعتماديه اكتر
والسيراتو مش وحشه فاللي هتميل ليه هاته على طول ولو قلقان من انك تركب رينو وعجباك السيراتو هاتها بدون تردد
انا عن نفسي مش ممكن اجيب بالسعر ده عربيه عليها ماركه كوري وكمان الفيتيس ال cvt هيخليني اختار الفلوانس بدون اي تردد
لكن طبعا مش كل الناس فكرتها كده عن الكوري بدليل انتشار السيراتو والالنترا الهاي لاين
الخلاصه:
العربيتين كويسين ومحمدش اشتكى منهم بس لو حابب التميز في الشارع يبقى الرينو وشششش

والله يا بيه احنا لو شايفين ان السيراتو افضل هنقول انها افضل بغض النظر عن اسم رينو
ولكن الفلوانس هى الافضل
وموضوع الانتشار ده مش مقياس على فكره
رغم انى شايف ان الفلوانس منتشره بشكل اكبر من السيراتو وده انجاز فى حد ذاته بيدل ان الناس دماغها بدأت تشتغل وتعرف الفرق ما بين ركوبه الفرنساوى والكورى زي فرق السماء والارض
وبالتوفيق

[mfraig]

والله يا بيه احنا لو شايفين ان السيراتو افضل هنقول انها افضل بغض النظر عن اسم رينو
ولكن الفلوانس هى الافضل
وموضوع الانتشار ده مش مقياس على فكره
رغم انى شايف ان الفلوانس منتشره بشكل اكبر من السيراتو وده انجاز فى حد ذاته بيدل ان الناس دماغها بدأت تشتغل وتعرف الفرق ما بين ركوبه الفرنساوى والكورى زي فرق السماء والارض
وبالتوفيق

صديقي انت فهمتني غلط تقريبا
1-انا اقصد ان ده قسم الرينو فاكيد الناس اللي فيه عارفين قيمة العربيه فهيوجهوك ليها ولو رحت قسم الكيا هتلاقي الناس اللي هناك مايله اكتر لان مشاكل الفرنساوي واعادة البيع والجو ده
2- انا راكب ميجان وعارف جدا يعني ايه اوروبي والخطوه الجايه هي الفلوانس بدون تردد (الا لو السيفيك نزلت شكل يعجبني الصراحه
3-انتشار الفلوانس اكتر من السيراتو صحيح على الشكل الجديد لكن السيراتو اكتر لو قلنا الشكل القديم ومافيش شك ان الناس لسخ بتخاف من كلمة فرنساوي اصلا كانه عفريت والناس اللي راكبه الرينو مهما كان انتشار الفلوانس فهي برضه نسبه اقل من الكوري والهيونداي بالاخص