مثبت السرعه و الميجان هل يستحق البحث؟

[human]

انا من الناس الملوله جدا و بدور دلوقتى على ميجان بانوراما 2006

بلاقى
1- فيه 2006 بانوراما بمثبت سرعه
2- و فيه 2006 بانوراما من غير مثبت سرعه
3- فيه 2006 موش بانوراما و فيها مثبت سرعه

انا عاجبنى اوى انى يكون عندى عربيه فيها فتحه سقف عشان بتبسط الاطفال و كمان انا بحب الهوا بتاع بليل و مش بحب يبقى خابط فى وشى وانا سايق

انا موش لاقى 2006 بانوراما بمثبت سرعه خالص

ايه الحل افضل ادور

ولا ايه؟ و المثبت السرعه ده الفايده جامده يعنى هندم لو سبته فاجيب حتى لو موش بانوراما عشان هيبقى احسن؟


اللى اعرفه منكم ان اللى فيها المثبت هى النسخه اللى فيها التعديلات

ارجو المساعده

[محمد عز]

هسئلك بعض الاسئله ومن اجابتك هنقدر نحدد

1- هل عربيتك الحاليه فيها مثبت سرعه؟

2- هل انت دائم السفر على الطرق السريعه لمسافات طويلة؟

3- هل انت متعود على قيادة عربيات بها مثبت السرعه واصبحت معتاد على استخدامه؟

اذا كانت الاجابه بنعم للاسئلة التلاته اللى فوق يبقى انت فعلا محتاج لمثبت السرعه وانت من النوع اللى بيتعود على الكماليات وبيبقى صعب التخلى عنها

اما اذا كانت الاجابه ب لا فى كل الاسئلة يبقى اظن مافيش داعى انك تتعب نفسك وتدور على عربيه بمثبت سرعه

لكن البانوراما كاوبشن لكل الراكبين فى العربيه بيدى احساس ظريف

[ramyso4]

أنا مستخدمتش مثبت السرعة في عربيتي غير 5 مرات ولا حاجة ......هو الناس بتقول إنو بينفع للبيسافر كتير بس أنا حتى لما بسافر مقدرش أفضل ماشي على سرعة واحدة فترة طويلة لازم أهدي و أسرع الطرق في مصر ماينفعش فيها مثبت السرعة قوي أعتقد البانوراما اوبشن مفيد أكتر

[human]

عزيزى محمد عز انا عربيتى موديل 84 و فيها تكييف و ازاز بكر :)

الكلام منطقى جدا اللى انتو قلتوه

بس فيه نقطه برضه وحوش الميجان يساعدونا فيه

انا من القرايات اللى هنا عرفت ان فيه شكلين و فرق بسيط
1-القديم اللى الجنوط فيها مشكله و شكل الفانوس القديم من غير عدسات
2- الجديد و ده الجنوط مافهاش مشكله و الفوانيس متغيره شويه

اللى فىه مثبت سرعه ده غالبا الشحنه التانيه صح؟

السؤال بقى الشحنه الاولى من غير مثبت وبانوراما لا الشحنه التانيه بمثبت و موش بانوراما

[محمد عز]

السؤال بقى الشحنه الاولى من غير مثبت وبانوراما لا الشحنه التانيه بمثبت و موش بانوراما

انت احسن حاجة علشان تريح نفسك
هات موديل 2007

بس انا اظن ( ولازم تتاكد من اصحاب الخبره) ان التعديلات اللى بتقول عليها من موديل 2006
يعنى موديل 2006 خالى من المشاكل اللى كانت موجودة فى 2005

بس انا مش متاكد اوى من الكلام ده
استنى الوحوش لما يجوا

[human]

انا مش لاقى يا محمد ولا اعلان واحد هن ميجان 2007 لا وسيط ولا كونتكت كارز والاهرام مات من زمان قليله قوى الاعلانات اللى فيه

[Ahmed Selim]

الشحنة الأولى على حد علمى من غير مثبت خالص

كل الشحنات فيها بانوراما

أنا ركبت عربية واحد فى التوكيل مو 2007 كاملة ما عدا السقف........وبمثبت سرعة

2006 مش فاكر أذا كان نزل فيها ولا لأ

مثبت السرعة مفيد فى حالات السفر فقط لاغير.....و كمان لو أنت مش من النوع اللى بينام وهوه سايق :) لو بتنام وأنت سايق يبقى بلاش منه عشان هينيمك أكتر :d

[human]

انا سفرى قليل جدا و موش بنام وانا قاعد اصلا

طيب يعنى ال2006 اللبانوراما اللى دراع التحكم موش زراير فى الطاره المفروض ديه موش 2006 عشان ديه كده 2005 و هما بيقولو 2006 عشان اشتروها 2006

كويس ديه المعلومات اللى طلعت بيها

و يبقى ال2006 اللى فيها مثبت تبقى اكيد الشحنه التانيه

و طبعا انا فى رأيى انى بلاش الشحنه الاولى فيه واحج بيبيع واحده مبهدله على كونتاكت كارز والجنوط معووجه وباينه


يبقى خلينا فى ال2006 اللى بجد2006 و نتعب وندور على بانوراما منها

[Ahmed Selim]

أنا مفهمتش الحتة يتاعت دراع التحكم دى...

[human]

التحكم بتاع الستبترونك على ماعتقد فيه دراع صغير ورا الطاره

[Ramy_Tantawi]

التحكم بتاع الستبترونك على ماعتقد فيه دراع صغير ورا الطاره

لا لا اطلاقاً دراع التحكم اللي ورا الطاره ده للتحكم في الراديو والكاسيت وده موجود في كل الميجان من اول 2005 لغاية دلوقتي اياً كانت الفئه .

بالنسبه لمثتب السرعه انا كان معايا الميجان 2006 لمده سنه كانت بدون مثتب سرعه.وبعدين بقى معايا 2007 وفيها مثتب سرعه .وذلك مثبت السرعه على حد علمي بدأ ينزل في موديلات 2007 .

عموماً عن تجربه هو مفيد جداً لكن برضه بيرجع لاستخدام حضرتك وطبيعة المشاوير والسفريات......يعني انا معظم مشوايري اسماعيليه باستخدمه لكن في اوقات متأخره يعني لو الطريق فاضي انما لو رايح الصبح باحتاج اغير سرعتي كل دقيقه وبالتالي هو غير مجدي في الوقت ده .

يعني باختصار لو حضرتك زي ما قلت سفرك قليل يبقى رأيي الشخصي تتنازل عنه وتشوف حاجه 2006 بانوراما نضيفه ان شاء الله وحالتها كويسه وربنا يوفقك وتلاقي طلبك على طول ان شاء الله .

تحياتي يا باشا.

[Ahmed Selim]

يااااه.....ده موجود من مو 2001 كمان يا باشا على ما أفتكر

[human]

الله يكرمك :)
لا يبقى المثبت مالوش لازمه معايا خالص انا قليا لما امشى فى سفر

طيب و حكايه الجنوط فى 2006 مش هتفرق برضه؟

فيه معرض عندهم واحده بانوراما 2006 من غير مثبت و بيقول عامله 58 الف (داخله على صيانه ال 60) و رشه الاكصدام اللى ورا سألته طالت حاجه من جوه قالى لأ
هو بيقول 85 بس شكلها تخلص على 80
ايه رأيكو
مع العلم انى بعمل ال فى حدود 16-18 الف كيلو فى السنه بس

[محمد عز]

ه معرض عندهم واحده بانوراما 2006 من غير مثبت و بيقول عامله 58 الف (داخله على صيانه ال 60) و رشه الاكصدام اللى ورا سألته طالت حاجه من جوه قالى لأ
هو بيقول 85 بس شكلها تخلص على 80

استخير وتوكل على الله
خدها التوكيل واكشف عليها

لاقيتها تمام يبقى خير

انا شايف انها صفقه كويسه وخصوصا انها مش عاملة كليومتر عالى

هى اتوماتيك ولا عااادى ؟؟؟

[human]

استخير وتوكل على الله
خدها التوكيل واكشف عليها

لاقيتها تمام يبقى خير

انا شايف انها صفقه كويسه وخصوصا انها مش عاملة كليومتر عالى

هى اتوماتيك ولا عااادى ؟؟؟

المفروض ان كل البانوراما استبترونك

فى واحد بيبيع واحده 2006 بمثبت و عامله 55 الف فى نفس الرينج برضه

سؤال للوحوش

انا ممكن اخدها الميكانيكيون العرب يكشفوا عليها ولا لازم التوكيل؟
و برضه لسه الكشف ب 350 جنيه ؟ (مفيش استشاره :k16:)