جنوط فلوانس فيس ليفت

[lalalala]

انا معايا فلوانس فيس ليفت يا دوب عامله ٥٠٠٠ كم هي اول فئه اوتوماتيك وكنت عاوز اركب جنوط وعرفت ان سعر الجنوط في التوكيل مبالغ فيه تقريبا الجنط الواحد ب ٢٠٠٠ جنيه ده غير الكاوتش لان عندي المقاس ١٥ والجنط ١٦ فهغير كوتش غصب عني ،،، المهم قولت اجيب جنط محترم من بره بس ميتعبش عفشه العربيه فقريت الورقه اللي ع الباب لقيت ارقام لجنوط ١٥ و١٦ و١٧ هما (15/65/205) (16/60/205) (17/55/205) لو عاوز اجيب ١٧ ايه المقاسات دي كوتش ولا جنوط وهيبقي في bbs والماركات دي ع المقاسات دي. انصحوني بعد اذنكوا

[shiko85]

نصيحه بلاش 17 علشان الطرق فمصر و سعر الجنوط و الكاوتش
16 مناسب جدا
انا لو مكان حضرتك مش هغير الجنوط و لا الكاوتش دلوقتى خالص لانى هخسر الجنط الحديد و الكاوتش الحالى و حتى لو اتباعوا مش هيجيبوا سعر كويس و لو حضرتك احتفظت بهم هيكونوا عبء و شغالين مكان و مساحه على الفاضى لما الكاوتش يحتاج تغير يبقى غيرهم و ركب 16 و جنوط (مجرد رأى)

# مقاس 16 القطر الكلى هيزيد 5 مم و السرعه 100 كم/س على مؤشر السرعه 100.77 كم/س سرعه فعليه
# مقاس 17 القطر الكلى هيزيد 11 مم و السرعه 100 كم/س على مؤشر السرعه 101.7 كم/س سرعه فعليه

[mhmd_farouq]

خليهم دلوقتي بلاش تغيرهم، اهلك الكاوتش اللي معاك وبعد كده اشتري ابعد عن ال ١٧ هيتعبلك العفشه اوي غيرهم بعد ٤٠ الف كيلو كده

[lalalala]

نصيحه بلاش 17 علشان الطرق فمصر و سعر الجنوط و الكاوتش
16 مناسب جدا
انا لو مكان حضرتك مش هغير الجنوط و لا الكاوتش دلوقتى خالص لانى هخسر الجنط الحديد و الكاوتش الحالى و حتى لو اتباعوا مش هيجيبوا سعر كويس و لو حضرتك احتفظت بهم هيكونوا عبء و شغالين مكان و مساحه على الفاضى لما الكاوتش يحتاج تغير يبقى غيرهم و ركب 16 و جنوط (مجرد رأى)

# مقاس 16 القطر الكلى هيزيد 5 مم و السرعه 100 كم/س على مؤشر السرعه 100.77 كم/س سرعه فعليه
# مقاس 17 القطر الكلى هيزيد 11 مم و السرعه 100 كم/س على مؤشر السرعه 101.7 كم/س سرعه فعليه

شكرا علي مرورك وشكرا جدا ع النصيحه فعلا انا عندي حديد بتاع عربيات تانيه استخسرت ابيعهم جداد وشاغلين مكان كبير وان شاء الله مش هغير دلوقت اشكرك

[lalalala]

خليهم دلوقتي بلاش تغيرهم، اهلك الكاوتش اللي معاك وبعد كده اشتري ابعد عن ال ١٧ هيتعبلك العفشه اوي غيرهم بعد ٤٠ الف كيلو كده

متشكر جدا علي مرورك يا باشا وعندك حق ان شاء الله مش قبل اربعين الف علشان اغيرهم شكراا جدا

[shiko85]

شكرا علي مرورك وشكرا جدا ع النصيحه فعلا انا عندي حديد بتاع عربيات تانيه استخسرت ابيعهم جداد وشاغلين مكان كبير وان شاء الله مش هغير دلوقت اشكرك

العفو, الشكر لله وحده

[Hany Saad]

طبعاً لن ازيد فوق ما قاله الأعضاء الأفاضل و نصيحة منى لو نويت تغير فى اى وقت يبقى لازم تجيب الأصلى من التوكيل و يفضل ال ١٦ او تجيب الأصلى من عربيات حوادث او استعمال خارج او ماركة تكون نظيفة جداً زى momo مثلاً
اى جنط اخر هندى ولا صينى و لا تيوانى هيعملك مشاكل كبيرة فى العفشة انت فى غنى عنها و الجنط الحديد الأصلى انظف من كل اللى فى السوق
تحياتى