مشكاة غريبة

[madmad]

عندى مشكلة غريبه جدا فى العربيه

شاشه الساعه والطقس موش بيشتغلوا غير الصبح بس اول ما الشمس تروح ما تشتغلش خالص

وياريت حد يقولى طريقة ظبط الزجاج بعد فصل البطارية

[Super_Star_h]

الشاشه يمكن الفيشه بتاعتها مهزوزه
ضبط الازاز
هتقفل الازار كله لغايت الاخر
وهتضغط على زرار الرفع لمده ثانيه وتسيبه
وهتكرر العمليه دى مع كل زرار

[أسامه الحسيني]

هوا حضرتك لما بتفتح العربيه من غير ما تدورها فى الصباح بتكون الشاشه شغاله وبليل مش شغاله
ولا لما بتشغل نور الكشافات الشاشه بتفصل
وبخصوص الزجاج هتنزل للاخر وتدوس نزول بتاع ثانيه ولا حاجه وبعدين ترفعه للاخر وتدوس رفع ثانيه او حاجه وخلاص على كدا

[madmad]

هو زي ما حضرتك بتقول لما بدور الصبح أو بفتح نور التابلوه
لكن بالليل مو شغاله ولا دورات ولا نور تابلوه

[أسامه الحسيني]

هو زي ما حضرتك بتقول لما بدور الصبح أو بفتح نور التابلوه
لكن بالليل مو شغاله ولا دورات ولا نور تابلوه

معلش يعنى حضرتك لما بتدور العربيه الصبح شغال زى الفل لكن بليل بدور العربيه عادى الشاشه شغاله ولما تيجي تشغل نور العربيه الشاشه بتفصل
لو كدا اعتقد ان في سلك مهزوز فى التابلوه وممكن جدا فى اى وقت تلاقي الشاشه فصلت تماما
لو حضرتك ليك خبره وتعرف تفك التابلوه وتتأكد ان الفيش راكبه كويش ومافيش فيها حاجه محمصه او سايبه
او تعدى على كهربائي كويس يبصلك على ضفيره الكهرباء
وان شاء الله بسيطه

[madmad]

لأ حضرتك هي الصبح شغاله ع طول حتى لو فتحت نور التابلوه وبالليل ما بتشتغلش خالص حتى وانا موش فاتح النور