اسئله على الفلوانس 2015 - محتاج اجابات الملاك

[mfraig]

الميجان بلاي كمان كدة؟ ؟؟؟؟
(((فى الميجان لازم الكارت يكون فى مكانه فى التابلوه علشان العربيه تدور فى الفلوينس لا , يكفى انه يكون فى جيبك)))

الميجان 3 والفلوانس نسخه طبق الاصل في المواصفات

[M.Elhamy]

انا كنت بفكر في موضوع التيست درايف ده فياريت لو عملته تقولنا انطباعاتك وهل كان الحجز سهل وللا ايه؟
وليه منفعش في الكروللا؟

أنا لسة عامل تست دريف الأسبوع الي فات , الحجز بيبقى عن طريق كول سنتر , بيوصلوك بحد و هو بيظبط معاك المعاد , الناس محترمة جدا و مفيش مشاكل ان شاء الله

بالنسبة للعربية فـهي جميلة بصراحة , بس للأسف أنا منزلتش منها مبسوط
الفتيس فعلا صعب , السحب بالنسبالي مكنش كويس حاولت أتخطى عربية قدامي بس محستش إنها ممكن تسعفني , الكيك دون في فعلا lag ملحوظ ال RPM بيفضل عالي لغاية ماتشيل رجلك من على بنزين , الرؤية الخلفية مش كويسة بس ممكن تتعايش معاها , الخامات الداخلية مقبولة في اغلب التابلوه أما الباقي فـهي ممتازة , حسيت إن مشوار الفرامل بعيد شوية عن عربيتي بس ده ممكن يكون عيب في عربية التست دريف فقط مع العلم ان الاستجابة جيدة جدا

سألت على سعر الاكسدام الامامي" لاني سمعت من واحد صاحبي إن كان في حد عمل حادثة و جابه بـ 13000 جنيه و ده طبعا رقم غريب جدا " عرفت من المسئول عن قطع الغيار إن الجزء الفبر فقط بحوالي 4500 جنيه ده غير باقي القطع مثل الشبكة إلخ , و بكده فعلا الاكسدام بمشتملاته ممكن يدخل في رقم كبير زي 13000

أنا فعلا كنت شبه مستقر على العربية دي بس موضوع الفتيس خلاني محتاج اعيد حسباتي

[mimohsen]

أنا لسة عامل تست دريف الأسبوع الي فات , الحجز بيبقى عن طريق كول سنتر , بيوصلوك بحد و هو بيظبط معاك المعاد , الناس محترمة جدا و مفيش مشاكل ان شاء الله

بالنسبة للعربية فـهي جميلة بصراحة , بس للأسف أنا منزلتش منها مبسوط
الفتيس فعلا صعب , السحب بالنسبالي مكنش كويس حاولت أتخطى عربية قدامي بس محستش إنها ممكن تسعفني , الكيك دون في فعلا lag ملحوظ ال RPM بيفضل عالي لغاية ماتشيل رجلك من على بنزين , الرؤية الخلفية مش كويسة بس ممكن تتعايش معاها , الخامات الداخلية مقبولة في اغلب التابلوه أما الباقي فـهي ممتازة , حسيت إن مشوار الفرامل بعيد شوية عن عربيتي بس ده ممكن يكون عيب في عربية التست دريف فقط مع العلم ان الاستجابة جيدة جدا

سألت على سعر الاكسدام الامامي" لاني سمعت من واحد صاحبي إن كان في حد عمل حادثة و جابه بـ 13000 جنيه و ده طبعا رقم غريب جدا " عرفت من المسئول عن قطع الغيار إن الجزء الفبر فقط بحوالي 4500 جنيه ده غير باقي القطع مثل الشبكة إلخ , و بكده فعلا الاكسدام بمشتملاته ممكن يدخل في رقم كبير زي 13000

أنا فعلا كنت شبه مستقر على العربية دي بس موضوع الفتيس خلاني محتاج اعيد حسباتي

احبطتني .. خصوصا في موضوع الاستجابه للجري ... كنت بفكر اجيب ال e3 او ميجان 3 كمان اسبوعين ...

طب نفكر في ايه بسعر 170 - 175 الف جنيه (ليون - سيتروين c4 - تيدا - سنترا ..... ( كوري لأ)

انا معايا لانسر شارك
.

[M.Elhamy]

احبطتني .. خصوصا في موضوع الاستجابه للجري ... كنت بفكر اجيب ال e3 او ميجان 3 كمان اسبوعين ...

طب نفكر في ايه بسعر 170 - 175 الف جنيه (ليون - سيتروين c4 - تيدا - سنترا ..... ( كوري لأ)

انا معايا لانسر شارك
.

العربية جميلة بس لازم تعمل تست دريف بنفسك عشان تحكم على الموضوع الفتيس ال cvt ممكن ميعجبكش , أنا رأي الشخصي الكوري مفيش منه مشاكل خالص بالعكس حتلاقي اغلب المشاكل في الأوروبي , روح شوف السراتو فئه ال sx بنسبة كبيرة حتعجبك

[mimohsen]

العربية جميلة بس لازم تعمل تست دريف بنفسك عشان تحكم على الموضوع الفتيس ال cvt ممكن ميعجبكش , أنا رأي الشخصي الكوري مفيش منه مشاكل خالص بالعكس حتلاقي اغلب المشاكل في الأوروبي , روح شوف السراتو فئه ال sx بنسبة كبيرة حتعجبك

السيراتو شكلا جميله ... بس عفشه وثبات وانها تستحمل 6 او 7 سنين ... الله اعلم ايه نظامها

[Hany Saad]

هوضح تانى أن الفلوانس عربية شياكة و راكزة، عربية برستيج بميزانية كويسة جداً
عربية تناسب الأسر الحديثة، تناسب المديرين لأنها تعطى فخامة و شياكة، سحب العربية مرضى جداً و لكنها مش عربية سرعة، مش عربية شد و قرص و غرز، مش عربية من 0-100 فى كام ثانية لأن ببساطة و لا طولها و لا اللى صممها كان فى باله كده

العربية مش بطه نهائى و لكنها برده مش فيرنا فى السحب، العربية سحبها مناسب لحجمها و هى موزونة و فراملها مناسبة جداً ليها

علشان كده اللى عايز عربية للشد و القرص (فرنا ستايل/ جولف مانيوال أستايل) أكيد أكيد ميفكرش يجرب أصلاً الفلوانس
يعنى العربية دى مش شبابى من الأخر....حد شاف عربية شبابى طولها فوق 4.6 متر!!

تحياتى

[just_magdy1]

احبطتني .. خصوصا في موضوع الاستجابه للجري ... كنت بفكر اجيب ال e3 او ميجان 3 كمان اسبوعين ...

طب نفكر في ايه بسعر 170 - 175 الف جنيه (ليون - سيتروين c4 - تيدا - سنترا ..... ( كوري لأ)

انا معايا لانسر شارك
.

أنا كان معايا شارك هاى لاين من حوالي فقط عشرة ايام ومعايا الان فلوانس e3 .. رايي سحب ألعربيه زي الفل وفعلا هأتحس بنقله وهاتتبسط من الفلوانس كتير لانها افضل من الشارك فى حاجات كتير مع احترامي للشارك وملاكها

[yasser100]

هوضح تانى أن الفلوانس عربية شياكة و راكزة، عربية برستيج بميزانية كويسة جداً
عربية تناسب الأسر الحديثة، تناسب المديرين لأنها تعطى فخامة و شياكة، سحب العربية مرضى جداً و لكنها مش عربية سرعة، مش عربية شد و قرص و غرز، مش عربية من 0-100 فى كام ثانية لأن ببساطة و لا طولها و لا اللى صممها كان فى باله كده

العربية مش بطه نهائى و لكنها برده مش فيرنا فى السحب، العربية سحبها مناسب لحجمها و هى موزونة و فراملها مناسبة جداً ليها

علشان كده اللى عايز عربية للشد و القرص (فرنا ستايل/ جولف مانيوال أستايل) أكيد أكيد ميفكرش يجرب أصلاً الفلوانس
يعنى العربية دى مش شبابى من الأخر....حد شاف عربية شبابى طولها فوق 4.6 متر!!

تحياتى

كلام مظبوط . بالنسبه لى السحب ممتاز لستايل سواقتى و دى حاجه عالميه معروفه . الفئات زى الفلوينس و الاسترا و الجيتا و اعلى و همه بيصنعوها و بيضعوا المواصفات عارفين العربيات دى متجهه لاى فئه من المشترين . و فى نفس الوقت بيصنعوا فئات تانيه تناسب الفئات المحبه للتسارع زى الميجان 3 عربيه وزنها اخف و استجابتها اسرع و زى الكليو تيربو و الكابتشر .

الفلوينس بالطول و الحجم ده هاغرز بها فين يعنى . هو انا كنت دافع 180 الف علشان اغرز و احرق ؟؟؟ هههههه
دى من الاخر عربيه لها بريستجها و فخامتها و تكنولوجيتها لمحبين التميز .