انصافا للفيتيس ال Extronic cvt

[mfraig]

الارقام دي مش مظبوطة و ممكن تدخل علي موقع هوندا و رينو و تويوتا التركي اللي بتنزل مصر و تتاكد بنفسك
هوندا 12
فلوانس 11.9
كورولا 10
و بالمناسبة فتيس السيفيك 5 سرعات عادي مش cvt خالص

اولا انا مقلتش نص كلمه ان فيتيس السيفيك cvt لاني عارف انه 5 سرعات وان السيتي هي اللي بتنزل cvt
ثانيا صحيح موقع رينو الشرق الاوسط كاتب عالفلوانس 11.9 بس انا كاتب المصدر اللي جبت منه الارقام اللي في التقرير مش مألفها من دماغي ولا حاجه وفي اكتر من موقع كاتب انه 13.4 ممكن يكون ده عالموديل القديم بالفيتيس العادي الله اعلم
ثالثا صعب اوي اقتنع ان تسارع الهوندا في المركز الثالث وكمان بعد الفلوانس اللي الناس بتقول انها مابتسحبش !!!! طب ازاي الكلام ده
ولو الارقام ده صحيحه فده يؤكد كلامي على ان فيتيس ال cvt فيتيس محترم جدا

[mfraig]

مافيش حاجه اسمها انا سواقتى هاديه
انا سواقتى تبقى هاديه ( بمزاجى ) مش بمزاج العربيه
اوقات هتقابلك ظروف طارئه هتبقى محتاج تلمس الدواسه العربيه تعمل حصان وتنطلق
بطئ الاستجابه ده عيب فى العربيه
انت لما تيجى تطور حاجه لازم تكون كفائتها اعلى مش العكس
بغض النظر عن الاعتماديه وسهوله صيانه وغيره دى كلها نظريات
الفتيس يعتبر جديد وقدام لو فيه عيب ومشكله هتبااااان

الفيتيس ده مش جديد ده الجيل التاني من الفيتيس اللي بقاله سنين في السوق عربيات كتير بستعمله
واعتقد الارقام في التقرير مش بتقول خالص ان تسارعه بطيء خالص
كمان جه اخونا محمد هاني وصحح الارقام وخلى تسارع الفلوانس 11.9 في مرتبه قبل الهوندا
والكوروللا برضه بال cvt قبلهم هما الاتنين
هي بس اشاعه وانتشرت بين الناس

[mfraig]

تصميمه إنه يبقى فيه تأخير إستجابه ؟؟!!
ليه ؟؟!!
لا هي هدوء للعربية ولا ميزه ولا أي حاجه

ده مشكله في التصميم
مصيرهم يعدلوها في السنوات القادمه

زي تويوتا لما معدتش بتنزل الكورولا بالفتيس mmt
اللي بعض زمايلنا المتحمسين لتويوتا كانوا بيقولوا الفتيس كويس وإحنا اللي مش عارفين نتعامل معاه !!!!!

وعلى فكره
من خمس شهور تقريباً شركة كاديلاك إستدعت موديل من سياراتها لنفس المشكلة acceleration lag ـ
لكن للأمانه كانت الفضاوه الزمنيه والتأخير الزمني حوالي 3 ثواني
لكن في الفلوانس أقصاها ثانيه واحده

ـ

ممكن في مره تقيس التسارع بنفسك وتقولنا لو الرقم مظبوط وللا لا لان لو النسارع مظبوط زي البروشور يبقى زي باقي العربيات مافيش مشاكل

[ahmed1981]

تيوتا استخدمته و عدلت عليه و سمته CVT i-sو لكن نيسان رفضت التعديل ده بالنسبه لها و فضلت انه يكون معمر عن انها تضيف عليها تعديل . و الدليل انه زمن تسارع الفلوينس مظبوط على الطبيعه زى البروشور ما بيقول . يبقا عيب ازاى :) ؟

يا باشا
أنا مبتكلمش عن زمن التسارع

أنا بتكلم عن تأخير الإستجابة لحظة بدء التسارع ــ acceleration lag ــ

ممكن يكون العيب ده موجود ورغم كده التسارع من صفر ل 100 يبقى ترتيبه عالي قوي
مش ضروري يرتبطوا ببعض إلا لو الفجوة الزمنية كبيرة وده مش موجود ولله الحمد

لكن يظل وإن كان صغير تصميمي في الفتيس ال CVT في الفلوانس يحس به الكثير
وبرضه يتقبله الكثير وهما حاسين بيه ومبسوطين
عادي جداً

لكن يظل عيب تصميمي
أو خلينا نقول نقص تصميمي عشان هو صغير شوية
عشان الأمور تمشي
ومفيش حاجه كامله والحلو ميكملش وهكذا ...
:)
design Deficiency

ـ

[ahmed1981]

ممكن في مره تقيس التسارع بنفسك وتقولنا لو الرقم مظبوط وللا لا لان لو النسارع مظبوط زي البروشور يبقى زي باقي العربيات مافيش مشاكل

يا باشا أنا جربت بس بدون قياس بالظبط
ورقم التسارع اللي وضعتوه مقارب حسب إحساس الواحد
مش هيفرق الحاجات البسيطه لأن الطرق وظروفها تختلف وبالتالي النتايج هيكون فيها إختلاف بسيط ومقبول
ومعنديش مشكله مع نقطه التسارع على بعضها

أنا كنت بتكلم في نقطة صغيره منها فقط وهي فجوة زمنية لحظة الكيك داون

وطبعاً أشكرك على موضوعك المفيد

ـ

[yasser100]

يا باشا
أنا مبتكلمش عن زمن التسارع

أنا بتكلم عن تأخير الإستجابة لحظة بدء التسارع ــ acceleration lag ــ

ممكن يكون العيب ده موجود ورغم كده التسارع من صفر ل 100 يبقى ترتيبه عالي قوي
مش ضروري يرتبطوا ببعض إلا لو الفجوة الزمنية كبيرة وده مش موجود ولله الحمد

لكن يظل وإن كان صغير تصميمي في الفتيس ال CVT في الفلوانس يحس به الكثير
وبرضه يتقبله الكثير وهما حاسين بيه ومبسوطين
عادي جداً

لكن يظل عيب تصميمي
أو خلينا نقول نقص تصميمي عشان هو صغير شوية
عشان الأمور تمشي
ومفيش حاجه كامله والحلو ميكملش وهكذا ...
:)
design Deficiency

ـ

طبعا اوافقك على كلامك ده و بالنسبه برضه لمحبى التسارع او النطه على طول من اول الدوسه على البنزين . بس ما فيش فتيس اوتوماتيك هايديلك ده و ﻻ حتى الفتيس ال 6 سرعات العادى . اللى هايدهولك صح ال dsg . بس استحمله :)

[madmant]

السيتي بس اللي بتنزل cvt في مصر السيفيك لا الا لو كان ده تجديد في 2015
وبما انك نزلت واتفرجت ممكن تقوللي السيفيك غيرو شكلها من الخلف وللا لا؟
لان في صور فيس ليفت على النت انها موديل 2015 بس مش عارف ده نزلت مصر وللا لا

لا للاسف زي ما هو و ده بصراحة مستفز لان الشكل اللي بينزل امريكا من ورا احلى بكتير من اللي بينزل مصر

[mfraig]

لا للاسف زي ما هو و ده بصراحة مستفز :h_angry[1]: لان الشكل اللي بينزل امريكا من ورا احلى بكتير من اللي بينزل مصر

ياخساره
وانا اللي كنت فاكر ان مشكلة الديزاين احلت :(((
المشكله ان الشكل بتاع امريكا مجرد تغير بسيط في الفوانيس والاكصدام غير شكل العربيه تماما وخلاها رياضيه وشيك جدا مش عارف ايه القرف اللي مصرين عليه عندنا ده !!!!!!!!!