اتخلي عن الميجان في سبيل ال c4 وال بلاش

[Ahmed Koller]

السلام عليكم
ازيكم يااحسن قسم في المنتدي
دلوقت معروض عليا ابدل ميجانتي ٢٠٠٦ بانوراما بسيتروين c4 اتوماتيك ماشيه ٧٠٠٠٠ كيلو

ايه رئيكم في العرض ده .. بكل صراحه وامانه
انا شايف ان السيتروين عربيه محترمه جدا وقطع غيارها زي الميجان تقريبا وفي حجات اقل من الميجان كمان .
افيدوني

[amr011111]

لو عربيتك مش تعباك خالص يبقى متبدلش
انما لو بتسأل انك عاوز تشترى سى فور فهى عربيه رائعه

[تامر.محمد]

(اللي سمعته) انها احلى من الميجان كعربية , انما كانتشار قطع غيار و الكلام ده طين

[Mohab.Nabil]

لو عربيتك مريحاك فعلا متبدلش الا لو انت بتحب التغيير

بصراحة العربيتين احلى من بعض و انا كان معايا الاتنين .. الميجان ميزتها عفشتها انعم و اثبت بفرق بسيط عن السى فور

السى فور ميزتها موتورها استجابته اعلى من الميجان شوية

الاوبشنز الاتنين لو هاى لاين فيهم كل حاجة تقريبا و مش ناقصهم حاجة

قطع الغيار انا شايفها متقاربة برضه

الميجان اوسع طبعا شوية بس فرق مش كبير

الفكرة انك عايز تغير ولا لا لأن العربيتين حلوين بصراحة

عامة لو حضرتك قررت متاخدش السى فور يا ريت تبعتلى بياناتها على الخاص عشان واحد صاحبى بيدور على واحدة حالة ممتازة و شكرا

[Ahmed Koller]

انا عايز اغير بصراحه . وحاسس ان ال c4 محترمه ... ياريت حضرك تقولي اخبارها ايه علي الطريق واداء الموتور والفتيس

[Ahmed Koller]

معلش ولو دخلنا في الموضوع جراند بونتو ٢٠٠٨ ايزي ترونك .. والله الراجل لسه مكلمني من شويه

[hesham fawzy h]

البونتو الفتيس بتعها زبالة وبيتغير كل شوية

[Super_Star_h]

الميجان افضل
انا كانت عجبانى ال c4 ومازالت عجبانى
لكن دى عربيه متعبه اكتر من الميجان فى اعطالها وقطع غيارها اللى مش منتشره

[mfraig]

ماسخم من سيتي الا سيدي :)))))
الاتنين زي بعض بس معرفش فيتيس ال c4 فيه نتشه زي الميجان وللا لا
عموما التغيير هيعتمد على تأكدك من حالة السيتروين لو حالتها موثوق فيها وحالة الميجان تعباك يبقى اوكي لكن لو الميجان مريحاك والسي 4 مش واثق من حالتها بلاش
الميجان بيعها اسهل بكتير من السيتروين على فككره
الايزي ترونك فيه مشكله فعلا واعطاله كتير بس ممكن تراجع قسم الفيات وتشوف رأي اصحابها فيها