مؤشر البنزيين بتاع ميجان 2007 بيهيس

[ahmed9adel]

مؤشر البنزيين عندى بيهيس. المؤشر شغال من الأول للنص بس. يعنى لو العربية متفولة بيبقى طبيعى و واقف على أقصى اليمين و بيفضل يقل يقل بالتدريج لحد لو البنزيين خلص ( ال 60 لتر كلهم ) بيبقى واقف على النص بالظبط. مش عارف إيه السبب. حد يعرف يقوللى أعمل إيه من غير ما أغير عوامة الطلمبة؟

[حماده المصري]

في الغالب دي عوامه بايزه لازم تتغير او ممكن يكون العداد نفسه بايز

ف ياما تشييك على العوامه يا اما تشييك على العداد

معتقدش في حاجه تانيه ممكن تخلي ده يحصل غير الاتنين دول

[msenosy]

كان عندى نفس المشكله واتحلت بتغيير العوامه

[Super_Star_h]

انت فولت العربيه وهى دايره ؟

[ahmed9adel]

كان عندى نفس المشكله واتحلت بتغيير العوامه

و يا ترى تغيير العوامة إتكلف كام؟

[ahmed9adel]

انت فولت العربيه وهى دايره ؟

أنا لسة شارى العربية من 3 أسابيع و هى كدة من ساعة ما إشتريتها.

[ahmed9adel]

شكراً على الرد :)

[ahmad_elmenyaw]

انا عندى نفس المشكلة ودايما بفول العربية وهى مبطله
كلمت رامى الكهربائى امبارح وقاللى هى حاجه من اتنين
1-احتمال يكون المؤشر عايز يتعمله اعادة برمجه
2-او العوامة عايزه تتغير ودى ثمنها من 250الى300جنيه
ان شاء الله لما اروح هبلغكم ان شاء الله

[ahmed9adel]

يا ريت يا باشا تبلغنا و حظ سعيد. بس أنا أول مرة أسمع عن إعادة برمجة المؤشر ده, تعرف إزاى؟

[ahmad_elmenyaw]

هو قاللى كده ان شاء الله لما اروح هشوف وابلغكم

[msenosy]

العوامه كانت ب 250 جنيه غالبا بالتركيب على ما اتذكر

[ahmed9adel]

العوامه كانت ب 250 جنيه غالبا بالتركيب على ما اتذكر

شكراً على الرد :)

[ahmad_elmenyaw]

الحمد لله رحت عند رامى وطلعت العوامة فيها مشكلة والمشكلة كانت فى شريحة الكهرباء الموجودة فى العوامة .
وبصراحة رامى ده ممتاز مش بيشيل ويركب وخلاص الاول عمل اعادة برمجة للعوامة عن طريق الطرمبة نفسها والمرة التانية عن طريق الفيوزات الموجوده اسفل الدركسيون وبعد كده قاللى يبقى كده العوامة والحمد لله المؤشر ظبط معايا واتكلفت 250بالتركيب واتفقت معاه ان اى حد هيروح عنده ويقوله انه من طرفى هيكون بنفس الثمن لان فى ناس بتعملها دلوقتى ب300او350 حسب كلام رامى لانها مش متوفره فى كل وقت

[ahmed9adel]

الحمد لله رحت عند رامى وطلعت العوامة فيها مشكلة والمشكلة كانت فى شريحة الكهرباء الموجودة فى العوامة .
وبصراحة رامى ده ممتاز مش بيشيل ويركب وخلاص الاول عمل اعادة برمجة للعوامة عن طريق الطرمبة نفسها والمرة التانية عن طريق الفيوزات الموجوده اسفل الدركسيون وبعد كده قاللى يبقى كده العوامة والحمد لله المؤشر ظبط معايا واتكلفت 250بالتركيب واتفقت معاه ان اى حد هيروح عنده ويقوله انه من طرفى هيكون بنفس الثمن لان فى ناس بتعملها دلوقتى ب300او350 حسب كلام رامى لانها مش متوفره فى كل وقت

ألف مبروك و الحمد لله انها جت على قد كدة. هو رامي ده فين بالضبط يا باشا؟؟؟

[ahmad_elmenyaw]

رامى موجود فى صقر قريش
روح صقر قريش واسال عليه هو الورشه بتاعتهم مشهوره باسم الشيخ محمد ورامى
وده رقمه01117011346 هما ناس محترمه اوى ومش غالين ولا طماعين وهترتاح فى معاملتهم