عضعضة بحسها في دواسة الفرامل في الفرامل المفاجئة

[asemelsaid]

السلام عليكم

عندي مشكلة في الميجان 2006 لما بدوس فرامل مفاجئة بدال الفرامل تحت رجلي بحس زي ميكون بيروح و ييجي زي العضعضة كده في الفرامل المفاجئة بس ولكن وانا بهدي السرعة بتقف بسرعة مفيش اي مشكلة

طبعا في ناس بتقول دة طبيعي ده هو ABS بس ده صوت تخبيط وبطيئ اما ABS الخبطات بسيط وسريعة لكن الي راكبين معايا كمان بيسمعو الصوت وطبعا مع ضعف الفرامل وبتبان اكتر المشكلة لو في رمل على الاسفلت

طبعا العفشة كلها جديدة معادا المساعدين بيظين وبغيرهم اليومين دول و كنت عايز اعرف من توكيل Kyb هنا في القاهرة علشان اجبهم مضمونين

والتيل قرب يخلص بس هو ده الي عندي في العفشة اما الباقي كلة جديد بالمناسبة التيل لما يقرب على الانتهاء في لمبة ولا حاجة بتبين ده ولا بالكشف بالعين كده

شكرا جزيلا

[أسامه الحسيني]

متابع

[Super_Star_h]

هى الفرمله المفاجأه هتحس بالدواسه تحت رجلك بتدردر بسبب ال abc لكن مش بتخبط جامده
ممكن يكون تيل الفرامل اللى عندك مش بتاعها ال abs
او ممكن يكون مش الاصلى او نوعه وحش

[asemelsaid]

هى الفرمله المفاجأه هتحس بالدواسه تحت رجلك بتدردر بسبب ال abc لكن مش بتخبط جامده
ممكن يكون تيل الفرامل اللى عندك مش بتاعها ال abs
او ممكن يكون مش الاصلى او نوعه وحش

شكرا للرد
التخبيط ملحوظ وبعدين مكنتش بجرري وامامي عربية اكسنت 99 ووراية نصف نقل والكل وقف وانا كانت بتقف ببطء لدرجة اني خبط الاكسنت بس ربنا ستر ومحصلش حاجة بس كان في رمل اما على السريع بتهدي ومفيش مشاكل الا لما ادوس على الدواسة جامد

انا مش راضي اغير التيل الا لما يخلص هو فيه حاجات بسيطة لانه تيل نظيف جدا وراكب في التوكيل ومع ذلك ممكن اغيرة برضة ونجرب

[Super_Star_h]

شكرا للرد
التخبيط ملحوظ وبعدين مكنتش بجرري وامامي عربية اكسنت 99 ووراية نصف نقل والكل وقف وانا كانت بتقف ببطء لدرجة اني خبط الاكسنت بس ربنا ستر ومحصلش حاجة بس كان في رمل اما على السريع بتهدي ومفيش مشاكل الا لما ادوس على الدواسة جامد

انا مش راضي اغير التيل الا لما يخلص هو فيه حاجات بسيطة لانه تيل نظيف جدا وراكب في التوكيل ومع ذلك ممكن اغيرة برضة ونجرب

حاجه غريبه بصراحه الميجان معروفه ان فراملها ممتازه جدآ
وبتقف بسرعه فى مكانها
طب ايه اخبار الطنابير عندك فيها عالى وواطى مثلآ ؟
وخلى بالك اي عربيه فرملتها فى الرمل بتكون وحشه شويه
لو بتعمل صياناتك فى التوكيل روحلهم يكشفو على موضوع الفرامل ده
لو مطلعش فيه حاجه يبقى اصبر شويه على التيل وبعدين غيره وجرب

[Abo_Mazen]

هى الفرمله المفاجأه هتحس بالدواسه تحت رجلك بتدردر بسبب ال abc لكن مش بتخبط جامده
ممكن يكون تيل الفرامل اللى عندك مش بتاعها ال abs
او ممكن يكون مش الاصلى او نوعه وحش

[asemelsaid]

حاجه غريبه بصراحه الميجان معروفه ان فراملها ممتازه جدآ
وبتقف بسرعه فى مكانها
طب ايه اخبار الطنابير عندك فيها عالى وواطى مثلآ ؟
وخلى بالك اي عربيه فرملتها فى الرمل بتكون وحشه شويه
لو بتعمل صياناتك فى التوكيل روحلهم يكشفو على موضوع الفرامل ده
لو مطلعش فيه حاجه يبقى اصبر شويه على التيل وبعدين غيره وجرب

تمام والله الطنابير لسة مغيرها من شهر زيرو يعني واستخدام العربية قليل جدا بس هو فعلا مبحسش بالموضوع ده غير في الرمل اكتر بس مش مصدق ان ده هو الطبيعي
هجرب بردة افصل فيوز abs وجرب الفرملة المفاجئة وشوف
وهغير بردة زيت الفرامل لونة غامق مغيرتوش ولا مرة ومعرفش الي كنت شاري منه امتى اخر مرة غيرة

كان في شخص عندة نفس المشكلة في قسم الهوندا بس للاسف الموضوع مكملش معرفش عمل ايه فيها

شكرا لتفاعلك معايا

[mfraig]

هي لو الطنابير فيها مشكله بتحصل برجله مع الفرمله الفجائيه على سرعه عاليه لكن لو مغيرهم قريب اكشف عليهم واتاكد انهم تمام وبعدين غير التيل وهتلاقي المشكله اتحلت ان شاء الله واتاكد ان ال abs شغال

[asemelsaid]

هي لو الطنابير فيها مشكله بتحصل برجله مع الفرمله الفجائيه على سرعه عاليه لكن لو مغيرهم قريب اكشف عليهم واتاكد انهم تمام وبعدين غير التيل وهتلاقي المشكله اتحلت ان شاء الله واتاكد ان ال abs شغال

شكرا ليك
هتاكد من الموضوع ده بس ممكن اعرف ازاي ال abs شغال ولا لا
وبعدين احساس دواسة الفرامل اي مع الفرملة المفاجئة وال abs معاك مش بردة خبطات بسيطة وسريعة ولا غلطان

[mfraig]

شكرا ليك
هتاكد من الموضوع ده بس ممكن اعرف ازاي ال abs شغال ولا لا
وبعدين احساس دواسة الفرامل اي مع الفرملة المفاجئة وال abs معاك مش بردة خبطات بسيطة وسريعة ولا غلطان

تمام ياسيدي
في فرق كبير بين ان الطنابير فيها مشكله او abs اشتغل
لو الطنابير او التيل بتلاقي برجله في العربيه وخصوصا الدركسيون كان في رجه كده
لكن abs بيبان انه خبط في دواسة الفرامل بس لكن الدركسيون ثابت وبتحسه كان حد بيقاوم الفرامل وبيدوس دوسات متقطعه
سهل اوي تجرب ال abs ومش محتاج سرعه كبيره كفايه انك تفرمل بقوه على اي طريق اسفلت عليه تراب وهتلاقيه اشتغل معاك وغالبا مادامت اللمبه مش منوره اكيد هيبقى تمام ان شاء الله لان اصلا العربيه ده بتتلكك عشان تطلعلك اي غلطه فصعب انه يكون فيه مشكله وهي ساكته ومطنشه كده

[goudzy]

نوع الزيت .... او الماستر ...قولا واحدا

[Super_Star_h]

تمام والله الطنابير لسة مغيرها من شهر زيرو يعني واستخدام العربية قليل جدا بس هو فعلا مبحسش بالموضوع ده غير في الرمل اكتر بس مش مصدق ان ده هو الطبيعي
هجرب بردة افصل فيوز abs وجرب الفرملة المفاجئة وشوف
وهغير بردة زيت الفرامل لونة غامق مغيرتوش ولا مرة ومعرفش الي كنت شاري منه امتى اخر مرة غيرة

كان في شخص عندة نفس المشكلة في قسم الهوندا بس للاسف الموضوع مكملش معرفش عمل ايه فيها

شكرا لتفاعلك معايا

الزيت مش بيتغير
لو ناقص بيتزود
وهو بينقص كل ما التيل يتاكل اكتر
جرب تفرمل فرمله مفاجأه لو كلبشت مكانها
كبر دماغك هو ده الطبيعى بتاعها

[svneleven]

لا هو الزيت بيتغير تقريبا كل سنتين لأن زيت الفرامل مع الوقت بيرطب يعني جواه مياه و بعد كده من كتر الاستعمال و السخونية بتتكون فقاقيع من بخار المياه و تلاقي هوا في الخطوط تقلل كفاءة الفرامل. عشان كده ناس كتير بتحتاج تاخد هوا للفرامل كل فترة.