برجاء عمل قسم خاص بالفلونس

[ahmed.teawater]

السلام عليكم ورحمه الله وبركاته

احنا ليه مش عاملين قسم خاص بالفلونس وتتجمع فيه كل المواضيع الخاصه بالعربيه للافاده
انا بقول كدا عشان انا واحد من الناس الى بدور على موضوعات فلوانس داخل القسم
ده طبعا بعد اذن الشخصيه المحترمه م.هانى سعد

تحياتى للجميع

[ENG.MaRk]

I agree

[تامر.محمد]

سلام عليكم
ايه المشكلة اللي قابلت حضرتك بخصوص المواضيع بالظبط
يمكن انا تابعت فهرسة مواضيع ميجان2 لكن الصراحة ما بصيتش في فهرسة مواضيع فلوانس

[ahmed.teawater]

سلام عليكم
ايه المشكلة اللي قابلت حضرتك بخصوص المواضيع بالظبط
يمكن انا تابعت فهرسة مواضيع ميجان2 لكن الصراحة ما بصيتش في فهرسة مواضيع فلوانس

مفيش مشكله ولا حاجه
الاقتراح ده للتسهيل اكتر ان الى داخل يلاقى قسم خاص بالعربيه زي الميجان كدا

تحياتى لحضرتك

[تامر.محمد]

مفيش مشكله ولا حاجه
الاقتراح ده للتسهيل اكتر ان الى داخل يلاقى قسم خاص بالعربيه زي الميجان كدا

تحياتى لحضرتك

انا فاهم , انا هدفي افهم ايه وجه الصعوبة اللي بيواجه الاخوة ملاك الفلوانس عشان نشتغل عليه مش عشان نقول الرد المصري الشهير "مفيش صعوبة ولا حاجة" هههههههههههههههههههه

هي العربية اللي ليها قسم لوحدها هي اللوجان و اظن حضرتك تقصدها

هل المشكلة مثلا ان حضرتك عايز تفتح القسم فتلاقي كله مواضيع فلوانس , بمعنى ان كتر مواضيع الميجان عامل لحضرتك مشكلة في تصفح القسم ؟
ولا المشكلة ان حضرتك بتبقى عايز توصل للمعلومة و بتلاقيها بصعوبة فالموضوع بالنسبة لحضرتك محتاج فهرس , زي اللي معمول للميجان ده مثلا ؟

http://www.nilemotors.net/Nile/321055-2.html

[ahmed.teawater]

انا فاهم , انا هدفي افهم ايه وجه الصعوبة اللي بيواجه الاخوة ملاك الفلوانس عشان نشتغل عليه مش عشان نقول الرد المصري الشهير "مفيش صعوبة ولا حاجة" هههههههههههههههههههه

هي العربية اللي ليها قسم لوحدها هي اللوجان و اظن حضرتك تقصدها

هل المشكلة مثلا ان حضرتك عايز تفتح القسم فتلاقي كله مواضيع فلوانس , بمعنى ان كتر مواضيع الميجان عامل لحضرتك مشكلة في تصفح القسم ؟
ولا المشكلة ان حضرتك بتبقى عايز توصل للمعلومة و بتلاقيها بصعوبة فالموضوع بالنسبة لحضرتك محتاج فهرس , زي اللي معمول للميجان ده مثلا ؟
http://www.nilemotors.net/nile/321055-2.html

أ. تامر انا اسف ان معرفتش اوصل وجهة نظرى
كل الموضوع انى مثلا عشان اعرف الاقى موضوع عن فرش جلد الفلوانس.
قعدت كتير فعلا لغايه ما لقيت الموضوع .
يعني مثلا اول ما تدخل قسم رينو بتلاقى فى الاقسام الفرعيه
1- اهم موضوعات القسم
2- قسم خاص بالسياره لوجان
3- داتشـــــيا
ــــــــــــــــــــــــــــــــــــــــــــــــــ ــــــــــــــــــــــــــــــــــــ
الفكره بقى اننا نضيف بند رابع ( قسم خاص بالفلوانس)
وده هيسهل عليا وعلى غيري اكيد ايجاد اى موضوع خاص بالعربيه
وده اكيد هيبقى مهم خاصه بعد انتشار العربيه ف مصر
وطبعا ده بعد اذن حضرتك

[ahmed.teawater]

انا فاهم , انا هدفي افهم ايه وجه الصعوبة اللي بيواجه الاخوة ملاك الفلوانس عشان نشتغل عليه مش عشان نقول الرد المصري الشهير "مفيش صعوبة ولا حاجة" هههههههههههههههههههه

هي العربية اللي ليها قسم لوحدها هي اللوجان و اظن حضرتك تقصدها

هل المشكلة مثلا ان حضرتك عايز تفتح القسم فتلاقي كله مواضيع فلوانس , بمعنى ان كتر مواضيع الميجان عامل لحضرتك مشكلة في تصفح القسم ؟
ولا المشكلة ان حضرتك بتبقى عايز توصل للمعلومة و بتلاقيها بصعوبة فالموضوع بالنسبة لحضرتك محتاج فهرس , زي اللي معمول للميجان ده مثلا ؟
http://www.nilemotors.net/nile/321055-2.html

وبرده اكيد بشجع ان يتعمل قسم خاص للميجان لانها مظلومه من زمان
من ساعه ما نزلت مصر مع انها عربيه فوق المحترمه
وسبقت اى حد ف التكونولوجيا لكن مشكله فتيسها والكهربا الكتير الى كانت فيها واعطالها المتكرره
جابت العربيه الارض . لكن دلوقتى بقى فيه حلول كتير


تحياتى

[Super_Star_h]

الميجان هى اللى المفروض يكون ليها قسم خاص بيها
لانها مواضيعها كتيره جدآ وعامله احتلال
وفي نفس الوقت القسم الخاص بداتشيا ميت تمامآ !

[ahmed.teawater]

الميجان هى اللى المفروض يكون ليها قسم خاص بيها
لانها مواضيعها كتيره جدآ وعامله احتلال
وفي نفس الوقت القسم الخاص بداتشيا ميت تمامآ !

انا مع حضرتك طبعا
وانا فعلا قولت ان الميجان تستحق قسم خاص بها

عموما اكيد احنا بنتكلم للمصلحه العامه لملاك رينو

[yassin_wael]

انا مؤيد للرأي ان كل عربية يبقى ليها قسم خاص بيها، يمس التحسينات و المشاكل و اسعار الصيانات و حلول الاعطال و هكذا، لان الواحد علشان يشوف موضوع مرتبط بالعربية مضطر يفتح كل أغلب البوستات لان اصحابها بيبقوا كاتبين عناوين مش واضحة زي "الحقوني.... العربية عملتها معايا!!" و "مشكلة الدوارة الصبح" و " الكاسيت مش بيتصل بالتليفون" و "مقاس الجنوط" و هكذا.

شكرا لصاحب الموضوع و منسق منتدى رينو.

[ahmed.teawater]

انا مؤيد للرأي ان كل عربية يبقى ليها قسم خاص بيها، يمس التحسينات و المشاكل و اسعار الصيانات و حلول الاعطال و هكذا، لان الواحد علشان يشوف موضوع مرتبط بالعربية مضطر يفتح كل أغلب البوستات لان اصحابها بيبقوا كاتبين عناوين مش واضحة زي "الحقوني.... العربية عملتها معايا!!" و "مشكلة الدوارة الصبح" و " الكاسيت مش بيتصل بالتليفون" و "مقاس الجنوط" و هكذا.

شكرا لصاحب الموضوع و منسق منتدى رينو.

انا الى بشكر حضرتك لردك وتأييدك لرائى
انا كونت خلاص بدأت احس انى انا الى مش قادر اتعامل ف المنتدى
وياريت تطمنى بالمره ع العربيه عامله مع حضرتك ايه
عشان انا قربت استلم العربيه ان شاء الله
ومره تانيه بشكر حضرتك

[تامر.محمد]

طب انا عموما مش مختص خالص بحتة انشاء أقسام فرعية , بإذن الله بمجرد ظهور المهندس هاني سعد هابلغه بالموضوع ده لو هو ما شافوش
بالنسبة لي انا فهاحاول ابص كده على حتة فهرسة مواضيع الفلوانس و اشوف ممكن بإذن الله اعمل فيها ايه و ده ان شاء الله هايفيد سواء فضلت الفلوانس في القسم او بقت في قسم فرعي لوحدها

[ahmed.teawater]

طب انا عموما مش مختص خالص بحتة انشاء أقسام فرعية , بإذن الله بمجرد ظهور المهندس هاني سعد هابلغه بالموضوع ده لو هو ما شافوش
بالنسبة لي انا فهاحاول ابص كده على حتة فهرسة مواضيع الفلوانس و اشوف ممكن بإذن الله اعمل فيها ايه و ده ان شاء الله هايفيد سواء فضلت الفلوانس في القسم او بقت في قسم فرعي لوحدها

بشكر حضرتك على اهتمامك وكفايه ان فيه ناس محترمه زي حضرتك ف القسم
ومعلش تعبتك معايا
ولسه هتعبك اكتر لما استلم العربيه ان شاء الله

[Hany Saad]

أسف يا جماعة على التأخير فى الرد....أنا حالياً فى رحلة عمل خارج البلاد و هرجع ان شاء الله نهاية الأسبوع القادم....أسف لضيق الوقت حالياً و صعوبة الوصول للأنترنت....أن شاء الله نتابع الموضوع مع بعض بمجرد وصولى

تحياتى للجميع

[heeshooheeshoo]

أوافق حضرتك فى الرأى تماماً .. لاسيما أن المبدأ مقبول فى المنتدى بصفة عامة وفى قسم رينو بصفة خاصة .. أسوة بقسمى لوجان وداتشيا.
وبالمناسبة فإن عدد المواضيع بقسم لوجان منذ إنشائه من 5 سنوات بلغ مايقرب من 5400 موضوع بمعدل 90 موضوع شهرياً
بينما قسم داتشيا بلغت موضوعاته منذ إنشائه من 5 سنوات أيضاً 157 موضوع بمعدل 2.5 موضوع شهرياً
وأعتقد أنه فى حالة إنشاء قسم خاص للفلوانس لن يكون أقل من قسم داتشيا قياساً على زيادة مبيعاتها زيادة كبيرة ملحوظة خلال السنتين الماضيتين
أشكرك على طرح الفكرة .. وتقبل تحياتى ،،،