سؤال مجننى هى الرفارف الأمامية للميجان2 بلاستيك و ألا صاج

[adel_edrees]

السؤال ده من زمان و أنا عايز أسأله هو فيه موديلات للميجان2 نزلت برفارف أمامية بلاستيك و لو نزلت بتبقى في موديلات أيه

[hesham fawzy h]

ايوة فى واحد صاحبى الرفارف بتاعتة بلاستك

[تامر.محمد]

كل الميجان2 رفارفها الامامية فبر
و الكليو الموجودة في مصر كذلك

[adel_edrees]

كل الميجان2 رفارفها الامامية فبر
و الكليو الموجودة في مصر كذلك

بس حضرتك أنا شفت واحدة كان الرفرف اللى أدام مخبوط و ألا أنا أتهيألى

[أسامه الحسيني]

الرفارف الاماميه والخلفيه فبر

[تامر.محمد]

بس حضرتك أنا شفت واحدة كان الرفرف اللى أدام مخبوط و ألا أنا أتهيألى

امامي ؟ ما شفتهاش ابدا بصراحة

الرفارف الاماميه والخلفيه فبر

الخلفية صاج , شوف اي عربية هتلاقي داير الرفرف اللي بيبقى فوق الجنط عادة بيبقى مخبوط و متطبق :))))))

[mfraig]

الخلفية صاج , شوف اي عربية هتلاقي داير الرفرف اللي بيبقى فوق الجنط عادة بيبقى مخبوط و متطبق

:))))))))))) صح طبعا داااااااااابما مخبوط في الميجان واللوجان

الرفارف اللي ورا صاج طبها لانها بتبقى ماشيه ومتوصله مع القايم بتاع السقف لكن الاماميه طبعا فيبر في كل الموديلات وزيها البيجو ال 307

[تامر.محمد]

:))))))))))) صح طبعا داااااااااابما مخبوط في الميجان واللوجان

الرفارف اللي ورا صاج طبها لانها بتبقى ماشيه ومتوصله مع القايم بتاع السقف لكن الاماميه طبعا فيبر في كل الموديلات وزيها البيجو ال 307

كانت هفة ما تفهمش جت لهم ليه في نص الالفينات
و دليل انها هفة انهم ما كرروهاش في الموديلات اللي بعد كده :))

[Shiref_mohamed]

انا شخصيا وجهة نظرى ان الرفارف الأمامية الفبر ميزه مش عيب

[mfraig]

كانت هفة ما تفهمش جت لهم ليه في نص الالفينات
و دليل انها هفة انهم ما كرروهاش في الموديلات اللي بعد كده :))

فعلا هي ماتكررتش حتى في اللوجان الجديده
بس هي كانت لايقه عالميجان عشان الكاوتش العريض لكن في اللوجات تحسها عامله زي الشمسيه :))))))

[Super_Star_h]

الميجان 2 رفارفها الاماميه فيبر والخلفيه صاج عادى
الفيبر افضل من الصاج
انا عربيتى اتحكت واتخبطت كذا مره فى الرفرف ولا حصله اي حاجه
عامل زي العجينه بيرد تانى
بعكس الرفرف اللى فى اللوجان اللى من كتر الحك بقى شكله زي الصفيحه المطبقه
وعلى فكره الميجان صاجها عمومآ افضل من اللوجان بكتير
اللوجان لو واحد بس فتح بابه وخبط فى عربيتك هتلاقى الصاج اتأثر وعلم
ده انا لما كان حد بيسند على العربيه بزعق له عشان الصاج ممكن يريح

[Waleed_aboammar]

معروفة من ساعة ما نزلت الشكل الجديد و هي مش صاج حاجة كده بين الفيبر و البلاستيك لما بتتقطع بيبقى شكلها مش حلو إنما أكيد ليها لزمة عند المصمم.

[adel_edrees]

عموما شكرا على أهتمامكم جميعا بس في سؤال الرفرف ده بيتباع جديد و بكام و عموما الرفرف بتاع الميجان 2 صغير جدا و لا يمكن التعليق على صاج هذه االدبابة نفسى ألاقى واحدة نضيفة كالزيرو مو 2009 ومش حأركبها و مش عايز حاجة غير أنى أبص تحتها و أشوف عفشتها من تحت و أمشى أنا لما بأشوفها أدامى بأبقى عايز أزل تحتها و أشوف عفشة الدبابة دى

[Super_Star_h]

عموما شكرا على أهتمامكم جميعا بس في سؤال الرفرف ده بيتباع جديد و بكام و عموما الرفرف بتاع الميجان 2 صغير جدا و لا يمكن التعليق على صاج هذه االدبابة نفسى ألاقى واحدة نضيفة كالزيرو مو 2009 ومش حأركبها و مش عايز حاجة غير أنى أبص تحتها و أشوف عفشتها من تحت و أمشى أنا لما بأشوفها أدامى بأبقى عايز أزل تحتها و أشوف عفشة الدبابة دى

مش عارف والله سعر الرفرف كام بس مش غالى اكيد
عفشتها عاديه
هى من الخلف تحس ان عفشتها تصميمها غريب
لكن هى تورشن بيم زي معظم العربيات وزي اللوجان بس اعتقد انها اعرض
ومن قدام عادى زي كل العربيات
لكن هى من ناحيه الثبات زلطه ماشيه على الارض
ثبات العربيه دى مش طبيعى فعلآ
ما شاء الله