رجاء افيدونى افادكم الله يا وحوش الميجان

[ashb60]

السلام عليكم ورحمه الله وبركاته
انا ب اذن الله تعالى ها اشترى عربيه ميجان ومعايا فى حدود 65000 ودخلى الشهرى حوالى 2000 جنيه وكل الناس خوفونى جدا من العربيه وان اعطاله كتير ومش اعتماديه واسعار قطع الغيار ناااااااار وانا بصراحه ها اموت على العربيه بس خايف من قطع الغيار تنصحونى ب ايه اشتريه ولا فعلا زي ما الناس بتقول عليها انا كان معايا نوبيرا 2008 والحمد لله بعتها وزعلان عليها اووى لانها عشرة بس عفشتها قرفتنى فى حياتى ياترى اسعار قطع الغيار توازى ايه

[broadband]

لو ميجان سليمة و نمرة واحد مش حتقرفك و علشان كده لازم تدور على الحالة الممتازة و متتنازلش
و دقق فى كل التفاصيل انا قبل ما اشترى اتفرجت على تقريبا 33 عربية و قعدت 4 شهور من غير عربية لحد ما ربنا وفقنى فى واحدة كويسة و فلوسى كمان زودتها علشان اعلى بالموديل و انصحك تزود فلوسك و تتدور على موديل 2007 فيما فوق

و اى خدمة

[أسامه الحسيني]

بص يا باشا
انا شارى ميجان 2006 بس للاسف مكشفتش عليها كنت شاريها من 8 شهور بانوراما عداد 90 الف كم بـ 63000 ج دلوقتى عامله 98000 الى صرفتوا عليها كالأتى
شهر 3
تغير زيت بـ 400 ج بدون تغيير الفلتر وتقريبا الفلتر بيعمله 50 ج ولا حاجه
حساس abs بـ 150 ج
شهر 4 فلتر بنزين 40 ج لمبه خلفيه 5 ج ولمبه جانبيه بـ 1 ج
شهر 5 فلتر بنزين تانى (العيب ما كنش فى الفلتر كنت شاكك فى حاجه ) بـ 70 ج
شهر 6 عدد 2 فردة كاوتش 1000 ج فريون لتكييف 70 ج
شهر 7 سمكره من شويه خبطاط وخرابيش 500 ج (ومأجل انى اديها حزام ودا هيتكلف تقريبا 1200 ج)
شهر 8 شحم 15 ج كوبلن داخلى 500 ج تيل فرامل امامي بالتركيب 200 ج غطاء زيت للموتور 50 ج
شهر 9 لمبه خلفيه وعلبه فيوز - احتياطي - عدد 2 فيشه كهرباء 200 ج
شهر 10 عدد 2 فردة كاوتش بـ 1010 ج
العربيه محتاجه حساس شكمان - مش مقصر معايا فى حاجه- الاستهلاك على الطرق السريعه 6 لتر / 100 كم وفى الزحمه ممكن يوصل 12 لتر / 100 كم
فى حاجات بمد ايدى فيها زى تفيير فيش كهرباء بلاقي حالتها تعبانه انظف حساس كلام من دا
العربيه ان شاء الله فى صيانة 100 الف هغير المساعديين الامامى والخلفي ودول هيعملوا 2000 ج تقريبا- شاريها بمساعديين تعبانيين بس العفشجى قالى مشي بيهم
محتاجه شغل سمركة ودهان بتاع 1500 ج - دا مش عيب العربيه
ممكن اغير حساس الشكمان ممكن يعملوا بتاع 200 - 300 ج
لو حضرتك لاحظت انى غيرت 4 فرد كاوتش لو شلتهم من المصارف يبقى ميجان تستحق تعظيم سلام
وزى الزملاء الافاضل ديما بينصحوا انك تتفرج على العربيه ولو عجبت وظبت سعرها تستلم بعد الكشف فى التوكيل
وغلطتى انى ما كشفتش عليها - ما بالك بقي لو كنت كشفت عليها ما كنتش صرفت عليها غير البنزين وبس
دى اول عربيع ليا واول مره اسوق بالاضافى انى علمت زوجتى عليها وبتسوق دلوقتى
بصراحه عربيه محترمه جدا
وبالتوفيق