مشكلة عدم ظهور مؤشر الزيت بعد تغيير الموتور باخر استيراد

[midofayad]

السلام عليكم

كنت عملت موضوع بخصوص تغيير الموتور بموتوررة استيراد و الحمد لله كل حاجة بقت تمام
بس النهارده و انا بدور لقيت العربيه مش بتكتب علي الشاشة اللي في التابلوه بين العدادات مستوي الزيت و انا مكنتش خدت بالي منها لما ركبت الموتور لكن في موتوري القديم كنت بشوف المؤشر فورا اول ما افتح الكونتاك

المفروض بعد فتح الكونتاك العربيه بتظهر مؤشر في التابلوه مكتوب فيه oil level ok و لو ضغطترعلي الزرار تبينلك مستوي الزيت بمؤشر من خمس شرط
لكن الان بعد تغيير الموتور لا يظهر اي شئ بخصوص الزيت علي الشاشة

يا تري ايه السبب في كده و ايه حل المشكله

[Super_Star_h]

عندى نفس مشكلتك برضو لما غيرت الماتور
ومش عارف ايه السبب !
هل فيه حساس ومش متركب ولا ايه الله اعلم !

[midofayad]

عندى نفس مشكلتك برضو لما غيرت الماتور
ومش عارف ايه السبب !
هل فيه حساس ومش متركب ولا ايه الله اعلم !

هو فعلا في حساس في الموتور من ورا فممكن يكون اللي بيركب مركبوش صح او غيره لان انا غيرت الموتور قبل كده اكتر من مرة و مكنش في اي مشكله مع المؤشر و ممكن تكون محتاجه تتظبط علي الكمبيوتر

علي العموم انا النهارده هروح للميكانيكي اول ما يفتح و اشوف حل للمشكلة دي ان شاء الله

[mfraig]

هو فعلا في حساس في الموتور من ورا فممكن يكون اللي بيركب مركبوش صح او غيره لان انا غيرت الموتور قبل كده اكتر من مرة و مكنش في اي مشكله مع المؤشر و ممكن تكون محتاجه تتظبط علي الكمبيوتر

علي العموم انا النهارده هروح للميكانيكي اول ما يفتح و اشوف حل للمشكلة دي ان شاء الله

مستني نتيجة الفحص

[midofayad]

رحت النهارده للميكانيكي و سألته ان كان ركب السينسور بتاع الزيت ولا لا ر ده بيكون في الموتور من الجهة الخلفيه و قاللي طبعا راكب صح في مكانه و ركبت الفيشة بتاعته و قاللي كده يبقي السينسور بتاعك بايظ
بس انا طبعا كنت متأكد ان السينسور بتاعي سليم لانه لاخر ثانيه قبل حل الموتور القديم و تركيب الجديد كان شغال تمام اول ما افتح الكونتاك
المهم قاللي شوف الكهربائي فخدتها و رحت لاحمد الكهربائي في اول العيسوي في محمد نجيب في اسكندريه و هو ممتاز جدا و فاهم شغله كويس جدا
المهم رحتله و قاللي ممكن تكون الفيشه مش راكبه كويس و نزل تحت العربيه و فعلا كانت الفيشه مهزوزه و فتحت كونتاك لقيتها جابت oil level بس كاتبه top up oil level و دي معناها ان الزيد عاوز يتزود و ببص علي الشرط بتاعه الزيت في التابلوه الاقيها فاضيه مفيش ولا شرطه بس انا متاكد ان الزيت مظبوط و اتاكدت اكتر بالمقاس اليدوي و فعلا كان الزيت مظبوط
المهم احمد الكهربائي قاللي كده السيتسور بايظ او محتاج يتنظف عشان ركب من غير تنظيف و فعلا نزل تاني و فك السينسور و ركبه في مكانه صح و نظف الفيشه بتاعته و ركبها فيه و فتحت كونتاك و فعلا كل حاجه بقت تمام التمام و كتبتبلي oil level ok و جابت ال 5 شرط كلهم كاملين يعني الزيت تمام

[Super_Star_h]

رحت النهارده للميكانيكي و سألته ان كان ركب السينسور بتاع الزيت ولا لا ر ده بيكون في الموتور من الجهة الخلفيه و قاللي طبعا راكب صح في مكانه و ركبت الفيشة بتاعته و قاللي كده يبقي السينسور بتاعك بايظ
بس انا طبعا كنت متأكد ان السينسور بتاعي سليم لانه لاخر ثانيه قبل حل الموتور القديم و تركيب الجديد كان شغال تمام اول ما افتح الكونتاك
المهم قاللي شوف الكهربائي فخدتها و رحت لاحمد الكهربائي في اول العيسوي في محمد نجيب في اسكندريه و هو ممتاز جدا و فاهم شغله كويس جدا
المهم رحتله و قاللي ممكن تكون الفيشه مش راكبه كويس و نزل تحت العربيه و فعلا كانت الفيشه مهزوزه و فتحت كونتاك لقيتها جابت oil level بس كاتبه top up oil level و دي معناها ان الزيد عاوز يتزود و ببص علي الشرط بتاعه الزيت في التابلوه الاقيها فاضيه مفيش ولا شرطه بس انا متاكد ان الزيت مظبوط و اتاكدت اكتر بالمقاس اليدوي و فعلا كان الزيت مظبوط
المهم احمد الكهربائي قاللي كده السيتسور بايظ او محتاج يتنظف عشان ركب من غير تنظيف و فعلا نزل تاني و فك السينسور و ركبه في مكانه صح و نظف الفيشه بتاعته و ركبها فيه و فتحت كونتاك و فعلا كل حاجه بقت تمام التمام و كتبتبلي oil level ok و جابت ال 5 شرط كلهم كاملين يعني الزيت تمام

مبروووك يا باشا
ياريت توصفلى بضبط مكان الكهربائى ده لو كويس عشان اروحله
فين فى محمد نجيب ؟ فى التقاطع نفسه ولا ايه ؟
انا لو اعرف مكان الحساس هعمله بنفسى
لكن انا شايف ان مافيش حساسات فى خلف الماتور !
مافيش غير حساس الاوكسجين اللى تحت وراكب على الشكمان

[mfraig]

من اسعد اللحظات انك تروح تحل مشكله وتتحل فعلا بدون عكننه :))))

مبروك ياباشا

[midofayad]

مبروووك يا باشا
ياريت توصفلى بضبط مكان الكهربائى ده لو كويس عشان اروحله
فين فى محمد نجيب ؟ فى التقاطع نفسه ولا ايه ؟
انا لو اعرف مكان الحساس هعمله بنفسى
لكن انا شايف ان مافيش حساسات فى خلف الماتور !
مافيش غير حساس الاوكسجين اللى تحت وراكب على الشكمان

بص يا باشا اول م تدخل محمد نجيب من البحر هيبقي قدامك اختيارين شارع خالد ابن الوليد او شارع العيسوي و الاتنين اتجاه واحد .. فانت هتدخل شارع العيسوي و تخليك في الشمال و تدخل اول شارع شمال يقابلك و اول م تدخل الشارع هتلاقي الكهربائي علي يمينك و قصاده الناحيه التانيه واحد بتاع قطع غيار رينو و هو كهربائي فاهم جدا في شغله و محترم جدا و فاهم الميجان كويس جداا

بالنسبة لمكان الحساس فهو في الجهة الخلفيه للموتور عند حساس الشكمان بس من تحت و الفرن بيبقي مداري عليك و عشان كده لازم تجيله من تحت العربيه و تقدر توصله بسهوله حتي الكهربائي مفكش المصفحه هو بس رفع العربيه و نزل تحتها و فكه و نضفه و نضف الفيشه و ركبه تاني صح في مكانه و كل حاجه بقت تمام و لما تروحله بس قوله انا جاي من طرف دكتور فياض و هو هيعمل معاك احلي واجب

[midofayad]

من اسعد اللحظات انك تروح تحل مشكله وتتحل فعلا بدون عكننه :))))

مبروك ياباشا

الله يبارك فيك يا باشا و فعلا من اسعد اللحظات خصوصا لما تكون عامل شغل كبير في العربيه و تقريبا مغير كل حاجه عشان تريح دماغك و تلاقي مشكلة هايفه تزهقك بس الحمد لله انها اتحلت :)

[Astra Lover]

بص يا باشا اول م تدخل محمد نجيب من البحر هيبقي قدامك اختيارين شارع خالد ابن الوليد او شارع العيسوي و الاتنين اتجاه واحد .. فانت هتدخل شارع العيسوي و تخليك في الشمال و تدخل اول شارع شمال يقابلك و اول م تدخل الشارع هتلاقي الكهربائي علي يمينك و قصاده الناحيه التانيه واحد بتاع قطع غيار رينو و هو كهربائي فاهم جدا في شغله و محترم جدا و فاهم الميجان كويس جداا

بالنسبة لمكان الحساس فهو في الجهة الخلفيه للموتور عند حساس الشكمان بس من تحت و الفرن بيبقي مداري عليك و عشان كده لازم تجيله من تحت العربيه و تقدر توصله بسهوله حتي الكهربائي مفكش المصفحه هو بس رفع العربيه و نزل تحتها و فكه و نضفه و نضف الفيشه و ركبه تاني صح في مكانه و كل حاجه بقت تمام و لما تروحله بس قوله انا جاي من طرف دكتور فياض و هو هيعمل معاك احلي واجب

بعد اذنك الكهربائى ده ليه فى الاوبل ولا رينو بس وهل بيكشف كمبيوتر؟

[midofayad]

بعد اذنك الكهربائى ده ليه فى الاوبل ولا رينو بس وهل بيكشف كمبيوتر؟

ايوه بيشتغل في الاوبل كمان و بالنسبة لكشف الكمبيوتر في واحد بيشتغل في التوكيل بييجي عنده و بيكشف بالكمبيوتر لو في مشكلة تحتاج الكشف بس ده لرينو بس مش عارف هيبقي في كشف كمبيوتر لاوبل ولا لا

[Super_Star_h]

بص يا باشا اول م تدخل محمد نجيب من البحر هيبقي قدامك اختيارين شارع خالد ابن الوليد او شارع العيسوي و الاتنين اتجاه واحد .. فانت هتدخل شارع العيسوي و تخليك في الشمال و تدخل اول شارع شمال يقابلك و اول م تدخل الشارع هتلاقي الكهربائي علي يمينك و قصاده الناحيه التانيه واحد بتاع قطع غيار رينو و هو كهربائي فاهم جدا في شغله و محترم جدا و فاهم الميجان كويس جداا

بالنسبة لمكان الحساس فهو في الجهة الخلفيه للموتور عند حساس الشكمان بس من تحت و الفرن بيبقي مداري عليك و عشان كده لازم تجيله من تحت العربيه و تقدر توصله بسهوله حتي الكهربائي مفكش المصفحه هو بس رفع العربيه و نزل تحتها و فكه و نضفه و نضف الفيشه و ركبه تاني صح في مكانه و كل حاجه بقت تمام و لما تروحله بس قوله انا جاي من طرف دكتور فياض و هو هيعمل معاك احلي واجب

تمام انا كده عرفت مكانه
احتمال بكره اعدى عليه بعد الظهر كده
شكرآ يا دكتور
ربنا يباركلك