اصلاح قفل غطاء التنك فى الميجان .. بالصور

[Super_Star_h]

غطاء التنك عندى كان مفتوح على البحرى
اللوك بتاعه مش شغال
يعنى لو حد عايز يفتح غطا التنك عادى جدآ يفتحه ويعمل اللى هو عايزه سواء السنتر مفتوح ولا مقفول
المهم بصيت جوه الغطا لاقيت صوباع رفيع المفروض ان هو ده اللى بيتحرك للأمام ويقفل الغطا
للأسف الصباع ده مش شغال
عملت كالأتى :
نزلت بصيت فوق العجله لاقيت الصوباع فوق ومربوط بصموله

جبت مفتاح بلدى 17 وفكيته سهل جدآ
بعد ما فكيته
فتحت الشنطه ودخلت ايدى من ورا الفرش


وطلعته بسهوله



فكيت الفيشه




وبدأت بقى اعمله عمليه جراحيه
فتحت بطنه زي ما انتو شايفين






وحطيت على التروس شحم وزيت وجربته بأيدى وبقى زي السكينه فى الحلاوه





وقفلته تانى
بس لازم ناخد بالنا كويس عشان نقفله صح




هنرجعه تانى للشنطه ورا الفرش





هنلاقى الخرم اللى فى الصوره ده هندخل الصوباع فيه
طبعآ مش هيمسك سيبه
وانزل بص فوق العجله وامسك الصوباع ودخل الصموله بتاعته تانى واربطها زي كده



مش لازم تربط جامد اوى عشان متكسرش الجهاز
............................

الخطوه الاخيره
هتقفل الشنطه
وهتقفل ابواب العربيه كلها
وهتمسك الكارت فى ايدك وتقفل وتفتح السنتر وتبص على الصوباع
كده مفتوح



كده مقفول



شغال تمام ؟
هنفتح السنتر
ونقفل الغطا ونجرب



والنتيجه الحمد لله اشتغل وبقى تمام

اللى بيبوظ اللوك ده ان التروس بتبقى نشفت وعايزه تتشحم جوه الجهاز
الموضوع كله ميخدش نص ساعه
بس حبيت انقل التجربه خطوه بخطوه عشان لو حد عنده نفس المشكله
وبالتوفيق

[amoor89]

تسلم ايدك
بحترم جدا اللى دماغة شغالة وقلبه جامد انه يشتغل بايده اصل الموضوع مش كيميا

[Super_Star_h]

تسلم ايدك
بحترم جدا اللى دماغة شغالة وقلبه جامد انه يشتغل بايده اصل الموضوع مش كيميا

شكرآ يا باشا
الحمد لله اهو الواحد بيحاول يعمل اللى يقدر عليه بعيدآ عن الصنايعيه وقرفهم محدش بقى عنده ضمير

[تامر.محمد]

الله ينور عليك و الله

[mfraig]

والله انا زيك بحب اعمل كل حاجه بنفسي الاول واخرها كانت المساحاتا مش بتطلع ميه من القربه وقدرت اوصل للموتور اللي متركب في القربه وفكيته وصلحه وكل الحكايه طلع ترس متحرك من مكانه فالموتور بيلف عالفاضي وبقى تمام والحمد لله وبعيدا عن عك الصنايعيه

[أسامه الحسيني]

الله ينور وشكرا على نقل التجربه

[mesaharaty]

100 %
برافو عليك جدا

[medohai510]

الله يبارك لك
موضوع مهم جدا برجاء التثبيت

[Hany Saad]

الله ينور عليك...هو ده الكلام
حصلت عندى برده بس انا كان الموتور الصغير اللى بيدور التروس حصل فيه مشكله و مبقاش يدور
فغيرت الوحده كامله بوحده أصليه ماركة VALEO و جبتها من عربيات الأنصص ب 150 جنيه و فكتها بنفسي من النص الخلفى لعربية

ده رابط الموضوع القديم بتاعى مع بعض الصور أيضاً لمزيد من الأستفادة

http://www.nilemotors.net/Nile/208859-a.html

تحياتى

[Super_Star_h]

الله ينور عليك...هو ده الكلام
حصلت عندى برده بس انا كان الموتور الصغير اللى بيدور التروس حصل فيه مشكله و مبقاش يدور
فغيرت الوحده كامله بوحده أصليه ماركة VALEO و جبتها من عربيات الأنصص ب 150 جنيه و فكتها بنفسي من النص الخلفى لعربية

ده رابط الموضوع القديم بتاعى مع بعض الصور أيضاً لمزيد من الأستفادة

http://www.nilemotors.net/Nile/208859-a.html

تحياتى

تمام يا باشا
هو الجهاز كله واحد فى الميجان ماركة valeo
ومعظم الاجهزه الاليكترونيه كلها نفس الماركه
والكنترول وكارته الفيوزات وكارت التشغيلsiemens
البوابه المانى مش فاكر نوعها ايه
بس كلها شركات محترمه ما شاء الله

[S O P H O S]

الله ينور يا باشا
مفيش احسن من شغل الايد

[محمد عفيفي]

تسلم ايدك يا باشا والاهم انك رفعت الموضوع بالصور يعني الي مش هيفهم بالكلام زيي كده الصور هتفهمه من الاخر تسلم ايدك اتمني موضيع اكتر بالصور علشان انا بحب اشتغل باديا زيك بس خايف حبتين

[Super_Star_h]

تسلم ايدك يا باشا والاهم انك رفعت الموضوع بالصور يعني الي مش هيفهم بالكلام زيي كده الصور هتفهمه من الاخر تسلم ايدك اتمني موضيع اكتر بالصور علشان انا بحب اشتغل باديا زيك بس خايف حبتين

بصراحه انا كنت بعمل شغل كتير بنفسى فى العربيه لكن الحقيقه كنت بنسى وبكسل اصور وكده
ان شاء الله لما اعمل شغل تانى هنزله بالصور
احنا كلنا بنستفيد من بعض هنا وانا استفدت هنا من مواضيع زي دى كتير ووفرت عليا وقت ومجهود اكيد

[sehs15]

الصور مش شغاله يا جماعه