طرمبه البنزين فصلت

[Super_Star_h]

امبارح العربيه عملتها معايا فى الطريق بعد ما ركنتها شويه وجيت ادورها مش عايزه تدور !
المهم فكيت الخرطوم بتاع البنزين اللى واصل للرشاشات عشان اشوف الطرمبه شغاله ولا لاء
لاقيتها قاطعه تمامآ والخرطوم ناشف مش بيطلع ولا نقطه بنزين
بصيت على الطرمبه تحت الكنبه اللى ورا ملقتهاش بتعمل اي صوت !
هو كده ايه اللى حصل ؟ الماتور بتاعها باظ ولا ايه ؟
انا اخدتها وركنتها عند الميكانيكى لغايت اما يبقى يفتح النهارده

[ahmed.teawater]

معلش بسيطه ان شاء الله

[أحمد جودة]

بسيطة ان شاء الله ..... واحد صاحبي عملت معاة نفس المشكلة وكان بيخبط بمفك على جسم الطلمبة بترجع تشتغل تاني ...... ممكن حضرتك تغير قلب الطلمبة

[أسامه الحسيني]

كنت تجرب تخدلها واصله كهرباء من البطاريه ممكن يكون كابل الكهرباء الواصل ليها مقطوع فى السكه

[Super_Star_h]

بسيطة ان شاء الله ..... واحد صاحبي عملت معاة نفس المشكلة وكان بيخبط بمفك على جسم الطلمبة بترجع تشتغل تاني ...... ممكن حضرتك تغير قلب الطلمبة

عملت كده خبطت عليها مافيش فايده وشيلت الفيشه بتاعتها وركبتها تانى
ربنا يسهل لما تتحل هنعرف فيه ايه اكيد الماتور نفسه اتحرق

[Super_Star_h]

كنت تجرب تخدلها واصله كهرباء من البطاريه ممكن يكون كابل الكهرباء الواصل ليها مقطوع فى السكه

مافيش مجال انى اقعد اجرب فى الشارع واجيب فى وصلات وبتاع
مشكله سلك اتقطع ده احتمال ضعيف جدآ
ربنا يسهل

[tamermadi]

امبارح العربيه عملتها معايا فى الطريق بعد ما ركنتها شويه وجيت ادورها مش عايزه تدور !
المهم فكيت الخرطوم بتاع البنزين اللى واصل للرشاشات عشان اشوف الطرمبه شغاله ولا لاء
لاقيتها قاطعه تمامآ والخرطوم ناشف مش بيطلع ولا نقطه بنزين
بصيت على الطرمبه تحت الكنبه اللى ورا ملقتهاش بتعمل اي صوت !
هو كده ايه اللى حصل ؟ الماتور بتاعها باظ ولا ايه ؟
انا اخدتها وركنتها عند الميكانيكى لغايت اما يبقى يفتح النهارده

ان شاء الله تطلع حاجه بسيطه

طيب مجربتش تبص على فيشة حساس الكرنك ؟

حساس الكرنك بيقطع كهرباء عن طرمبة البنزين برضو

ابقى طمنا عملت ايه

ربنا معاك

[ramy_gamal]

اعتقد هتحتاج موتور طلمبه

[Mecha]

الاول شوف فيه كهربا رايحه للطرمبه هات تست لايت
ولازم تطلع الطرمبه لان احيانا الترمله فيها باد كونتاكت
احيانا ف الاوروبي ريليه الطلمبه هو المشكله او فيوز
لو دول تمام هات طرمبه تانيه
جوب بسيطه

[Super_Star_h]

شكرآ يا جماعه الموضوع طلع بسيط
الفيشه بتاعة الطرمبه فيها طرف سايح ومحروق بالتالى مكنش موصل كهربه
الفيشه اتغيرت والطرمبه اشتغلت وكله تمام
المشكله انى كنت عطلان فى مكان ظلمه بالليل ومش شايف كويس مع انى شيلت الفيشه وبصيت عليها !
يلا الحمد لله

[tamermadi]

شكرآ يا جماعه الموضوع طلع بسيط
الفيشه بتاعة الطرمبه فيها طرف سايح ومحروق بالتالى مكنش موصل كهربه
الفيشه اتغيرت والطرمبه اشتغلت وكله تمام
المشكله انى كنت عطلان فى مكان ظلمه بالليل ومش شايف كويس مع انى شيلت الفيشه وبصيت عليها !
يلا الحمد لله

الحمد لله طلعت حاجه بسيطه

مبروك التصليح

[أسامه الحسيني]

مبرووك الاصلاح