ميجان 2006 ضعف السحب

[أسامه الحسيني]

الاخوه الاعزاء
المشكله عندى ظهرت امبارح ان العربيه لما بهدى جامد والـ rpm ينزل لغايه 1000 لما اجي ادوس بنزين ما يرضاش يزيد ويرفع لغايه 1200 بالعافيه ويفضل الوضع كدا مدة 5 او 6 ثوانى وبعد كدا العربيه تستجيب لدواسة البنزين وتبداء تتسارع طبيعي والموضوع دا اتكرر معايا كتير وساعات ربنا بيكون هاديها و تشمي طبيعي

[Karim_Mohy]

متابع

[mfraig]

اكشف على طرمبة البنزين اولا ولو هي السبب يبقى من اسهل مايكون

[أسامه الحسيني]

اكشف على طرمبة البنزين اولا ولو هي السبب يبقى من اسهل مايكون

الى انا اعرفه ان طلمبه البنزين بدنها شغاله طول ما العربيه دايره ايه الى هيخليها تضعف ساعة لما بهدى وتكون كويسه لما العربيه تبداء تاخد سرعتها

[mfraig]

الى انا اعرفه ان طلمبه البنزين بدنها شغاله طول ما العربيه دايره ايه الى هيخليها تضعف ساعة لما بهدى وتكون كويسه لما العربيه تبداء تاخد سرعتها

لا الطرمبه لو مش مظبوطه بتعمل حاجات مختلفه انا عن نفسي كانت بتقطع العربيه وانا ماشي لثانيه كده وترجع تاني كانك فصلت دواسة البنزين وقلت زيك ده مش مشكلة طرمه بس طلعت منها بس انا مش بقول اكيد انا بقولك اكشف عليها الاول

[Super_Star_h]

اكشف على الطرمبه عشان ممكن يكون سحبها ضعيف
وشوف الفلتر بتاع البنزين ممكن يكون مسدود شويه
ونضف فلتر الهوا

[أسامه الحسيني]

لا الطرمبه لو مش مظبوطه بتعمل حاجات مختلفه انا عن نفسي كانت بتقطع العربيه وانا ماشي لثانيه كده وترجع تاني كانك فصلت دواسة البنزين وقلت زيك ده مش مشكلة طرمه بس طلعت منها بس انا مش بقول اكيد انا بقولك اكشف عليها الاول

شكرا على المشاركه اولا وثانيا انا عندى الوضع مختلف لان لما بدوس على دواسه البنزين على الاخر الـ rpm بيرفع من 1000 الى 1200 ومهما ادوس ميرضاش يزيد عن كدا إلا بعد 5 او 7 ثوانى وبعدها يرفع طبيعى ويستجيب معايا والحوار دا مش بيحصل الا لما بكون مهدى او واقف وعاوز اتحرك ولا انا فاهم غلط

[mfraig]

الصراحه هتحتاج تفحصها عشان تجيب من الاخر بس انصحك ماتستناش عشان ماتفصلش منك في الشارع لاقدر الله وتقرفك وياريت تبقى تقولنا طلعت ايه عشان تعم الفائده

[msenosy]

متابع

[أسامه الحسيني]

ان شاء الله هنظف فلتر الهواء اما فلتر البنزين انا لسه مغيره من 5000 كم

[dodylife]

[size="5"][size="7"][size="6"]السلام عليكم
الموضوع دا بيحصل معايا بقاله فترة بس لما ادور العربية بس وبعدها بحوالي 20 ثانية تتخنق وبعدها تمشي كويس جدا
وخصوصاً لما أدور العربية وأطلع على طول من غير ما استنى تتنخنق حوالى 7 ثواني وبعدها تمشي تمام بدون اي مشاكل
وكشفت على العربية بالكمبيوتر وطلع حساس الشكمان اللي فوق القريب من الموتور مش شغال
ودا غير الحساس اللي تحت
بس لسه ما غيرتهوش
لو غيرته هاقولك على المشكلة اتحلت ولا لأ

[Super_Star_h]

[size="5"][size="7"][size="6"]السلام عليكم
الموضوع دا بيحصل معايا بقاله فترة بس لما ادور العربية بس وبعدها بحوالي 20 ثانية تتخنق وبعدها تمشي كويس جدا
وخصوصاً لما أدور العربية وأطلع على طول من غير ما استنى تتنخنق حوالى 7 ثواني وبعدها تمشي تمام بدون اي مشاكل
وكشفت على العربية بالكمبيوتر وطلع حساس الشكمان اللي فوق القريب من الموتور مش شغال
ودا غير الحساس اللي تحت
بس لسه ما غيرتهوش
لو غيرته هاقولك على المشكلة اتحلت ولا لأ

ده حساس الجكمان اللى هو الاوكسجين
عندى بايظ برضو بس مبيعملش الحركات دى

[أسامه الحسيني]

انا مشيت بالعربيه مشوار بتاع 100 كم ولم تظهر هذه المشكله وذياده امان نظفت فلتر الهواء ومشيت مشوار كمان بتاع 150 كم ولم تظهر المشكله
بصراحه الميجان دى محيره ساعات بقول يمكن علشان الجو كان حر بذياده يمها فعملت معايا كدا
لو حصل جديد هبلغكم ان شاء الله

[asemelsaid]

متااااااااااااابع