ماذا يعنى ظهور مفتاح فى لوحة عداد الكيلو مترات والرحلات

[flight_angle]

عربيتى ميجان 2005 النهاردة وانا سايق ظهرت علامة مفتاح بلدى فى لوحة عداد الرحلات والكيلو مترات على اليمين فى الاسفل , ومش عارف معناها ايه , ارجو الافادة .
( معلومة انا مالك جديد للسيارة )

[shiko85]

زى الصور دى ؟؟؟






ده تذكير بقرب ميعاد الصيانه

[flight_angle]

زى الصوره دى ؟؟؟

تذكير بمعاد الصيانه

تمام زيها مع اختلاف بسيط فى شكل المفتاح , انا توقعت انه موعد الصيانة للعربية , العربية عاملة 102650 كم
استغربت لما ماظهرتش عند ال 100 الف وظهرت دلوقت , حبيت اطمن من حد مالك للعربية وعارف لان بعض الناس قلقونى وقالولى كده معناه ان فيه مشكلة فى العربية ولازم اكشف عليها فحبيت اتاكد .

وهل لو تاخرت فى موعد الصيانة يحصل مشكلة فى العربية ولا عادى ؟

شكرا لرد حضرتك ومساعدتك , تحياتى

[shiko85]

حبيت اطمن من حد مالك للعربية وعارف لان بعض الناس قلقونى وقالولى كده معناه ان فيه مشكلة فى العربية ولازم اكشف عليها فحبيت اتاكد .
العلامات ثابته لكل العربيات
انا مش عندى ميجان لكن هى نفس العلامه فالأوكتافيا
وهل لو تاخرت فى موعد الصيانة يحصل مشكلة فى العربية ولا عادى ؟
التزم بموعد الصيانه افضل و اضمن
كده كده هتعمل صيانه ان شاء الله يبقى اعملها فوقتها و ريح نفسك لان اوقات بتحصل ظروف و ممكن تتشغل عنها وقت طويل او تنسى تعمل الصيانه
شكرا لرد حضرتك ومساعدتك , تحياتى
العفو, الشكر لله وحده

[Super_Star_h]

دى بتظهر كل 10 الاف كيلو
ممكن تصفر العداد عادى وترجعه يعد من الاول بس مش فاكر الطريقه
هي بتفكرك بس بالصيانه موعد تغيير الزيت

[mfraig]

المفروض بتطلع معاها رسالة change oil soon وبتختفي قائمة service وده بتظهر كل 10000 كيلو على معاد الصيانه وممكن انت تكون بتعمل الصيانه على مواعيد مختلفه لان العربيه قديمه وفي الحاله ده مش محتاج تروح توكيل ولا حاجه بس هات الشاشه على رسالة change oil soon دوس على زرار الدبوس اللي بارز من العدادات لمدة 5 ثواني لحد مااللمبه تنور وتطفي وانت دايس فرامل

[flight_angle]

دى بتظهر كل 10 الاف كيلو
ممكن تصفر العداد عادى وترجعه يعد من الاول بس مش فاكر الطريقه
هي بتفكرك بس بالصيانه موعد تغيير الزيت

شكرا لحضرتك .

[flight_angle]

[QUOTE=mfraig;3875803643]المفروض بتطلع معاها رسالة change oil soon وبتختفي قائمة service وده بتظهر كل 10000 كيلو على معاد الصيانه وممكن انت تكون بتعمل الصيانه على مواعيد مختلفه لان العربيه قديمه وفي الحاله ده مش محتاج تروح توكيل ولا حاجه بس هات الشاشه على رسالة change oil soon دوس على زرار الدبوس اللي بارز من العدادات لمدة 5 ثواني لحد مااللمبه تنور وتطفي وانت دايس فرامل[/QUOTE

هو فعلا رسالة change oil soon بتظهر , هاطبق الطريقة اللى انت قولت عليها ان شاء ,
تحياتى وشكرا لحضرتك على المساعدة .