ما هو الضمان؟! انا مستغرب من رينو

[lion99990]

السلام عليكم
دلوقتى انا ليا واحد صاحبى راح رينو العبور و معاه عربيه ميجان 2006 عامله 15000 كيلو راح يعمل الاصيانه و العربيه لسه فى الضمان و كان فيه صوت مضايقوه فى المحرك تقريبا لمل بيسب العربيه فتره و يجى يدورها يلاقى صوت خرفشه بس بعد كده الصوت بيروح و تبقى تمام والمهم قال للتوكيل على العيب ده فالمهندس بدون كشف فى البدايه قالوه ده ترس كامه و حيتغير فى الضمان بس عشان نوصله لازم نقطع سير الكاتينه و عشان كده انت حتدفع 1100 سعر سير الكاتينه و احنا حنصلح العيب ترس الكامه ب 2400 جنيه طب بالذمه ده كلام هما يقطعوا او يبوظو سير الكاتينه هوا يدفع صاحبى ليه طبعا الكلام ده انهارده بس المهندس اله تدخل الصيانه الاول و بعدين نشوف يمكن ما يكنش ده العيب صاحبى ده مستنى دلوقتى و بيستنجد بنايل موتورز عشان يقلوله يعمل ايه لو طلع ده العيب فعلا
مستنى ردكم بسرعه من اصحاب الخبره فى رينو

[drhaytham]

زعق لان ده استهبال رسمي

[Ahmed Selim]

هوه فى العبور صح ؟؟؟؟

خليه يطلب يقابل المهندس محى ويقوله على الموضوع ده.....ولو مساعدهوش يروح للمهندس خالد شلبى اللى ماسك فرع العبور...............لو الأتنين مساعدهوش خليه ميعملش العربية و لما يرجع البيت يبعت لرينو فرنسا المشكلة دى.....و أن شاء الله حل من التلاتة دول هيجيب نتيجة

[lion99990]

هوا على فكره فى توكيل العبور

[Ahmed Selim]

يبقى هيلاقى الأسماء دى هناك أن شاء الله

هما ناس محترمين وأن شاء الله يشوفوله حل

[momo10000]

الصوت دا صوت ديفازور بيظهر اما تكوت العربية باردة بس

التوكيل بغير الليلة دي كلها في الضمان من غير اي تكلفة والكلام دا اكيد 100 ال 100

خلية يتعامل زي ما قال احمد باشا عبد المقصود وهما حيحلوا المشكلة عالطول من غير الرجوع لفرنسا

وشكرا

[Ramy_Tantawi]

يعني ايه عشان نصلح العيب نبوظ حاجه تانيه وحضرتك اللي تدفع تمنها !!!! لأ طبعاً في حاجه غلط او مش مفهومه ...عموماً زي ما الاخوه قالوا لحضرتك الموضوع بس فيه سوء فهم مش اكتر والاسماء اللي احمد باشا قال عليها هاتحل الموضوع في دقائق ان شاء الله ماتشيلش هم وطمن صاحبك ان شاء الله مافيش مشكله.

[Ahmed Selim]

هو صاحب الموضوع راح فين......ما تطمنا يا أخى العزيز...ايه اللى حصل ؟

[Sharky]

فعلا لزم التوكيل يغيرولوا السير ضمن الضمان و لا معملوش كده يبقى بيهرجوا و لازم يشتيكهم لرينو فرنسا لو م/محى أو خالد شلبى ماعملوش حاجة

[Abo_Lina]

فعلا استهبال و تصرف غير متوقع من Eim
في انتظار مزيد من التفاصيل

[lion99990]

انا اسف يا جماعه على التأخير بس صاحبى امبارح قالوله سيب العربيه لان العيب ما ظهرش و هوا العربيه مايحصلش فيها العيب غير و هيا برده فدلوقتى صاحبى مستنى تليفون منهم و لما يكلموه انا حعرفكم بالى حصل و شكرا لمساعدتكم ليا

[Ahmed Selim]

انا اسف يا جماعه على التأخير بس صاحبى امبارح قالوله سيب العربيه لان العيب ما ظهرش و هوا العربيه مايحصلش فيها العيب غير و هيا برده فدلوقتى صاحبى مستنى تليفون منهم و لما يكلموه انا حعرفكم بالى حصل و شكرا لمساعدتكم ليا

أن شاء الله خير ويحلو الموضوع بدون خسائر مادية كبيرة سواء لصاحبك أو ليهم....

[mahamedaraby]

ياجماعه توكيل رينو اتحسد شكله

اكيد يا اما عملاء غبور يا اما عملاء ابو الفتوح هما اللى حسدوه

بعد كده ابقوا خالوا بالكم شويه وانتوا بتكلموا

[Ahmed Selim]

ياجماعه توكيل رينو اتحسد شكله

اكيد يا اما عملاء غبور يا اما عملاء ابو الفتوح هما اللى حسدوه

بعد كده ابقوا خالوا بالكم شويه وانتوا بتكلموا

تصدق ممكن برضه :D

[melsatar]

تصدق ممكن برضه :D

الظاهر إتحسد أو ممكن هو أحسن من غيره عشان كده شيفينوا محصلش.

بس لحد دلوقتى هو كويس- شغال مش ممتاز