إعـــــــلان

Collapse

.

,
See more
See less

طلب نصيحة عن فلوانس ٢٠١٥ e3

Collapse
X
 
  • Filter
  • الوقت
  • Show
Clear All
new posts

  • طلب نصيحة عن فلوانس ٢٠١٥ e3

    ياريت من ملاك العربية
    مستوى الاعتمادية و تكاليف الصيانة وقطع الغيار و نسبة الاعطال؟
    الناس كلها بتحذرني منها اعتمادا على التاريخ التقليدي للعربيات الرينو في مصر
    الثبات عامل ايه؟
    اقرب تربية ليها في المقارنة؟

    و للملاك القدام لفلوانس، سعر اعادة البيع بيقل فعلا؟
    -----------
    م/محمد الدسوقى
    ندمان اني اشتريت رينو فلوينس

  • #2
    انصحك تراجع الموضوع ده انا استفدت منه جدا وهتلاقي كل اللي نفسك تعرفه واكتر شويه


    -الاعتماديه رائعه خصوصا في الفيس ليفت مع الموتور والفيتيس والتكيف الياباني ومافيش اي مشاكل عن الاعطال اللي كنا بنسمعها عن الميجان والصيانه عاديه زي قطع غيار الكوروللا والسيراتو او ارخص شويه وتوكيل رينو من افضل التوكيلات في مصر

    -الناس بتحزرك منها اعتمادا على التاريخ زي مانت قلت محدش من الناس ده كلف خاطره يقرى عن الغربيه ومحدش فيهم يعرف انها بموتور وفيتيس cvt من نيسان

    -الثبات حدث ولا حرج محدش قال نص كلمه عليه مع ميزة ان العربيه عاليه ومش بتحك في اي مطب خالص
    -غالبا المقارنة بتكون مع الكوروللا والسيراتو والاسترا والسيفيك

    عن رأيي الكوروللا انسب عربيه للمقارنه وهتلاقي في قسم المقارنات مواضيع عنهما ورغم انحياز البعض لده او لده فانا شايف ان الفلوانس رائعه والكوروللا مش محتاجه حد يدافع عنها لانها عارفه قيمة نفسها رغم عن انف الجميع وفي الاخر اي اختيار منهم هيكون موفق ولك حرية الاختيار

    اما السيفيك فهي مش بتدخل في المقارنات كتير لكن لو ناوي على فلوانس هاي لاين وقربت من 200 الف يبقى لازم تشوف السيفيك لانها هتكسب مع التحفظ على الشكل الخارجي اللي مش عاجبني
    اما السيراتو فانا قريت عنها والصراحه عجبتني برضه ومافيهاش حاجه ناقصه بس انا شخصيا مش هسيب الياباني والفرنساوي عشان كوري

    اما الاسترا فانا مش عارف ايه اللي جابها في المقارنات (بتفكرني برستم بيه السلحدار انت ايه اللي جابك هنا ياد :)) وعشان الناس ماتزعلش انا مش بعيب في العربيه انا متأكد انها تحفه بس الاوبل عربيه مش منتشره وسعرها في البيع بينزل اوي وليه احط نفسي في الوضع ده مع وجود بدائل بس هي طبعا ليها عشاقها

    -سعر اعادة البيع كويس جدا رغم ان معظم اليع على الشكل القديم بس انا شايفها ماسكه سعر كويس زي المنافسين وادخل كونتاكت كار هتشوف بنفسك
    [CENTER][SIGPIC][/SIGPIC][/CENTER]

    Comment


    • #3
      بصراحه يا دكتور انت مسبتش حاجه متقلتش تقريبا
      انجزت ف اوجوزت ف افدت (ههههههههههههههههههه حلوه عجبتنى)

      [SIGPIC][/SIGPIC]

      Comment


      • #4
        شكرا لحضراتكم
        بس لو ت سمحولي بس عندي سؤال
        انا شايف موديلات عربياتكم مش فلوينس. ج بتوها و لا سماع و لا العربية عندكم؟
        -----------
        م/محمد الدسوقى
        ندمان اني اشتريت رينو فلوينس

        Comment


        • #5
          المشاركة الأصلية كتبت بواسطة aratux مشاهدة المشاركة
          شكرا لحضراتكم
          بس لو ت سمحولي بس عندي سؤال
          انا شايف موديلات عربياتكم مش فلوينس. ج بتوها و لا سماع و لا العربية عندكم؟
          انا حجزت ولسه هستلم ادعيلى
          والفلوانس مع واحد صاحبى وبسوقها وسافرت مره بيها
          وعموما اكيد حد من مالكى الفلوانس هيرد بس ادخل ع اللينك الى كتبه الدكتور
          هتلاقى جواه كل حاجه

          [SIGPIC][/SIGPIC]

          Comment


          • #6
            المشاركة الأصلية كتبت بواسطة ahmed.teawater مشاهدة المشاركة
            بصراحه يا دكتور انت مسبتش حاجه متقلتش تقريبا
            انجزت ف اوجوزت ف افدت (ههههههههههههههههههه حلوه عجبتنى)

            ياباشا تسلم على زوقك منكم نستفيد
            اللي انا مستغربله جدا ان كذا زميل هنا بيقولولي يادكتور مع اني مش كاتب حاجه تدل على كده انتو بتعرفو منين :))))))
            على فكره انا متشوق اني اسمع مقارنه بين الفلوانس والكروللا 97 باعتبار ان الموديل ده بالذات الناس مش بتحب تفرط فيه وان شاء الله نباركلك قريب
            [CENTER][SIGPIC][/SIGPIC][/CENTER]

            Comment


            • #7
              المشاركة الأصلية كتبت بواسطة aratux مشاهدة المشاركة
              شكرا لحضراتكم
              بس لو ت سمحولي بس عندي سؤال
              انا شايف موديلات عربياتكم مش فلوينس. ج بتوها و لا سماع و لا العربية عندكم؟
              بص ياباشا هقولك
              اولا انا باعتلك لينك المشاركه اللي اخونا تامر مجمع فيه كل حاجه عن الفلوانس وقلتلك اني استفدت منه كتير وده كان اول حاجه حطيتها وبعد كده اتكلمت عن وجهة نظري بناء على الحاجات ده:

              -الاعتماديه رائعه خصوصا في الفيس ليفت مع الموتور والفيتيس والتكيف الياباني ومافيش اي مشاكل عن الاعطال اللي كنا بنسمعها عن الميجان والصيانه عاديه زي قطع غيار الكوروللا والسيراتو او ارخص شويه وتوكيل رينو من افضل التوكيلات في مصر
              طبعا الاعتماديه واضحه بشكل كبير في كلام كل الملاك عن الموتور والفيتيس بالتحديد وخصوصا اني جربت الفيتيس ال cvt في اللانسر البومه ومن اشد الناس اقتناعا بيه رغم انه مش extronic وكان لسه اول فئه من الفيتيس ده ومع كده انا عجبني جدا لاني بحب الاحساس الهادي للحركه دون الشعور بالنقلات
              وطبعا بما اني من ملاك الميجان واخويا معاه لوجان 2013 وكل الفلوانس قبل الفيس ليفت كلها عربيات مشهوره بالنتشه بين الغيار الاول والتاني فانا واثق ان ال cvt هو الحل
              رأيي عن توكيل رينو طبعا عن تجربه عشان انا اللي بعمل صينة اللوجان والميجان وعارف
              بخصوص اسعار قطع الغيار هتلاقيها في المنتدى وممكن تقارن

              -الناس بتحزرك منها اعتمادا على التاريخ زي مانت قلت محدش من الناس ده كلف خاطره يقرى عن الغربيه ومحدش فيهم يعرف انها بموتور وفيتيس cvt من نيسان
              انا سمعت كل الكلام ده وانا بجيب الميجان واخويا سمعه مع اللوجان وهي لبانه واحده في بق الناس اول ماتسمع كلمة رينو او بيجو والحقيقه كانت غير كده انا جبت قطع غيار كتير للميجان وكان قبلها معايا فيرنا ولك ان تتخيل الفرق المهول بين الاتنين ومع كده محستش ان قطع الغيار مبالغ في اسعارها ولا حاجه وحسيت اني راكب عربيه عادي زي كل الناس عارف اتعامل معاها واصلحها فين مش شاري مكوك فضائي ولا حاجه

              -الثبات حدث ولا حرج محدش قال نص كلمه عليه مع ميزة ان العربيه عاليه ومش بتحك في اي مطب خالص
              هو فعلا محدش قال نص كلمه عليه واذا كانت الميجان تحفه في الثبات لدرجة اني بحسها ملزوقه في الاسفلت فما بالك بالتطور الطبيعي للحاجه الساقعه
              وعلى فكره الميجان برضه عاليه جدا ومش بتحك خالص وده مالوش اي دور نهائي في ان العربيه تعوم منك حتى لو عدى من جنبك لوري بمقطوره بمعنى الكلمه على 160 وممكن تسند الدركسيون بصباعك وتاكل سانداوتش وحاجه ساقعه :))

              -غالبا المقارنة بتكون مع الكوروللا والسيراتو والاسترا والسيفيك

              عن رأيي الكوروللا انسب عربيه للمقارنه وهتلاقي في قسم المقارنات مواضيع عنهما ورغم انحياز البعض لده او لده فانا شايف ان الفلوانس رائعه والكوروللا مش محتاجه حد يدافع عنها لانها عارفه قيمة نفسها رغم عن انف الجميع وفي الاخر اي اختيار منهم هيكون موفق ولك حرية الاختيار

              اما السيفيك فهي مش بتدخل في المقارنات كتير لكن لو ناوي على فلوانس هاي لاين وقربت من 200 الف يبقى لازم تشوف السيفيك لانها هتكسب مع التحفظ على الشكل الخارجي اللي مش عاجبني
              اما السيراتو فانا قريت عنها والصراحه عجبتني برضه ومافيهاش حاجه ناقصه بس انا شخصيا مش هسيب الياباني والفرنساوي عشان كوري

              اما الاسترا فانا مش عارف ايه اللي جابها في المقارنات (بتفكرني برستم بيه السلحدار انت ايه اللي جابك هنا ياد :)) وعشان الناس ماتزعلش انا مش بعيب في العربيه انا متأكد انها تحفه بس الاوبل عربيه مش منتشره وسعرها في البيع بينزل اوي وليه احط نفسي في الوضع ده مع وجود بدائل بس هي طبعا ليها عشاقها
              المقارنات ده قائمه على اللف والتدوير لاني فعلا عاوز اجيب فلوانس بس السيفيك والكوروللا طلعولي في البخت فبقالي اسابيع بنخرب واللي كتبته ده كان خلاصة ماوصلت اليه

              -سعر اعادة البيع كويس جدا رغم ان معظم اليع على الشكل القديم بس انا شايفها ماسكه سعر كويس زي المنافسين وادخل كونتاكت كار هتشوف بنفسك
              كنت بفكر اشوف حاجه كسر زيرو لقيت الاسعار مش رخيصه فقررت اخليني في الزيرو وعلى فكره الميجان رغم كل القلق اللي بيدور حولها عربيه بياعه واعلان على النت كافي انك تزهق من الرد على التلفون مش زي ما الناس فاكره

              اكيد انت زهقت من الرغي بس يللا انزل هات العربيه عشان نباركلك
              [CENTER][SIGPIC][/SIGPIC][/CENTER]

              Comment


              • #8
                الفلوانس من افضل السيارات تحت 200 الف
                ومن اثبت السيارات
                ومن اقل استهلاكا للبنزين
                [SIGPIC][/SIGPIC]قال الامام ابن القيم
                والناس في دنيا الناس .... يحترزن لطبيب الابدان ولا يحترزن لطبيب الاديان، مع ان مدار حفظ الاكوان...... علي طبيب الاديان

                Comment


                • #9
                  المشاركة الأصلية كتبت بواسطة mfraig مشاهدة المشاركة
                  ياباشا تسلم على زوقك منكم نستفيد
                  اللي انا مستغربله جدا ان كذا زميل هنا بيقولولي يادكتور مع اني مش كاتب حاجه تدل على كده انتو بتعرفو منين :))))))
                  على فكره انا متشوق اني اسمع مقارنه بين الفلوانس والكروللا 97 باعتبار ان الموديل ده بالذات الناس مش بتحب تفرط فيه وان شاء الله نباركلك قريب
                  ياباشا انت الى قولت قبل كده صباح الزهيمر
                  انا مش عايز اقولك العربيه دي انا بعمل فيها ايه دنا بعزبها معايا
                  الكورولا دي معوقين كامله فول اوبشن حتى المرايا ضم وفيها سينسور كمان
                  وادعيلى ربنا ييسر واستلم ان شاء الله
                  تحياتى
                  [SIGPIC][/SIGPIC]

                  Comment


                  • #10
                    المشاركة الأصلية كتبت بواسطة ahmed.teawater مشاهدة المشاركة
                    ياباشا انت الى قولت قبل كده صباح الزهيمر
                    انا مش عايز اقولك العربيه دي انا بعمل فيها ايه دنا بعزبها معايا
                    الكورولا دي معوقين كامله فول اوبشن حتى المرايا ضم وفيها سينسور كمان
                    وادعيلى ربنا ييسر واستلم ان شاء الله
                    تحياتى
                    قوللي كمان انها 1600 مش 1300 عشان اقولك امال هتغير ليه حرام عليك
                    عربيه فعلا هارد ووركار اوي واظن ان موتورها يعمل 500 الف كيلو مستريح لو مكانش اكتر كمان والشكل ده بالزات كان طفره من الكروللا اياميها
                    ربنا يباركلك في الاتنين ان شاء الله بس قوللي انت حاجز انهي فئه ؟ وليه ؟
                    [CENTER][SIGPIC][/SIGPIC][/CENTER]

                    Comment


                    • #11
                      المشاركة الأصلية كتبت بواسطة mfraig مشاهدة المشاركة
                      قوللي كمان انها 1600 مش 1300 عشان اقولك امال هتغير ليه حرام عليك
                      عربيه فعلا هارد ووركار اوي واظن ان موتورها يعمل 500 الف كيلو مستريح لو مكانش اكتر كمان والشكل ده بالزات كان طفره من الكروللا اياميها
                      ربنا يباركلك في الاتنين ان شاء الله بس قوللي انت حاجز انهي فئه ؟ وليه ؟
                      انا حاجز e3 انا قعدت شهور كتير اشوف هنا واسال اصدقائى لغايه ما استقريت على الفلوانس
                      عربيه عائليه ومحترمه وبحكم سفرى الكتير ع طريق الكريمات قعدت فتره أأجر عربيات موديل السنه او اخد عربيه صديق ليا لغياه ما جربت تقريبا كل الانواع ما عدا حاجه قليله جدا
                      ومن وجهة نظرى افضل ثبات واستهلاك بنزين هى الفلوانس تأتى بعدها لانسر شارك



                      بالنسبه للكورولا هى 1500 وفعلا يا دكتور الى يركب الموديل ده بيعشق الكورلا بسببه تحس انك راكب
                      مرسيدس مع احترامنا للمرسيدس طبعااااااااااااا
                      اصل انا عشري شويه مع اى عربيه بجبها لكن الكورولا القديم عشق خاص بصراحه
                      [SIGPIC][/SIGPIC]

                      Comment


                      • #12
                        المشاركة الأصلية كتبت بواسطة ahmed.teawater مشاهدة المشاركة
                        انا حاجز e3 انا قعدت شهور كتير اشوف هنا واسال اصدقائى لغايه ما استقريت على الفلوانس
                        عربيه عائليه ومحترمه وبحكم سفرى الكتير ع طريق الكريمات قعدت فتره أأجر عربيات موديل السنه او اخد عربيه صديق ليا لغياه ما جربت تقريبا كل الانواع ما عدا حاجه قليله جدا
                        ومن وجهة نظرى افضل ثبات واستهلاك بنزين هى الفلوانس تأتى بعدها لانسر شارك



                        بالنسبه للكورولا هى 1500 وفعلا يا دكتور الى يركب الموديل ده بيعشق الكورلا بسببه تحس انك راكب
                        مرسيدس مع احترامنا للمرسيدس طبعااااااااااااا
                        اصل انا عشري شويه مع اى عربيه بجبها لكن الكورولا القديم عشق خاص بصراحه
                        معاك حق بخصوص الكورولات القديمه انا والدتي معاها كوروللا 84 ولحد دلوقتي بحب اركبها واسوقها وفيها شوية سوست في الكراسي ماشفتهاش في اجمد عربيه زيرو
                        ربنا بسلمك عربيتك على خير عشان تعيد بيها ان شاء الله
                        [CENTER][SIGPIC][/SIGPIC][/CENTER]

                        Comment


                        • #13
                          شاكر ليكم الردود و يارب حضرتك تستلم قريب و احكيلنا علىانطباعاتك عنها

                          انا دخلت دماغي جدا و نزلت ادور على اللون الابيض و اشوف احسن سعر (و طبعا مش لاقي اللون)
                          بس فجأة النهاردة قبل ما اروح لقيت في معرض شيفروليت كروز، قلبتلي دماغي تاني
                          و انا دلوقتي فعلا محتار

                          اكتر حاجة بافكر فيها سهولة اعادة البيع بدون خسارة في صالح انهي واحدة؟
                          -----------
                          م/محمد الدسوقى
                          ندمان اني اشتريت رينو فلوينس

                          Comment


                          • #14
                            المشاركة الأصلية كتبت بواسطة aratux مشاهدة المشاركة
                            شاكر ليكم الردود و يارب حضرتك تستلم قريب و احكيلنا علىانطباعاتك عنها

                            انا دخلت دماغي جدا و نزلت ادور على اللون الابيض و اشوف احسن سعر (و طبعا مش لاقي اللون)
                            بس فجأة النهاردة قبل ما اروح لقيت في معرض شيفروليت كروز، قلبتلي دماغي تاني
                            و انا دلوقتي فعلا محتار

                            اكتر حاجة بافكر فيها سهولة اعادة البيع بدون خسارة في صالح انهي واحدة؟
                            فيه مقارانات كتير بين الكروز والفلوانس هتلاقيها ف المنتدى
                            عايز اسأل حضرتك سؤال
                            انت ناوى تبيع بعد اد ايه من شرائك للعربيه

                            [SIGPIC][/SIGPIC]

                            Comment


                            • #15
                              الكروز ده ضحك عالدقون
                              حرام السعر ده على وسائل الامان المحدوده اوي ده
                              اخر حاجه بيفكرو فيها هو سلامة البني ادم اللي قاعد جواها
                              شوف الكروللا والفلوانس ازاي بيهتمو بوسائل الامان من اول فئه لدرجة انهم بيعتبرو المالتي فانكشن من وسائل الامان ولازم يكون استاندارد والكروز بيفكرو يحطولك ايرباج و abs وللا خساره فيك
                              رغم ان الكروز عاجبني شكلها وحجمها ووزنها لكن لا احترم هذه الشركه
                              [CENTER][SIGPIC][/SIGPIC][/CENTER]

                              Comment

                              Working...
                              X