حد يعرف ازاى اعمل ريسيت لعطل فى ميجان 2007

[broadband]

عند ى مشكلة Check emissions
و سألت قالولى دى مفيش مشكلة و ممكن تعملها مسح
بس انا مش عارف ازاى
انا لسه جديد فى المنطقة دى (ههههههههههه)


شكرا

[dedo_ryo]

يا تفصل البطاريه 10 دقايق " خد بالك كود الكاسيت يكون معاك و هتظبط الزجاج الجانبي"
يا تروح لميكانيكي عنده ال Renault Clip "الجهاز يمسحهولك من اساسه و انت قاعد باشا
بس حوار انهم قالولك انها مسج كده و ممكن تمسحها ده انا واثق انه اي كلام لان الميجان بالذات مش بتعمل الكلام ده فالافضل لو تروح لميكانيكي عنده الجهاز يكشف و يبص بنفسه و لو في حاجه يظبطها و لو مفيش اهو يمسحلك العطل

[broadband]

مفيش مشكلة من كود الكاسيت و لكن ازاى اظيط الزجاج الجانبى
لو ممكن الطريقة ؟

[Super_Star_h]

كنت راكب واحده 2007 امبارح ولاقيت فيها نفس الرساله !
اطلع عند اي حد بتاع رينو عنده جهاز

[broadband]

فصلت البطارية 15 دقيقة و بعدين الرسالة زى ما هى وماراحتش

[medohai510]

لازم الجهاز الاصلي علشان يعرف المشكلة اية لو موجودة و الميكانيكي يحلها

[besso]

مش هاتروح ياباشا لازم تكشف عليها بالكمبيوتر

[broadband]

للاسف انا مافضيتش خالص حاحاول اروح اشوف حد فى الحرفيين و كمان عندى كام لمبة محروقين بالمرة

[broadband]

للحمد لله انا روحت كشفت فى الحرفيين بجهاز السكانر و طلع المشكلة فى حساس الشكمان و لكنه مازال بيقرا يعنى مش لازم يتغيير و بالمرة غييرت مقاس الزيت بواحد استيراد مع انى ما كنتش باشتكى من اى مشكلة فى اداء الموتور

و شكراا على اهتمامكم

[dedo_ryo]

مقاس الزيت الديجيتال ؟؟؟؟؟ لو هو غيرته بكام

[broadband]

مقاس الزيت الديجيتال ؟؟؟؟؟ لو هو غيرته بكام

ايوة هو اللى بيخللى شاشة المعلومات تتطلع مقاس الزيت و كلمة Oil Level OK
انا اشتريته ب 130 جنيه و ركبته بنفسى بس طلع عينى علشان اول مرة بس و ماكانش معاى لقمة مقاس الحساس و استعملت مفتاح مشرشر