خصم الفلوينس

[yasser100]

في رأيي المفروض التوكيل مايكنش يضم الموزعين في العرض ده لانه كده هم اللي استفادوا مش العميل العادي

ده تخمين مننا انه يكون ده اللى حصل . مش متأكدين . اصل الخصم انتهى بسرعه جدا . 72 ساعه بس . ده الاسترا داخله فى شهر فى عرض الخصم . و ممكن يكون عملاء عاديين همه اللى استفادوا .

[osamaos20022]

الخصم بقالة أسبوع والتوكيل انا سألته عن مدة العرض قال شهر ياريت حد يتصل يتأكد لسه موزع مكلمني من شويه

[yasser100]

الخصم بقالة أسبوع والتوكيل انا سألته عن مدة العرض قال شهر ياريت حد يتصل يتأكد لسه موزع مكلمني من شويه

الخصم بدأ من يوم الجمعه اللى فات . ده كان ميعاد الاعلان و على اعتبار السبت اجازه . و انتهى امبارح . انا كلمت التوكيل النهارده علشان اسأل لصديق ليه . و صلونى بالمبيعات و حاولنى على المعرض الرئيسى فى الدقى تقريبا او المهندسين لانه مبيعات التوكيل مش بيكون عندهم التفاصيل و الحجز . المعرض رد عليه و قال لى الخصم انتهى امبارح لنفاد الكميه و الحجز دلوقتى على الاسعار الرسميه السابقه مبدئيا لانه ما فيش عندهم اى مخزون . اسأل فى المعارض بره ممكن يعملوا لك خصم 1000 او 2000 لو همه سحبوا الكميه اللى كان عليها خصم 5000 .

[عماد الدين عزت]

عرض الخصم نزل مرة اخرى اليوم باهرام الجمعة يالا ياجدعان

[د وحيد أحمد]

الخصم بدأ من يوم الجمعه اللى فات . ده كان ميعاد الاعلان و على اعتبار السبت اجازه . و انتهى امبارح . انا كلمت التوكيل النهارده علشان اسأل لصديق ليه . و صلونى بالمبيعات و حاولنى على المعرض الرئيسى فى الدقى تقريبا او المهندسين لانه مبيعات التوكيل مش بيكون عندهم التفاصيل و الحجز . المعرض رد عليه و قال لى الخصم انتهى امبارح لنفاد الكميه و الحجز دلوقتى على الاسعار الرسميه السابقه مبدئيا لانه ما فيش عندهم اى مخزون . اسأل فى المعارض بره ممكن يعملوا لك خصم 1000 او 2000 لو همه سحبوا الكميه اللى كان عليها خصم 5000 .

الاخ الكريم ياسر ممكن اعرف سعر الفئة ex3 sr الرسمي من غير خصم وممكن الاقيها في اي معرض بمدينة نصر ولحضرتك شكري وتقديري

[yasser100]

الاخ الكريم ياسر ممكن اعرف سعر الفئة ex3 sr الرسمي من غير خصم وممكن الاقيها في اي معرض بمدينة نصر ولحضرتك شكري وتقديري

سعرها الرسمى 188 الف . ممكن تلاقيها عند القرش الميريلاند او الميرغنى او تطلبها منه و هو هايتصرف . او فهمى موتورز اللى فى شارع النزهه عند الرقابه الاداريه كل يوم باشوف
عنده فلوينس و ميجان 3 و انا فى طريقى للشغل ..

تحياتى لحضرتك .

[د وحيد أحمد]

سعرها الرسمى 188 الف . ممكن تلاقيها عند القرش الميريلاند او الميرغنى او تطلبها منه و هو هايتصرف . او فهمى موتورز اللى فى شارع النزهه عند الرقابه الاداريه كل يوم باشوف
عنده فلوينس و ميجان 3 و انا فى طريقى للشغل ..

تحياتى لحضرتك .

اشكر حضرتك وفهمي موتورز قريب من بيتي بس تفتكر ممكن يزود في السعر

[yasser100]

اشكر حضرتك وفهمي موتورز قريب من بيتي بس تفتكر ممكن يزود في السعر

يبقا برضه حضرتك جنبى :) . و فيه الليثى برضه فى شارع النزهه و عنده الفلوينس . مش عارف بس انا لما كنت باشترى القرش زود 2000 جنيه زياده على السعر فى الفئه e3s اللى معايا . ال e3s و e3sr دول بيكون عليهم زياده فى السعر لانه اغلب كمياتهم بتطلع من المصنع لاوروبا و روسيا علشان فتحة السقف . بيحبوها بره .

[nasserawadalla]

اتصلت بتوكيل الداون تاون إسكندرية قال عنده و العرض لسة موجود

[yasser100]

اتصلت بتوكيل الداون تاون إسكندرية قال عنده و العرض لسة موجود

التوكيل يقول لك العرض موجود و يحولك على المعارض علشان هيه اللى فيها الحجز و المعلومات. يقول لك العرض انتهى . ده اللى حصل معايا فى معرض الدقى .

و معرض تانى تبع التوكيل يقول لك ما تختارش الوان و مش كل الفئات فى العرض . فيه فئات خلصت .

[nasserawadalla]

أنا كلمت مدير المبيعات هناك قال موجودة و تعالى اتفرج عليها
خير حاروح التوكيل و أكتب اللي حصل

[yasser100]

أنا كلمت مدير المبيعات هناك قال موجودة و تعالى اتفرج عليها
خير حاروح التوكيل و أكتب اللي حصل

اتوكل على الله و قول لنا ايه اللى تم و ايه المعروض .

و مبروك مقدما :)

[nasserawadalla]

روحت التوكيل الهاي لاين فقط الغير موجودة آخر الشهر ستكون موجودة e3 منها 3ألوان الشامبين و الأبيض العاجي و السيلفر و التسليم فوري بالخصم

[yasser100]

روحت التوكيل الهاي لاين فقط الغير موجودة آخر الشهر ستكون موجودة e3 منها 3ألوان الشامبين و الأبيض العاجي و السيلفر و التسليم فوري بالخصم

اتوكل على الله ال 3 الوان حلوين .

الفئه ال e3s اللى قبل الهاى ﻻين موجوده ؟

[nasserawadalla]

اتوكل على الله ال 3 الوان حلوين .

الفئه ال e3s اللى قبل الهاى ﻻين موجوده ؟

موجودة بس مش محتاج فتحة السقف و الحساس الخلفي بيركب في التوكيل ب 600 جنيه و برة 150 جنيه بالتركيب بس علشان الضمان حاركبه بإذن الله في التوكيل مع فردة كلاكس و وصلة تبريد لدرج التبريد و الزينون مش عندهم قالولي هاته من برة و نركبهولك فده مش مستعجل عليه خالص و ربنا يكرم