هى لمبات ميجان 2007 هالوجين ولا زينون؟

[ahmed9adel]

يا جماعة أنا تايه و مش عارف أصدق مين. أنا شارى العربية بقالى شهر تقريباً ( ميجان 2007 ) و بشتكى إن النور الواطى ضعيف قوى و مش شايف حاجة منه. ناس قالتلى الفوانيس وسخة من جوة و عايزة تتفك و تتنضف. و ناس قالتلى النور الواطى فى الميجان ده بيبقى زينون ( مع إن لونه أصفر بس ضعيف قوى) وليه ساعات عمل معينة لما بتخلص النور بيضعف و المبات لازم تتغير. و ناس قالتلى إن المبات كلها هالوجين عادى و لو عايز نور زينون لازم أركب جهاز ورا اللمبات إسمه موديول.
أفتونى يا أهل الخبرة....أصدق مين فى دول؟ و لو عايز أخلى النور الواطى أقوى أعمل إيه؟

[تامر.محمد]

مبدئيا الكلام ده كله غلط

ناس قالتلى النور الواطى فى الميجان ده بيبقى زينون ( مع إن لونه أصفر بس ضعيف قوى) وليه ساعات عمل معينة لما بتخلص النور بيضعف و المبات لازم تتغير.

الميجان كلها نازلة بلمبات هالوجين عادية خالص , و المقصود من حتة ساعات العمل هو العمر الافتراضي و ده متعلق باللمبات نفسها و طبيعي في اي حاجة في الدنيا ينطبق عليها الكلام ده

الحكم على النور عموما فيه كلام كتير
حالة باغة الفانوس ايه ؟ شفاف و الفانوس وراه واضح ؟ ولا معتم ؟
لو معتم يبقى عايز يتجلي او يتصب له باغة جديدة

اللمبات نفسها , ممكن التجربة بأي لمبة h7 و نشوف الفرق , لو ملحوظ يبقى اللمبة تعبت فعلا
كمان هي المشكلة في كثافة الضوء ولا توزيعه ؟ اغلب الميجان فيها موتور بيحرك لمبات الواطي لفوق و لتحت ؟

اما الزينون فبرده بيركب لها زينون عادي خالص زيها زي اي عربية في السوق

[ahmed9adel]

شكرا على الرد الوافى و السريع.
هى المشكلة عندى فى كثافة النور الواطى. ضعيف جدا لدرجة انى لازم اشغل العالى معاه علشان اعرف امشى فى الشوارع الجانبية بالليل.
عندى كام سؤال كمان لو تسمح!
- ليه فى اللنك ده بيتكلم عن تغيير لمبات الزينون رغم ان المفروض بتنزل هالوجن؟؟

http://www.nilemotors.net/Nile/305865-a.html

- لو عزت أركب زينون فى النور الواطى, الفانوس فيه عدسة ولا لازم أركب عدسة؟ و ساعتها هيبقى الزينون قانونى ولا ممكن أحد مخالفة؟

[تامر.محمد]

هو هنا قصده اللمبة اللي جوة العدسة , بس هي مش زينون :)

لو عربية حضرتك Phase2 , يعني الشكل ده


يبقى الفانوس جواه عدسة للنور الواطي , بس عدسة هالوجين مش عدسة زينون
قانوني ولا لأ , مش هافتي خصوصا ان القواعد في بلدنا مش اوي يعني -_-

لو الشكل الاقدم ده (شكل وش العربية)

فالفانوس مفيهوش عدسة , و الاكيد ان الزينون مش قانوني في الحالة دي
بس ينفع تشتري له عدسات زينون من محلات الاكسسوارات

كل الكلام ده ولا له قيمة لو وش الفانوس مغيم بالمناسبة

[ahmed9adel]

ألف شكر على الإفادة. يعنى أنا متهيألى حضرتك بتنصح إنى أول حاجة أعملها إنى أنضف الفوانيس. هتوكل على الله و أروح بكرة إن شاء الله لكهربائى يفكهم و ينضفهم.

[Super_Star_h]

ممكن تلاقى النور الواطى ضارب فى الارض عشان كده مش بيغطى معاك مساحه كبيره فى الامام
هتحتاج ترفع اللمبات شويه سواء من الزرار الكهربائى اللى تحت الدركسيون او يدويآ من الفانوس نفسه