رينو سيمبول 2009 مانيوال

[zico_momo]

السلام عليكم

شباب انا بقالي اكتر من شهر ونص بدور علی رينو كليو عن اقتناع
ان العربيه كويسه ومريحه وانا ببحث عن واحده كويسه جت قدامي عربيه
رينو سيمبول .... جميله العربيه بكل ماتحمله الكلمه من معني شكل احسن
امكانيات افضل موتور اقوي فخامه . والسعر مناسب بالنسبه ليا والعربيه ماشيه 70 الف كيلو
في مشكله واحده العربيه مش منتشره وبالتالي قطع غيار العربيه مش كتير
انل جيبت بعض الاسعار من التوكيل بس مش هقدر لو لقدر الله قررت اغير قطعه غيار
اجيبها من التوكيل فهل حد هنا يعرف مكان عنده قطع غيار للعربيه وحاجات استيراد ولو في
حد يعرف اسعار يقولي

[pioneerahmed]

قطع غيارها نادرة اوي و غالبا مش هتلاقيها الا عند الموزعين المعتمدين
قلنا بس هي بكام؟

[zico_momo]

قطع غيارها نادرة اوي و غالبا مش هتلاقيها الا عند الموزعين المعتمدين
قلنا بس هي بكام؟

52 الف

[pioneerahmed]

سعر كويس
بس اكشف في التوكيل

[zico_momo]

كشفت عليها وحالتها كويسه موتور 75 % هی واكله مطب جامد شويه فيها مساعد بايظ
جوز المساعدين في التوكيل ب 1200 جنيه

[pioneerahmed]

حالة الصاج اية ؟؟

[medohai510]

انا بعد ما بعت الكليو فكرت جديا في السيمبول لكن عدم وجود قطع غيار استيراد ولا يوجد بعض قطع الغيار ألا جديد وعند التوكيل او الموزعين المعتمدين فقط من اهم اسباب رجوعي عن قرار شرائها
لكن علي العموم هي عربية محترمه بشرط الحالة وطريقة الاستعمال

[zico_momo]

الصاج كويس هي فبريكه بره وجوه فيها خبطتين تلاته كده خفاف

[zico_momo]

انا بعد ما بعت الكليو فكرت جديا في السيمبول لكن عدم وجود قطع غيار استيراد ولا يوجد بعض قطع الغيار ألا جديد وعند التوكيل او الموزعين المعتمدين فقط من اهم اسباب رجوعي عن قرار شرائها
لكن علي العموم هي عربية محترمه بشرط الحالة وطريقة الاستعمال

هي دي بالظبط نفس مشكلتي الي قلقان منها في العربيه قطع الغيار
بس صاحب العربيه قالي ان اماكن في الحرفيين عندها انصاص للعربيه
وحاجتها استيراد وهياخدني بكره اشوف المحلات بتاعتهم . ربنا يسهل

[medohai510]

انزل الحرفيين واسأل عن قطع غيارها احسن فعلا وربنا معك

[zico_momo]

ربنا يسهل لو لاقيت قطع غيار هعملكوا موضوع كبير في المنتدي عشان نفيد بعض
لان بجد العربيه كويسه جدا حرام تتظلم بسبب اهمال الوكيل والتجار في نشر قطع الغيار
والتسويق للعربيه

[gym1974]

السلام عليكم ورحمه الله من يا جماعة اللى قال ان العربية قطع غيارها نادرة قطع غيرها مرمية فى التوفيقية وفى صقر قريش وفى كل حته والكلام ده مش اى كلام وخلاص وتوكل على الله لسه واحد صحبى من شهر اشتراها لزوجته وانا بدور على واحدة كمان لزوجتى ان شاء الله وبالتوفيق

[Abo Maleeka]

بعد لف طويل فى الحرفيين .

العربيه مافيش منها نص واحد استيراد .
الحرفيين كلها بتوفق قطع غيار للعربيه من الكليو والميجان للميكانيكا بتاعة العربيه .
لاقيت واحد عنده فانوس قدام شمال بس .
ولا قيت واحد عنده فانوس ورا بس .
مافيش باب ولا شنطه ولا كبوت فى الحرفيين كلها .
الكنترول يونت مش موجوده بس الراجل قالى هات القديمه وانا اجيبلك زيها .
المساعدين ناس تقولى مش موجوده وناس تقولى خد بتوع الكليو .
العربيه كانت عجبانى جدا وسعرها كان كويس بس للاسف عدم انتشار قطع الغيار مشكله كبيره .
هتعب جدا عشان الاقى قطع غيار وواضح ان التجار الى عندها قطع غيار ليها هتبيع وتشتري فيا
لان حاجتها قليله جدا .

[Abo Maleeka]

السلام عليكم ورحمه الله من يا جماعة اللى قال ان العربية قطع غيارها نادرة قطع غيرها مرمية فى التوفيقية وفى صقر قريش وفى كل حته والكلام ده مش اى كلام وخلاص وتوكل على الله لسه واحد صحبى من شهر اشتراها لزوجته وانا بدور على واحدة كمان لزوجتى ان شاء الله وبالتوفيق

التوفيقيه فعلا فيها قطع غيار ليها جديده بس مش كل حاجه .
العربيه ميكانيكا قطع غيارها موجوده لان الموتور ده رينو 1400 16v
مافيش حد عنده اى حاجه استيراد ليها اى حاجه غير الميكانيكا لو احتجتها عليك وعالتوكيل
المشكله ان التوكيل قالى ان الصاج عنده محدود يعنى ماعندوش باب يمين وهايجبهولى بعد 45 يوم !!!