اول ما تقف الميجان

[ALi Hamdy]

دا اول موضوع ليا وهتكلم فيه عن الميجان II في حاله انها ماتكونش مسجله معاك اعطان وتقف بيك مره واحده دي الحاجات اللي تفكر فيها وانت واقف محتاس

الموضوع دا بيحصل كتير فالميجان وحصل معايا شخصيا مرتين بسبب تهييس العوامه
ازاي وانت ماشي تلاقي العربيه قطعت مره واحده وتعرف أنها قطعت بنزين ؟؟
أول حاجه هتلاقي العربيه كتبت قدامك في شاشه العدادات put the gear on N or P
دي معناها علطول بنزين
تاني حاجه لو ما خدتش بالك تشيل خرطوم البنزين وتخلي حد يدور
دا معناه نقص بنزين أو طرمبه بايظه(ماتور) واحتمال برضو تكون فيشه الطرمبه مهويه ودي حصلت معايا وخلتني اركن العربيه 3 أيام فالشارع
الحل انك تجيب كهربائي عادي وتكشف الطرمبه وتخليه يكشف على الفيش لو قالك بايظه يبقى تمام لو مش بايظه قوله ماتفكش الطرمبه وجربلي وصله مباشر من البطاريه بحته سيلك ب5 جنيه انت مش خسران حاجه علشان كده كده هياخد فلوس
أهم حاجه تكون متأكد أنها مش بنزين ودا ليه حاجه فيصل وأنك تعدى خرطوم التانك وتشفط وتشوف هيجيب معاك ولا لأ
الموضوع دا انا كتبته علشان العضو اللي قطر العربيه مخصوص على حاجه صغيره زي دي وانشاء الله يفيد أعضاء تانيين

[تامر.محمد]

الله ينور عليك و تسلم ايدك على الملحوظة المهمة جدا

[Ahmed abdkarim]

هى ليه فرنسا بتعمل كده فى الناس ؟؟؟

[أسامه الحسيني]

دا اول موضوع ليا وهتكلم فيه عن الميجان II في حاله انها ماتكونش مسجله معاك اعطان وتقف بيك مره واحده دي الحاجات اللي تفكر فيها وانت واقف محتاس

الموضوع دا بيحصل كتير فالميجان وحصل معايا شخصيا مرتين بسبب تهييس العوامه
ازاي وانت ماشي تلاقي العربيه قطعت مره واحده وتعرف أنها قطعت بنزين ؟؟
أول حاجه هتلاقي العربيه كتبت قدامك في شاشه العدادات put the gear on N or P
دي معناها علطول بنزين
تاني حاجه لو ما خدتش بالك تشيل خرطوم البنزين وتخلي حد يدور
دا معناه نقص بنزين أو طرمبه بايظه(ماتور) واحتمال برضو تكون فيشه الطرمبه مهويه ودي حصلت معايا وخلتني اركن العربيه 3 أيام فالشارع
الحل انك تجيب كهربائي عادي وتكشف الطرمبه وتخليه يكشف على الفيش لو قالك بايظه يبقى تمام لو مش بايظه قوله ماتفكش الطرمبه وجربلي وصله مباشر من البطاريه بحته سيلك ب5 جنيه انت مش خسران حاجه علشان كده كده هياخد فلوس
أهم حاجه تكون متأكد أنها مش بنزين ودا ليه حاجه فيصل وأنك تعدى خرطوم التانك وتشفط وتشوف هيجيب معاك ولا لأ
الموضوع دا انا كتبته علشان العضو اللي قطر العربيه مخصوص على حاجه صغيره زي دي وإن شاء الله يفيد أعضاء تانيين

شكرا على نقل التجربه بس كدا نفس الاعراض بتاعت ان العربيه تقف فجاءه وتكتب put the gear on N or P هى بتاعت حساس الكرنك

[Ahmed Selim]

كون ان العربية تقف و تكتب لك put the gear on P or N ده إجراء سلامة وقائي مش أكتر......ملهوش علاقة بنوع العطل.

لو العربية بطلت أو مش راضية تدور و أنت شاكك فى الطرمبة أو البنزين.....
أرجع أفتح الباب اليمين ورا و أرفع قاعدة الكنبة و خلى حد يدور
لو مش سامع صوت الطرمبة نهائي يبقى أحتمال يكون الموتور قطع تماماً أو مش واصل له كهرباء.
لو سامع الصوت بس أعلى من العادي ممكن تكون كفاءة الطرمبة قلت و مش قادرة تضخ كفاية.

و نصيحة.......لو مضطر تجيب كهربائي عادي.......متخلهوش يعمل أى حاجة أكتر من الكشف.

[mfraig]

هى ليه فرنسا بتعمل كده فى الناس ؟؟؟

هههههههههههه
لا الطرمبه ده عادي وحصلت معايا ايام الفرنا كنت راجع من العريش وفصلت بعد كبري السلام بالظبط على طريق بور سعيد فجأه قطعت كده وفي ثواني طفت خالص ومش بتدور نهائي
طبعا اول حاجه عملتها اني حمدت ربنا انها عدت معايا لبعد الكوبري عشان اللي عارف طريق العريش من بعد كبري السلام لحد العريش مافيش حتى بنزينه ولو عطلت هناك الحل الوحيد انك تفضل مستني لحد مايعدي عليك قاطع طريق ياخد عربيتك ويخلصك من الدنيا وبلاويها
المهم
لفرق طبعا ان الفرنا بنت حلال مكان ماعطلت لقيت ميكانيكي كده قاعد بيشرب حجر المعسل وواضح انه قرر يبقى ميكانيكي عشان مش لاقي حاجه يعملها قلت ماباليد حيله تعالى ياعم شوف الجثه ده عاوز اروح
طبعا لقى موتور الطرمه محروق ومش شغال راح جايب موتور من عنده من جوه وسخ وعليه 3 كيلو تراب واول ماوصله بالبطاريه راح مطله تراب من جواه
قلتله معلش حضرتك انت ناوي تركب الخرده ده مكان الطرمبه
قاللي مافيش حد هنا هتعرف تجيب منه طرمبه ومافيش غيرها واحمد ربنا انها كانت عندي
ماشي ياسيدي المهم هتوصلني القاهره وللا ايه قاللي ماتقلقش
والله اشتغلت وكانت زي الفل وقعدت بيها اسبوعين كمان وقررت اغيرها بس للامان لكن كانت شغاله وزي الفل

تخيل بأه الموقف ده كان مع الميجان حبيبت قلبي

بالمناسبه انا اخدت اجازه من شغل العريش بعد ماشتريت الميجان ماكنتش مقتنع اني ينفع اروح بيها هناك خصوصا ان العريش فيها توكيل قطع غيار بس واوناش نقل مافيش صيانه يعني زي الفل