حرارة الميجان

[byada10]

من يومين كده مؤشر الحراره اخره بقى على تانى شرطه مش تالت شرطه اللى هى فى النص اللى كلنا متعودين عليها

بيفضل يروح و ييجى بين الشرطه الاولى و التانيه على حسب الجرى

بس حاسس العربيه مخنوقه خالص

هو مش المفروض المؤشر فى وضعه الطبيعى يبقى على الشرطه التالته ؟

[Super_Star_h]

لازم تكون مخنوقه
الدرجه التالته هى الوضع الطبيعى للحراره
والمؤشر مش بينزل من مكانه تانى
اكيد مشكلتك دى سببها الترموستات

[shoshasam]

صراحة ماليش في الرينو لكن اللي اعرفه ان المؤشر لازم يكون ثابت علي الشرطة اللي قبل النص
لا يطلع ولا ينزل مهما كانت الظروف المحيطة (طريق سريع او زحمة)
فطبعا كده الشك الاول هايبقي في ترموستات الكوعه

[محمد عفيفي]

يا باشا خد الكلام الي يعني ممكن يفهم في عندك كولر في العربيه دية اما يكون داخل الكولر هذا ثرموستات او لاه ملغي
اولا في حالة وجود الثرموستات لا يتم انتقال مياه التبريد من الريداتير الي المحرك الا بعد وصول درجة حراره المحرك الي الدرجه المطلوبه وهي بالبلددي كده الشرطه الثالثه الي انتا بتقول عليها ويتم فتح الثرموستات لتبريد المحرك والحفاظ علي درجه حراره المحرك بالدرجه المطلوبه
ثانيا في حاله ان الثرموستات ملغي زي عندي دوره التبريد الخاصه بالمياه شغاله علي طول وبالتالي في الزحام بتلاقي المؤاشر في الوسط اما في الطرق السريعه بتلاقي لسه المحرك بارد لان يوجد عاملين مؤثرين في المحرك هم هواء التبريد نتيجة السفر او الطريق السريع وكذلك استمرار تبريد المياه للمحرك حتي في حاله بروده المحرك
اتمني اكون اكلمت كلا م مفهوم شويه ولو حد عنده تعليق علي الكلام ده اتمني اسمعه