عربيتى الميجان......245 كم\س :)

[chato_eg]

أنا مش مصدق نفسى (نسيت محمد و افتكرت زكى !!!...)
كتير من الأفلام الجديدة بتلاقى العربيات اللى فيها أودى
زى Iron Man
دى سياسة الشركة التسويقية.
بمناسبة العربيات الحلوة النادرة....حد يعرف أخبار ألفاروميو إيه بعد ما خدها محمد نصير ( لسه ما نسيتش اسمه ) ....و الكيا برضه بعد ما أخدها مش عارف صالات عرض ليها..

[Ahmed Selim]

أنا مش مصدق نفسى (نسيت محمد و افتكرت زكى !!!...)
كتير من الأفلام الجديدة بتلاقى العربيات اللى فيها أودى
زى Iron Man
دى سياسة الشركة التسويقية.
بمناسبة العربيات الحلوة النادرة....حد يعرف أخبار ألفاروميو إيه بعد ما خدها محمد نصير ( لسه ما نسيتش اسمه ) ....و الكيا برضه بعد ما أخدها مش عارف صالات عرض ليها..

جل من لا يسهو يا باشا

كيا اللى بقراه هنا فى المنتدى عن التوكيل مبشر بالخير وبيقول أنهم ماشيين فى طريق رينو
وليهم معرض كنت بشوفه فى شارع مراد فى الجيزة بس مش عارف ده كان تبع وليد توفيق ولا نصير عشان ساعتها كان فى نزاع بينهم على التوكيل.

الألفا لسه شوية عليها

[chato_eg]

شكرا لردك الكريم
المعرض بتاع شارع مراد ده بتاع وليد توفيق...

[Ramy_Tantawi]

لأ................أنا أعترض.......

أنا يا باشا فاكرك بتتكلم على أوبشن فى العربية.....مش حل بلدى.

مش كنت تقولى أنه مش أوبشن طيب ؟ :(

أضم صوتي لصوتك........لأ

مين قال أوبشن هو انتوا عشان مش مذاكرين زي زميلكم شاركي هاتشككوا في الاسئله والتصحيح !!! كل واحد يقرا السؤال مره واتنين يا جماعه قبل ما يجاوب السؤال جاي من النماذج (طبعة 2009 ج.م.ع المطابع الاميريه حقوق الطبع غير محفوظه).ومكتوب داخل السؤال انه حل فهلوه يعني ودي مش اوبشن ولا حاجه .


وبعدين احنا دلوقتي بنتكلم عن عملاق من عمالقة الرينو الميجان بتاعتنا ......ايه دخل الاودي وال A8 والعربيات المتواضعه دي ......يا جماعه دي بيجيبوها في الافلام مع جيمس بوند ويوقعوهم من الطياره ويفجروهم عشان العربيات دي اي كلام ورخاص جداً يعني . لو فاكرين الفيلم القبل الأخير وكمية العربيات اللي وقعت من الطياره !!!! ييجوا ايه دول جنب الميجان .

عموماً بيعداً عن الهزار حد شاف الاجونا على الطبيعه ؟ انا عارف ان شاركي شافها بس مش عارف دخلها ولا لأ.انا شفتها انهارده في فرع العبور بجد عربيه محترمه جداً وتحفه بس الغريب نازل منها فئه واحده بس مصر ( مانيوال + فول اوبشن ) واوبشن كل حاجه اخترعوها في رينو تقريباً ده غير ان كل حاجه في الصالون جوه كهرباء الكراسي والمساند تكيف قدام وورا اماكن تخزين فتيس مع انه مانيوال لكن غريب جداً وصغير جداً البانوراما بقى فيها جدث ولا حرج.......معموله سقفين زجاج واحد قدام للراكبين الاماميين وواحد خلفي لركاب الكنبه .العربيه هاتشباك ومع ذلك فيها مكان زي شنطه كده كبيره جداً .غالباً العربيه مش ناقصها اي حاجه خالص بس يعيبها في نظري انها فئه واحده بس مانيوال .+ موتور 1.6 فقط + سعرها 235 الف جنيه مصري ...مش عارف الحقيقه هل سعرها مبالغ فيه ولا ده طبيعي عليها .

[Sharky]

اللاجونا دى من فئة الباسات

[human]

انا لما بمشى على 160 بتشاهد

[ضيف]

لاجونا الأتوماتيك

مين قال أوبشن هو انتوا عشان مش مذاكرين زي زميلكم شاركي هاتشككوا في الاسئله والتصحيح !!! كل واحد يقرا السؤال مره واتنين يا جماعه قبل ما يجاوب السؤال جاي من النماذج (طبعة 2009 ج.م.ع المطابع الاميريه حقوق الطبع غير محفوظه).ومكتوب داخل السؤال انه حل فهلوه يعني ودي مش اوبشن ولا حاجه .


وبعدين احنا دلوقتي بنتكلم عن عملاق من عمالقة الرينو الميجان بتاعتنا ......ايه دخل الاودي وال A8 والعربيات المتواضعه دي ......يا جماعه دي بيجيبوها في الافلام مع جيمس بوند ويوقعوهم من الطياره ويفجروهم عشان العربيات دي اي كلام ورخاص جداً يعني . لو فاكرين الفيلم القبل الأخير وكمية العربيات اللي وقعت من الطياره !!!! ييجوا ايه دول جنب الميجان .

عموماً بيعداً عن الهزار حد شاف الاجونا على الطبيعه ؟ انا عارف ان شاركي شافها بس مش عارف دخلها ولا لأ.انا شفتها انهارده في فرع العبور بجد عربيه محترمه جداً وتحفه بس الغريب نازل منها فئه واحده بس مصر ( مانيوال + فول اوبشن ) واوبشن كل حاجه اخترعوها في رينو تقريباً ده غير ان كل حاجه في الصالون جوه كهرباء الكراسي والمساند تكيف قدام وورا اماكن تخزين فتيس مع انه مانيوال لكن غريب جداً وصغير جداً البانوراما بقى فيها جدث ولا حرج.......معموله سقفين زجاج واحد قدام للراكبين الاماميين وواحد خلفي لركاب الكنبه .العربيه هاتشباك ومع ذلك فيها مكان زي شنطه كده كبيره جداً .غالباً العربيه مش ناقصها اي حاجه خالص بس يعيبها في نظري انها فئه واحده بس مانيوال .+ موتور 1.6 فقط + سعرها 235 الف جنيه مصري ...مش عارف الحقيقه هل سعرها مبالغ فيه ولا ده طبيعي عليها .

لاجونا أتوماتيك مش بتنزل غير موتور 2000 سي سي فأكثر (عن لسان مهندس/طارق عبد العزيز مبيعات فرع العبور).
و شكرا.

[marwan_147]

ياراجل ياراجل يارجل حرام عليك

[Ahmed Selim]

ياراجل ياراجل يارجل حرام عليك

واضح أنك متابعتش الموضوع كويس

الميجان فيها أوبشن ( موديل 2005 و 2006 ) بيعمل تشيك على العدادات.......أنا صورت العداد و هو بيعمل تشيك و هو على أخره........لكن فعلياً الميجان اللى فى مصر متجيبش السرعة دى

[bishoy02010]

ياااااااااااااااااااااااااه انا اول مرة أشوف الموضوع ده بس ده من زمان قوى 28-10-2008

[tamer61]

الحمد لله إن الموضوع ماطلعش بجد لحسن الواحد إتشاهد وعلشان خاطري " إذا كان ليا خاطر عندكم " يا وحوش كل العربيات القدامى و الجدد وإللي لسا بيفكروا "إياكم والسرعه....إياكم و السرعه" ولو على سبيل التجربه حتى تعودوا سالمين لأسركم مع العلم أن كل شيء بقدر و لكن علينا الآخذ بالأسباب. و تقبلوا تحياتي

[elshinawy80]

ماشاء الله يا باشا
بس اهم حاجة خد بالك و ربنا يحرسك

[triton]

لا لا لا ..... اسمحلي اخد الصوره دي احطها علي الفيس بوك عشان اخرس السنه المشككين

[M.ADEL KAMEL]

كتير ده اوى خللى بالك من نفسك يانجم

[Ahmed.Fahmy]

انا يا باشا مش مصدق بصراحه
ازاىيعنى عربيه بالسرعه دى والصوره تطلع بالاتزان ده
هى العربيه كانت مرفوعه؟
ماتقنعنبس