رينو ميجان (عيوبها ومميزاتها)

[FIRST1MAN]

السلام عليكم

لو سمحتو يا جماعه انا عاوز مساعدتكم وانا اسف لانى عارف الاشئله دى اتسالت قبل كده بس معلش الواحد مش بيشترى عربيه كل يوم

انا معايا فى حدود 50 الف وكنت ناوى اجيب فيرنا عشان منتشره وقطع غيلره رخيصه واعاده بيعها سهل
وانا عارف طبعا مشاكلها عدم الثبات بعد 120 وسوء الفرامل وعدم الرفاهيه وكمان واطيه جدا

المهم واحد صاحبى بيفهم كويس فى العربيات نصحنى بالميجان2005/2006 مناسبه لمبلغ اللى معايا وبصراحه شكلها فخم (بالنسبه للفيرنا)
>>>>>>>مش عارف ايه هى ميجان 1 و2
******** انا خايف من اسم رينو نفسه وكمان من اسعار قطع الغيار واعاده البيع
وفى شويه حاجات كده سمعتها عنها
1-مشكله الكارت وانه لو باظ لازم اشترى واحد يجى من بره 2000.00جنيه
2-مشكله الفتيس (ايه الحل ليه // وفى منها مانيوال ونرتاح م الحوار ده)
3-مشكله ف التكييف ضعيف وانه بيحتاج مروحه تانيه
4-الكومبيوتر الخاص بها وكثره اعطاله واحتياجه للاعاده البرمجه بصفه مستمره واظهاره لاعطال طوال الوقت
لو فى اى نصيحه او اى عطل معروف من حضرتكم ارجو ان تفيدونى

وارجو معرفه السعر العادل للسياره وهل فى اكتر من فئه فى الموديلات دى واى الفروق

شكرا

[Ahmed Koller]

ال ٥٠٠٠٠ ال معاك هيجبولك ميجان فيها كل العيوب ال انت خايف منها .
مستحيل عربيه زي الميجان تلاقي حالتها ممتازة وب ٦٥٠٠٠ كمان
لو انت اول مره تركب ميجان . اعرف انها عربيه فاخمه وغاليه ولا تقارن بالفيرنا والانترا والعربيات دي . ولازم تعرف ان قطع غيارها اغلي من العربيات الكوري بفرق بسيط علشان طبعا عربيه محترمه جدا جدا


وانسي خالص انك تدور علي ميجان ب ٥٠٠٠٠ او ٦٠٠٠٠ كمان ممكن ٦٥٠٠٠ يجبولك واحده اول فئه في الاتوماتيك وحالتها تكون معقوله

[تامر.محمد]

يا ريت حضرتك تقرا الموضوع ده

http://www.nilemotors.net/Nile/444955-a.html

شكلنا كده هانثبته :)))

[FIRST1MAN]

الف شكر يا جماعه ربنا يجزيكم خير

شكلى هاركب فيرنا غصب عنى وخلاص
طيب ممكن اعرف رايك حضرتكم فى لوجان او ترشحولى ايه بسعر ده

[تامر.محمد]

عن نفسي انصحك باللوجان فعلا , بس اظنها بأكتر من ال50 شوية , يعني بتخش في 55-60

[medohai510]

نصيحة لوجه الله
لا تقارن الميجان بالفيرنا واللانوس لانها مقارنة غير عادلة تماما
ولا تشتري ميجان بحالة مش جيدة علشان الرينو عموما لما بتتعب ما بترجعش كما يجب او بتكليف كثيرة جدا انت في غني عنها لو اشترتها بحالة ممتازة من الاول
ولو بتفكر في ميجان وخايف من مشكلات الفتيس توكل علي الله واشتري مانيوال 2005 او 2006 بحالة جيدة طبعا في حدود من 55 الي 60
انا معي 2008 الحمد لله ممتازة. والله الموفق

[FIRST1MAN]

عن نفسي انصحك باللوجان فعلا , بس اظنها بأكتر من ال50 شوية , يعني بتخش في 55-60

شكرا ياباشا مهندس تامر وهعيد تفكير تانى وبص ع اللوجان ولو ان شكلها مش عاجبنى

[FIRST1MAN]

نصيحة لوجه الله
لا تقارن الميجان بالفيرنا واللانوس لانها مقارنة غير عادلة تماما
ولا تشتري ميجان بحالة مش جيدة علشان الرينو عموما لما بتتعب ما بترجعش كما يجب او بتكليف كثيرة جدا انت في غني عنها لو اشترتها بحالة ممتازة من الاول
ولو بتفكر في ميجان وخايف من مشكلات الفتيس توكل علي الله واشتري مانيوال 2005 او 2006 بحالة جيدة طبعا في حدود من 55 الي 60
انا معي 2008 الحمد لله ممتازة. والله الموفق

شكرا ياباشا لالا انا مش بقارن طبعا بينها وبين الفيرنا هى المقارنه كانت مقارنه سعريه مش فنيه
يعنى فئه 50-55 الف
كلام حضرتك ممكن يخلينى افكر تانى ولو ان الاخوه خوفنى ان المبلغ اللى معايا مش هيجيب حاجه كويسه وانا اصلا قلقان م الرينو بصراحه

[Super_Star_h]

خليك فى اللوجان افضل من الفيرنا
الميجان انسى انك تركبها سليمه بسعر اقل من 65 و 70 الف

[mfraig]

هقولك رأيي بكل وضوح باعتباري من ملاك الفيرنا والميجان واللوجان:
1-الفيرنا مش واطيه خالص الفيرنا تعتبر من العربيات العاليه اصلا هو بس علبة الشكمان اللي بحك احيانا لو محمل والمطب عالي
2-ميجان ب 50 او حتى 60 انسى ياعمرو هاتشوف ايام اسود من قرن الخروب
3-الميجان لو هاتجيبها تكون حاله بيتعملها صيانات في التوكيل بس وبالفواتير كمان او عند مركز خدمه معتمد وتكشف عليها كويس في التوكيل كمان وبعدين تشتريها وده عمره ماهيكون ب 60 الف حتى
4-ميجان حلوه بفيتيس اوتو مافيش مشاكل خالص هي نتشه بسيطه في الغيار التاني وهتتعود وده عند كل الرينو
5-اللوجان لو هتجيبها لازم تكون حاله نظيفه وياريت لو تكون موديل حديث وبتعمل صيانات في التوكيل هي صحيح اقل تكنولوجيا من الميجان بس برضه لو عربيه ملعوب فيها هتبهدلك معايا وغالبا هتكون في حدود ال 60 الف
6-اللوجان كعربيه احلى من الفيرنا واوسع بكتير وخامات انضف بكتير وفرامل ممتازه بس طبعا لايعلو على موتور الفيرنا وسحب الفيرنا
7- لو هاتجيب لوجان او ميجان فيها مشاكل وتقول لنفسك هصلحها واحده واحده على ايدي لحد ماتبقى تمام هقولك انسى كان غيرك اشطر الميجان بالذات لما بتزعل ماحدش بيعرف يصالحها تاني
وربنا يكتبلك الخير حيث كان

[FIRST1MAN]

الف شكر يا جماعه على اهتمامكو ونصايحكم
جزاكم الله خيرا