بطارية الفلوانس لازم تتغير بأخرى أصلية ؟

[amed2]

السلام عليكم
سؤال محيرني و بفكر فيه دائما .... بطارية الفلوانس أيه اللي فيها ما ينفعش حد يحط بطارية غير بطارية رينو الاصلية ؟
حد تجرأ و حد بطارية فارتا سيلفر مثلا بنفس مواصفات الأصلية ؟

[hesham fawzy h]

حاجة غريبة فعلا

[Hany Saad]

السلام عليكم
سؤال محيرني و بفكر فيه دائما .... بطارية الفلوانس أيه اللي فيها ما ينفعش حد يحط بطارية غير بطارية رينو الاصلية ؟
حد تجرأ و حد بطارية فارتا سيلفر مثلا بنفس مواصفات الأصلية ؟

بطارية الفلوانس زى اى بطارية فى السوق و تقدر تبدلها بأى نوع يعجبك طالما فيه نفس المواصفات
الميزة بس أن ضمان البطارية سنتين، فأى حد بطاريته بتبوظ بيغيرها ببلاش تحت الضمان من التوكيل
اول ما السنتين بيخلصوا، الغالبية بيغيروا بطاريات من خارج التوكيل عادى جداً

تحياتى

[abohend]

جديد

جديد الموضوع ده
و يا ترى لو ركبت بطارية بره هيقولك كهربة العربية خرجت بره الضمان؟؟؟
الصراحة أول مرة أسمع عن وكيل بيشترط بطارية أصلية!!!

[ayman66]

اعتقد ان بطاريات رينو حتى لو فى انواع مطابفة لها فى السوق وده امر منطقى لكن هما بيبقوا ضامنين لبطارياتهم لأنها مصنعة طبقاً لمواصفتهم اما اى براند أخر الشركة مبتبقاش ضامنة عيوب الصناعة الممكن تأثر على شىء أخر فى العربية ,,والله أعلى وأعلم

[أسامه الحسيني]

هي البطاريه ممكن تعمل ايه فى كهربة العربيه - هى بطلع 12 فولت ولو ضعفت الاجهزة الكهربائيه بتاعت العربيه مش هتشتغل (او هتهيس ) لكن مش هتبوظ حاجه

[Batman372]

زيها زى اى عربيه يا فندم ....
و بطاريه الفلوانس ٧٠ امبير ...
هو زى ما الاخوه شرحو ان ضمانها سنتين ... فبالتالى لو حصلها حاجه فى فتره الضمان التوكيل بيغيرها ...
غير كده بعد السنتين ... حط اى نوع انت عايزه ... عادى جدا يعنى ...
انا عندى المرسيدس السى ٢٠٠ بطاريتها الاصلى الالمانى المرسيدس ١٠٠ امبير و قعدت ٤ سنوات و كانت فى التوكيل ب ١٩٠٠ جم بتركيبها !!! لما عمرها خلص غيرتها بفارتا المانى ب ٦٥٠ وشغاله زى الفل بقالها سنتين حتى الان ...
تحياتى ...

[mfraig]

كلام غلط واتقال قبل كده عالميجان ودلوقتي الناس بتحط في الميجان حجاره قلم