شراء موتور للميجان ........... ارجو المساعدة

[didofido77]

السلام عليكم

عندى ميجان 2005 بانوراما 2000 cc عامله 95360 ك
لسه شاريها من شاهرين
و انا برخص لقيت رقم بصمة الموتور غير اللى في الرخصة نصحونى اشتري موتور جديد و اريح دماغى
حد يعرف اشترى الموتور منين و ياريت لو كان حد مضمون علشان انا تعبت نفسيا الصراحة
و يعمل في حدود كام

[mouraddesk]

كلم معتز 01283333848 و دخل الموتور بتاعك فى واحد استيراد شوف الفرق علشان ما تبقاش خساره فى الاول و الاخر

[didofido77]

شكرا استاذ مراد

هو معتز ده منين انا ساكن ف المعادى على فكرة بس الواحد خايف من التجار و لو عند حضرتك فكرة يعمل كام
كمان الموتور بتاعى مالوش شهادة بيانات ينفع الاستبدال؟

[أسامه الحسيني]

حاول ترجع للى باعلك العربيه وامسك فى خناقه لانه كدا غشاش

[Shiref_mohamed]

شوف الى باعلك العربية خليه يجيبلك الأفراج بتاع الموتور واثبته على الرخصة عادي

[didofido77]

شوف الى باعلك العربية خليه يجيبلك الأفراج بتاع الموتور واثبته على الرخصة عادي

مش عارف هايوفق على طول و لا هايتملعن لانه بعد ما اشتريت و اتبست فيه لقيت الناس كلها بتشتكى منه
و كمان انا كنت هاغير الموتور لان ال2000 قطع غيره قليله و استهلاكه للبنزين اعلى
بس المهم و انا برخص و بنقل الملكيه في المرور عادى و لا هايكون فيه مشكله
هايرضو يرخصولى عادى بالموتور الجديد و لا لازم انقل الاول بنفس الموتورو بعدين انقل الملكيه

[Fancy_man22]

باشا ممكن و ألله اعلم معتز يجبلك ورق للمتور واى تاجر بيبيع مواتير ممكن يجبلك ورق ليه و رخص على كدة و بعدين تبيع او تسيبه سهله انشاء الله

[didofido77]

باشا ممكن و ألله اعلم معتز يجبلك ورق للمتور واى تاجر بيبيع مواتير ممكن يجبلك ورق ليه و رخص على كدة و بعدين تبيع او تسيبه سهله انشاء الله

هاكلمه بكرة و اشوف ممكن نعمل ايه

[demonarundo]

هو الواحد مش ممكن يجيب موتور 2000 ويجيبله ورق انه 1600 ويعدى ؟؟

[Super_Star_h]

ال 2000 سى سى مش بتاكل بنزين كتير زي ما انت متصور
الفرق بسيط ثم المكنه هتلاقى سحبها افضل
لو ينفع التاجر يجبلك ورق للماتور خير وبركه ادخل بيه المرور واثبته على الرخصه
انا برضو لسه كنت شارى ماتور 1600
ولسه مرخصتش بس معايا ورق الافراج

[didofido77]

انا خايف من المرور لا يقولى فين الموتور القديم اللى مكتوب في العقد و في الرخصة و خصوصا انا لسه هانقل الملكيه

[Super_Star_h]

انا خايف من المرور لا يقولى فين الموتور القديم اللى مكتوب في العقد و في الرخصة و خصوصا انا لسه هانقل الملكيه

مالهومش دعوه بالماتور القديم
هما عايزين ورق الماتور اللى راكب فى العربيه وكده كده هتخش فحص

[didofido77]

كلمت معتز و قالى هات العربيه و تعالى

[mouraddesk]

معتز راجل جدع و قول له من طرف ابراهيم يتاع الميجان الكحلى و معاه سيراتو دلوقتي

[didofido77]

معتز راجل جدع و قول له من طرف ابراهيم يتاع الميجان الكحلى و معاه سيراتو دلوقتي

شكرا يا باشا