نصيحة من ملاك الفلوانس

[just_magdy1]

زي ما حضراتكم عارفين اشتريت فلوانس e3 من ايام وبفكر أركبلها فرش جلد وقدامي ٣ خيارات
اركبلها فرش جلد بس مش عايز سعره يكون فوق الألف جنيه وفي إلحاله دي تنصحوني بنوع آيه واللون مع العلم ان لون عربيتى شامبين .
الخيار التاني أني اشتري عراقتين للكراسى الإماميه .. برضه لو فى نوع كويس تنصحوني بيه
الخيار الأخير أني اسيبها زى ماهي فى ظل ان الكراسى نصف جلد مع المحافظة قدر الإمكان
وشكرا لحضراتكم

[ENG.MaRk]

روح عند جينز كار أو المرصفاوي في المقطم

[yasser100]

فيه واحد فى ميدان الجامع بيبيع فرش زى اللى نازل فيها بالظبط و نفس الخياطه و اللون . هو بيقول المانى ب 700 جنيه

[just_magdy1]

فيه واحد فى ميدان الجامع بيبيع فرش زى اللى نازل فيها بالظبط و نفس الخياطه و اللون . هو بيقول المانى ب 700 جنيه

ميدان الجامع ده في مصر الجديدة لانى من الاسماعيليه ياريت حضرتك توصف المكان ليا وهل حضرتك شفته بنفسك وتقديرك كويس ولا مش مقنع

[yasser100]

ميدان الجامع ده في مصر الجديدة لانى من الاسماعيليه ياريت حضرتك توصف المكان ليا وهل حضرتك شفته بنفسك وتقديرك كويس ولا مش مقنع

و الله انا شوفته فرش كويس . بس انا كان فيه حاجتين خفت منهم . و هو بيركبه يهز حاجه من فيش الايرباجز و فى نفس الوقت استخسرت اغطى الفرش الاصلى . هو انا يعنى كنت شاريها بالفرش ده ليه و دافع تمنه فى العربيه ؟ و ركبت عراقتين بس العراقات ما فيش مقاسها لانه الكرسي ضخم فى الظهر و القاعده . انا هاروح اشترى غطا من عنده و هاعرف اسمه . بس اكيد هاتلاقى الفرش ده منتشر . علشان استايل فرش الفلوينس الفيس ليفت مميز قوى فى شكله و خياطته و بينزلوه لعربيات تانيه كمان . اسأل برضه عندك اكيد هاتلاقيه هو نفسه اللى عندك بالظبط فى العربيه بس بيتركب و يتفك .

[mimohsen]

انا لسه مستلم فلوانس e3 من يومين ولسه مرخصتش وفكرت اعمل فرش بس بصراحه قولت اعمل فرش علشان لما ابيع كمات كام سنه الاصلى يكون بحالته ... استمتع انا بيه احسن وخايف من موضوع فك الكراسي والفيلم ده

[Hany Saad]

انا بعت الميجان بعد ٨ سنين استخدام و عندى طفلين صغيرين و الفرش كان بحالته
اركب و استمتع بخامة الفرش الجميلة الموجودة و لما تيجى تبيع يبقى يحلها الحلال
ده رأى

تحياتى

[Batman372]

انا لسه مستلم فلوانس e3 من يومين ولسه مرخصتش وفكرت اعمل فرش بس بصراحه قولت اعمل فرش علشان لما ابيع كمات كام سنه الاصلى يكون بحالته ... استمتع انا بيه احسن وخايف من موضوع فك الكراسي والفيلم ده

انا بعت الميجان بعد ٨ سنين استخدام و عندى طفلين صغيرين و الفرش كان بحالته
اركب و استمتع بخامة الفرش الجميلة الموجودة و لما تيجى تبيع يبقى يحلها الحلال
ده رأى

تحياتى

انا مع هذه الاراء الجريئه و العمليه :) ... استمتع به و استعمله انت ... و وقت البيع يحلها ١٠٠ حلال و تقريبا مش بتفرق خالص ... لانه حتى لو مبهدل المشترى ببساطه يقدر يعمل احلى فرش جلد هو عايزه ... يعنى لو العربيه كلها حالته ممتازه مش حيدقق فى الفرش مهما كانت حالته ...
تحياتى ...

[just_magdy1]

شكرًا لكم جميعا ... الساده/Hany ، mimohsen ، batman ... أوافقكم الرأي