العربية راحت التوكيل بسبب إن البطارية نامت

[m_marmoush]

أنا معايا رينو فلوانس الشكل القديم و حصل معايا إن بطارية العربية ضعفت أو بمعنى اصح باظت وظهرتلي رسالة Car Battery Fault
طبعا حاولت ادورها كذا مرة لعل وعسى تستجيب وتدور، ولما ماعرفتش كلمت التوكيل فى خدمة الطوارىء عشان يشوف العربية مالها لأنها لسة فى الضمان.
جالي من التوكيل مهندس و معاة بطارية جديدة و ركبها مكان القديمة، بس للأسف العربية مادارتش و قاللي كدة العربية عملت lock لنفسها ولازم تتسحب على التوكيل عشان تشتغل تانى ........
وطبعا اضطريت اسحبها لغاية التوكيل عشان يعمل لها unlock
ورد التوكيل إن كدة كومبيوتر العربية بيحس أن في محاولة سرقة للعربية لأنك حاولت تشغلها كذا مرة وبيقفل نفسة والعربية عمرها ماحتدور حتى لو غيرت البطارية
بس أنا مش مقتنع بكلام التوكيل و عايز أعرف تجاربكو فى موضوع البطارية لما بتنام، هل حد حصل معاة اللى حصلي و أضطر يروح التوكيل عشان يشغل الموتور تانى ؟ ولا كدة في عيب فى العربية ؟

[yasser100]

ايه ده صحيح انا اول مره اعرف الكلام ده . بس شكله كلام صح . لانه واضح انها اتسحبت للتوكيل علشان يفك الشفره و يشغلها .

ما اعتقدش انه فيه مشكله . هو نظام التأمين فعلا عالى قوى فى الرينو

[yalahwy82]

انا عربيتى لما بطاريتها فضيت ماعملتش الموضوع ده خالص.....وعملت واصلة من بطارية عربية تانية ودورتها وغيرت البطارية
بدون اى مشاكل

[yasser100]

انا عربيتى لما بطاريتها فضيت ماعملتش الموضوع ده خالص.....وعملت واصلة من بطارية عربية تانية ودورتها وغيرت البطارية
بدون اى مشاكل

حاولت تشغلها اكتر من مره و البطاريه نايمه و ﻻ مره او مرتين و بدأت تشحن ؟ هو بيقول حاول اكتر من مره علشان كده قغشت على اعتقاد انه حد بيحاول يسرق . ممكن تكون ميزه مش عارفينها .

[mfraig]

كنت بعمل مئات المحاولات في الميجان وعمرها معملت كده وكنت بفك البطاريه واحط بطارية الفيرنا وادورها عادي زي اي عربيه

[mfraig]

الكلام مش منطقي لعدة اسباب:
1-العربيه عارفه ان السبب في عدم التشغيل هو البطاريه وكتبت كده عالشاشه
2-العربيه بتحاول تدورها بمفتاحها مش بطريقه غلط وهو ده فايدة الايمبولايزر
3-احيانا العربيه بتحتاج كذا محاولة تدوير لما بتديها وصله من بطاريه تانيه وكده يبقى الموضوع غباء اوي

[yalahwy2010]

حاولت تشغلها اكتر من مره و البطاريه نايمه و ﻻ مره او مرتين و بدأت تشحن ؟ هو بيقول حاول اكتر من مره علشان كده قغشت على اعتقاد انه حد بيحاول يسرق . ممكن تكون ميزه مش عارفينها .

ماهو طبيعى الواحد لو جه يدور العربية لازم يحاول مرتين تلاتة وتفشل.........التوكيل شكله بيشتغلنا يا جماعة

[Hany Saad]

تأمين الفلوانس أعلى بكتير من الميجان
نفس الكلام ده حصل معايا و قدامى فى تغيير القطمة.....ميكانيكاً القطمة اتغيرت زى الحلاوة و بعدين كان لازم يعرف القطعة الجديدة على سيستم العربية و ده تم اون لاين....غير كده السيستم بيعمل shutdown برده....انما لما غيرت قطمة فى الميجان محتجتش اعمل اى حاجة من ده
طبعاً انا كنت واقف مع المهندس و هو بيعرف القطعة online لان النت كان واقع و استخدم ال usb modem بتاعى و استخدم hub من عندى برده و انا كنت واقف جنبه...اقصد مش اشتغاله

لو فكرنا من منظور. اخر: ايه هدف التوكيل و هو بيغير بطارية تحت الضمان بدون اى مكسب و بيبعت مهندس مخصوص على حسابه و طبعاً شوف فى الوقت ده المهندس كان اشرف على كام عربية لو مكنش اتحرك من الورشة...اقصد تكلفة انتقال المهندس عالية....السؤال ما هى الفائدة من بعد التعب ده كله انى انقل العربية و اتعب العميل معايا و اجيب العربية التوكيل الا لو فعلاً العربية عملت shut down
اقصد لو فيه اشتغاله طيب ما كان من الأول التوكيل قاله خد وصلة من اى عربية و هاتها على الورشة نغيرلك بطارية؟؟!!!!

طبعاً صاحب الموضوع هيفدنا: هل محاولات التدوير كانوا ٢-٣ و لا اكثر بكثير للإستفادة؟

تحياتى

[m_marmoush]

تأمين الفلوانس أعلى بكتير من الميجان
نفس الكلام ده حصل معايا و قدامى فى تغيير القطمة.....ميكانيكاً القطمة اتغيرت زى الحلاوة و بعدين كان لازم يعرف القطعة الجديدة على سيستم العربية و ده تم اون لاين....غير كده السيستم بيعمل shutdown برده....انما لما غيرت قطمة فى الميجان محتجتش اعمل اى حاجة من ده
طبعاً انا كنت واقف مع المهندس و هو بيعرف القطعة online لان النت كان واقع و استخدم ال usb modem بتاعى و استخدم hub من عندى برده و انا كنت واقف جنبه...اقصد مش اشتغاله

لو فكرنا من منظور. اخر: ايه هدف التوكيل و هو بيغير بطارية تحت الضمان بدون اى مكسب و بيبعت مهندس مخصوص على حسابه و طبعاً شوف فى الوقت ده المهندس كان اشرف على كام عربية لو مكنش اتحرك من الورشة...اقصد تكلفة انتقال المهندس عالية....السؤال ما هى الفائدة من بعد التعب ده كله انى انقل العربية و اتعب العميل معايا و اجيب العربية التوكيل الا لو فعلاً العربية عملت shut down
اقصد لو فيه اشتغاله طيب ما كان من الأول التوكيل قاله خد وصلة من اى عربية و هاتها على الورشة نغيرلك بطارية؟؟!!!!

طبعاً صاحب الموضوع هيفدنا: هل محاولات التدوير كانوا ٢-٣ و لا اكثر بكثير للإستفادة؟

تحياتى

الوكيل فعلا بعتلى مهندس ببطارية جديدة و تم تغييرها بس العربية برضه كانت حالفه ماتدور
بالنسبة لعدد المحاولات عشان أدور العربية كان حوالي عشر مرات
السبب في أن العربية عملت shutdown ان العربية كانت مش شايفة الكارت وبتطلب منى أدخلة
ودة على حسب كلام التوكيل كان السبب

[m_marmoush]

ياريت حد يفيدنى هل الكلام دة حصل مع حد قبل كدة ولا العربية فيها مشكلة والتوكيل بيشتغلنى ؟

[yasser100]

ياريت حد يفيدنى هل الكلام دة حصل مع حد قبل كدة ولا العربية فيها مشكلة والتوكيل بيشتغلنى ؟

نادر انك تلاقى حد حصل معاه الموضوع ده . ممكن يكون فعلا ده سيستم تأمين العربيه زى المهندس هانى ما قال و انا قلت و ممكن يكون ﻻ . الفلوينس بتختلف عن الميجان بالدليل انه الميجان ﻻزم تحط الكارت علشان العربيه تشتغل فى الفلوينس ﻻ .

المهم دلوقتى ايه اخبارها . فيه مشكله فى حاجه و ﻻ كله تمام ؟ لو تمام يبقا خلاص لغاية ما تظهر حاله تانيه نفهم منها .

انا اعرف كمان انه فى الفلوينس لو حتى حد قدر يشغلها بكارت مضروب بتحس بعد كده بالكارت و تقطع دورة البنزين بعد حوالة 100 متر . و ﻻزم تتفك تانى عن طريق التوكيل حتى لو دخلت االكارت الاصلى .

انا شايف انه الارجح فعلا انه يكون نظام تامين خصوصا بعد 10 محاولات تشغيل .

[Hany Saad]

ياريت حد يفيدنى هل الكلام دة حصل مع حد قبل كدة ولا العربية فيها مشكلة والتوكيل بيشتغلنى ؟

كده الكلام وضح.....الفلوانس لأن الكارت مش بيبقى محطوط فى ال slot بتاعه (غير الميجان اللى لازم علشان تدور الكارت يكون داخل ال slot) ساعات بتفقد الأتصال بالكارت و بتطلب منك وضعه فى الSlot و ده بيحصل قليل جداً و لكنه بيحصل و حصل معايا شخصياً حوالى مرتين تقريباً...

طبعاً نوم البطارية ساعد فى الموضوع ده و لكنه مش هو السبب: العربية طلبت من حضرتك إدخال الكارت داخل ال slot ليتم التعرف عليه و ذلك نتيجة فقد الأتصال ما بين القارىء و الكارت....حضرتك مأخدتش بالك من الرسالة و حاولت تدور العربية 10 مرات و الكارت خارج الslot....بالنسبة للعربية دى محاولة سرقة بكارت مقلد أو بشفرة مقلدة فعملت shut down و ده قمة الأمان فى عربيات رينو

لو حضرتك كنت حطيت الكارت فى الslot و انت بتجرب حتى و لو 100 مرة مكنش حصل أى مشاكل....و ده اللى خلى التوكيل يبعت مهندس ببطارية عادى جداً للتغيير السريع و تدوير العربية و هو أمر حصل مع ناس كتير و عمر ما العربية أحتاجت تروح توكيل و إلا كان طلب منك الذهاب للتوكيل من الأول.

و لكن بالنسبة للحالة الخاصة اللى حصلت مع حضرتك....كان لازم المهندس يفكها يعملها unlock online من server رينو و علشان كده طلب العربية تروح التوكيل.....

عربيتك سليمة و زى الفل و ده إطمئنان أكتر ليك و أعتقد أن العربية ما قعدتش وقت طويل فى التوكيل و هو وقت عمل ال unlock فقط

أطمن و أنبسط بالعربية.....الحمد لله الرينو من أندر العربيات فى السرقة

تحياتى

[m_marmoush]

طمنتوني على متور عربيتي :)
شكرا ليكم جميعا

[mfraig]

كده الكلام وضح.....الفلوانس لأن الكارت مش بيبقى محطوط فى ال slot بتاعه (غير الميجان اللى لازم علشان تدور الكارت يكون داخل ال slot) ساعات بتفقد الأتصال بالكارت و بتطلب منك وضعه فى الSlot و ده بيحصل قليل جداً و لكنه بيحصل و حصل معايا شخصياً حوالى مرتين تقريباً...

طبعاً نوم البطارية ساعد فى الموضوع ده و لكنه مش هو السبب: العربية طلبت من حضرتك إدخال الكارت داخل ال slot ليتم التعرف عليه و ذلك نتيجة فقد الأتصال ما بين القارىء و الكارت....حضرتك مأخدتش بالك من الرسالة و حاولت تدور العربية 10 مرات و الكارت خارج الslot....بالنسبة للعربية دى محاولة سرقة بكارت مقلد أو بشفرة مقلدة فعملت shut down و ده قمة الأمان فى عربيات رينو

لو حضرتك كنت حطيت الكارت فى الslot و انت بتجرب حتى و لو 100 مرة مكنش حصل أى مشاكل....و ده اللى خلى التوكيل يبعت مهندس ببطارية عادى جداً للتغيير السريع و تدوير العربية و هو أمر حصل مع ناس كتير و عمر ما العربية أحتاجت تروح توكيل و إلا كان طلب منك الذهاب للتوكيل من الأول.

و لكن بالنسبة للحالة الخاصة اللى حصلت مع حضرتك....كان لازم المهندس يفكها يعملها unlock online من server رينو و علشان كده طلب العربية تروح التوكيل.....

عربيتك سليمة و زى الفل و ده إطمئنان أكتر ليك و أعتقد أن العربية ما قعدتش وقت طويل فى التوكيل و هو وقت عمل ال unlock فقط

أطمن و أنبسط بالعربية.....الحمد لله الرينو من أندر العربيات فى السرقة

تحياتى

كده الكلام بقى منطقي جدا
لاني بقول ازاي العربيه تقرأ الكارت ومع كده تعمل lock لمجرد انك عملت عدة محاولات تشغيل !!!!
بس في برضه نقطه غامضه:
اذا كانت العربيه فقدت الاتصال مع الكارت وكان لازم يحطه في slot اذاي كانت برضه بتعمل محاولات تشغيل ؟؟؟

[أسامه الحسيني]

الكلام ماله عكس بعضه
دلوقتى لو البطاريه نايمه والكارت مظبوط يبقي المارش مش هيقدر يشغل الماتور ومش فارقه بقى عدد المحاولات لان الكارت مظبوط
ولو البطاريه نايمه والعربيه مش شايفه الكارت يبقي العربيه هتقوله ان الكارت غير موجود
وانا مش شايفها ميزه ان لو جيت ادور اكتر من مره العربيه تعمل لك لان السبب ممكن يكون من البنزين او حساس الكرنك الخ فكدا كل ما يحصل حاجه اسحبها على التوكيل