مالك جديد للميجان 2005 وعندى مشكلة فى الكروت

[flight_angle]

السلام عليكم

لسه شارى ميجان 2005 جديد فيها مشكلتين الاساسية بالنسبة ليا أحد الكارتين شغال فقط قفل وفتح لكن مش بيشغل العربية وبيدى رسالة card not detected والكارت التانى شغال لكن حالته مش تمام ملزوق وكده فدا مسبب ليا قلق خايف الكارت التانى كمان يعطل وتبقى مشكلة , ارجو المساعدة هل يتم تصليح الكارت ولا لازم استبداله وهل لازم فى التوكيل بالنسبة لعمل كارت جديد علشان الشفرة والسيريال no ولا ممكن فى مراكز خارجية علما بانى موجود بالمنصورة فهل فيه حد فى المنصورة ممكن يحل المشكلة ولا لازم القاهرة ولازم انزل بالعربية القاهرة ولا ممكن ابعت الكارت فقط للتصليح ارجو المساعدة وذكر الاماكن بالعنوان والتليفون مع ذكر التكلفة فى كل حالة ,

وشكرا لحضراتكم .

[mfraig]

بص ياسيدي
مش لازم توكيل طبعا
عندك رائد في بلقاس وده اكتر واحد انت هتتعامل معاه في الصيانه وبيعمل الكروت وعنده الاصلي والصيني تقريبا قاللي واحد ب 500 والتاني 700
وغالبا الكارت مش بيتصلح بس هو ممكن يفيدك في الموضوع ده ومن خبرتي معاه هو محترم وامين وكان شغال في توكيل العدوي في المنصوره

[أسامه الحسيني]

الكارت الى مش بيشغل العربيه ماتحاول تفتحه يمكن تلاقي لحام فاكك ولا حاجة بسيطه

[flight_angle]

بص ياسيدي
مش لازم توكيل طبعا
عندك رائد في بلقاس وده اكتر واحد انت هتتعامل معاه في الصيانه وبيعمل الكروت وعنده الاصلي والصيني تقريبا قاللي واحد ب 500 والتاني 700
وغالبا الكارت مش بيتصلح بس هو ممكن يفيدك في الموضوع ده ومن خبرتي معاه هو محترم وامين وكان شغال في توكيل العدوي في المنصوره

شكرا لرد حضرتك , ياريت لو تليفونه و عنوانه اتواصل معاه ,
ملحوظة فيه بعض الناس قالولى ان الكارت بيتفتح وبيتصلح لانه احيانا بيبقى محتاج يتلحم من الداخل ودا بيتطلب حد يكون شغال فيه . وناس قالتلى فيه ناس فى القاهرة بتصلحة فى حدود 150 الى 300 جنية , مش عارف الحقيقة فين . على العموم شكرا لمساعدتك .

[flight_angle]

الكارت الى مش بيشغل العربيه ماتحاول تفتحه يمكن تلاقي لحام فاكك ولا حاجة بسيطه

الخوف فقط من انى افتحه هو انى الحقيقة مش هاعرف اصلحة بنفسى واخاف حد مابيعرفش فى تصليحه يحاول ويبوظة ويبقى ضيعت فرصة اصلاحة عند حد بيعرف يصلح , شكرا لحضرتك .

[dedo_ryo]

باشا المسأله بسيطه جدا لو فتحته هتلاقي ملف جوه و ليه 3 ارجل هتلاقي واحده منهم او اكتر فاصله بالكاويه و عيد اللحام عليها و الف مبروك الكارت تمام معاك و ال 500 جنيه بتوع الكارت اللي كنت هتعمله كمان معاك

[flight_angle]

باشا المسأله بسيطه جدا لو فتحته هتلاقي ملف جوه و ليه 3 ارجل هتلاقي واحده منهم او اكتر فاصله بالكاويه و عيد اللحام عليها و الف مبروك الكارت تمام معاك و ال 500 جنيه بتوع الكارت اللي كنت هتعمله كمان معاك

شكرا لرد حضرتك , واضح ان الموضوع بسيط , لكن زى ما قولت انا مالك جديد وماعنديش خبرة فى الموضوع وتضارب الكلام بيخلى الواحد مش عارف , على اى حال شكرا لحضرتك وتحياتى .

[Super_Star_h]

واحد صاحبى لسه عامل كارت جديد لعربيته ب 600 جنيه عند واحد جمب منى بيعمل كل حاجه
بس نسخه طبق الاصل من الكارت الاصلى
جديد زيروووو حتى كلمه ميجان وعلامه الرينو عليه بالمفتاح بكل حاااجه

[mfraig]

شوف الفيديو ده
وفي فيديوهات كتير تانيه عاليوتيوب

https://www.youtube.com/watch?v=yaFhFT2WFdg

[mfraig]

ده رقم رائد اكيد هتحتاجه حتى عشان الصيانات
01005717145
بلقاس - عزبة جاد
بس لو كلمته ممكن تعرف التفاصيل منه احسن عشان انا من القاهره ومش فاهم المنطقه ده كويس

[flight_angle]

واحد صاحبى لسه عامل كارت جديد لعربيته ب 600 جنيه عند واحد جمب منى بيعمل كل حاجه
بس نسخه طبق الاصل من الكارت الاصلى
جديد زيروووو حتى كلمه ميجان وعلامه الرينو عليه بالمفتاح بكل حاااجه

شكر لاهتمام حضرتك

[flight_angle]

شوف الفيديو ده
وفي فيديوهات كتير تانيه عاليوتيوب
https://www.youtube.com/watch?v=yafhft2wfdg

شكرا على الفيديو , تحياتى

[flight_angle]

[QUOTE=mfraig;3875791784]ده رقم رائد اكيد هتحتاجه حتى عشان الصيانات
01005717145
بلقاس - عزبة جاد
بس لو كلمته ممكن تعرف التفاصيل منه احسن عشان انا من القاهره ومش فاهم المنطقه ده كويس[/QUOT

شكرا جدا لاهتمام حضرتك , ان شاء الله اتواصل معاه . تحياتى

[ahmad_elmenyaw]

فيه واحد اسمه ماستر كى فى صقر قريش بيعمله جديد ب850جنيه
وواحد تانى اسمه كسبان ورا شارع اسمه البحث الجنائى هتلاقيه هناك ارخص من ماستر كى بس كسبان ده بيقفل على 8.3 او9