دماغي تعبت ارجو المساعده بجد (ماذا بعد الهوندا)

[ahmed.elite]

مبدئيا الميكانيكى اللى سألته ده ضايع . لسه عايش فى مشاكل الميجان و ما يعرفش حاجه عن موديلات الرينو الجديده و ﻻ يعرف الفلوينس من ال 128

الفلوينس 2015 و اللى هيه 2014 عربيه محترمه جدا فخامه و بريستيج و خامات بس للامانه مش عربية بهدله .

العربيه عربية سفر من الدرجه الاولى حجم و ثبات و عزل و راحة صالون و استهلاك فى البنزين خرافى و تكنولوجيا عاليه بس عايزه تعامل محترم و مش عايزه اهانه .

وازن مابين ظروف شغلك و شراء العربيه .

بالنسبه لل بى ام و المرسيدس كل اللى اقدر اقوله لك الزيرو زيرو و المستعمل مستعمل برضه حتى لو بتشترى دهب .

و ربنا يوفقك .

اشكرك على مشاركتك
المشكله ان ظروف شغلى متغيرة و انا فعلا محتار و خايف شقي عمري يضيع و اخسر جامد

[yasser100]

اشكرك على مشاركتك
المشكله ان ظروف شغلى متغيرة و انا فعلا محتار و خايف شقي عمري يضيع و اخسر جامد

اعادة البيع للفوينس جيد جدا ما تقلقش لو انت بتفكر فى اعادة البيع .

لكن بهدلة العربيه انت اللى تقدر تحدد .

[Mecha]

حضرتك نازل من ياباني وعاوز تجيب اوروبي تتبهدل في رمله وزلط وتراب وحر ؟؟؟ طبعا مش هتسد واديك شايف فتايس وحساسات الرينو والفولكس وبنزين المرسيدس وعقربه ال بي ام
لو ممكن جيب تويوتا هايلكس او متسوبيشي باجيرو
او خليك في الكورولا والهوندا او لانسر

[تامر.محمد]

60 الف كيلو ؟
الكلام ده مش منطبق عالميجان اللي اتقال فيها ما قاله مالك في الخمر :-) ، مش هاقول لك الفلوانس

[yasser100]

حضرتك نازل من ياباني وعاوز تجيب اوروبي تتبهدل في رمله وزلط وتراب وحر ؟؟؟ طبعا مش هتسد واديك شايف فتايس وحساسات الرينو والفولكس وبنزين المرسيدس وعقربه ال بي ام
لو ممكن جيب تويوتا هايلكس او متسوبيشي باجيرو
او خليك في الكورولا والهوندا او لانسر

معاك طبعا الاوروبى عموما ما لوش فى البهدله . ركوبه مزاج من الاخر .

[mfraig]

اولا شكرا على مشاركتك
ثانيا انا بيفرق معايا موضوع اعاده البيع لذلك هل الفلوانس اعاده البيع بتاعها كويس
ثالثا هل ماتورها في احساس القوة
رابعا قطع غيارها غاليه و لا زي الهوندا

هي الفلوانس طبعا بيطلبوا فيها اؤقام كويسه اوي في البيع ومش بتخسر كتير لكن ممكن تكون اتقل في بيعها عن الياباني طيعا واكيد هتخسر اكتر شويه عن انك تكون بتبيع شارك او كوروللا لكن ده ضريبة الركوبه الفخمه لكن تعتبر احسن عربيه في اعادة البيع في الرينو
بالنسبه للموتور زي ماقلتلك هو مرضي جدا وسحب العربيه كويس جدا والفيتيس cvt ناعم جدا المشكله الوحيده انك نازل من سيفيك فاكيد اي عربيه عتركبها لازم تحط في بالك انها مش هتبقى بسحب الهوندا وماتور الهوندا
انا شايف السيفيك برضه مش عربية بهدله خالص فلو كانت كويسه معاك ومقضيه الغرض يبقى الفلوانس هتسد معاك ولو كان سبب بيعها انها اتبهدلت من ظروف الشغل يبقى ولا الداستر والفلوانس ينفعوا معاك ولا اي عربيه اوروبي اصلا سيدان
انا الصراحه مش ميال للبي ام والمرسيدس كمستعمل خصوصا انهم عاملين كيلوهات عاليه ومهما كانو معمرين فبرضه ليهم عمر افتراضي وهتدخل في صيانات ومشاكل انت في غنى عنها مع الزيرو وبرضه العربيات ده مش بتاعت بهدله
واخر حاجه قطع الغيار والصيانه انت كنت راكب سيفيك فمش هتلاقي اي مشكله مع الفلوانس لانها تقريبا نفس الاسعار او ارخص شويه

[AhmedNaeem]

مجرد راي
اي عربية هتشتريها وتمشي في طرق مكسرة ورمل وزلط وهي مش مهيأة لده يبقي اكيد هتتبهدل منك ومهما كانت شغل العفشة مش هيخلص معاك بخلاف انك هتفضل ماشي بعربية بتشخلل
يعيب الداستر انها مانيول لكن غير كده عربية كويسة ومهياة للطرق المكسرة
وربنا يهديك للافضل