ليه موتور رينو ميعملش عمرة ؟؟

[amr123]

السلام عليكم

يا وحوش ..انا موتور عربيتي (لوجان روماني 1600 8 صباب ) بقى خفيف و عليه كل اعراض طقم الشنمبر (دخان ابيض ..تناقص الزيت..زيت على الوجيهات ...بتلت كل كام يوم ...سحب و عزم سيئ)
و اجابة على السؤال الي بيدور فى دماغك حالا هى ..مشي 285 االف كم
فبقالي كام يوم بدور على ميكانيكي كويس يعمل الموضوع سالت فى الحي السابع و صقر قريش ..اتكلم مع ميكانيكية زى مركز المصطفى ..و بتوع قطع الغيار زى المهندس

دلوقتي خلاصة اللفة

اي ميكانيكي عادى معندوش اي مشكلة وحاضر و عنيا و الجو ده
اي ميكانيكي متخصص رينو بيقولى متعملش كده .. يرينو مبيعمرش ..مبينفعش ميتظبتطش ...فلوس على الارض...شوية و هترميه ...الخلاصة .,. لابد من التغير .,.يا الموتور كله ..يا بلوكة بوش ..او على احسن تقدير بلوكة بلي فيها واخد الوش بتاعي

الي عايز افهمو ...اشمعنة مواتير رينو يعنى ..؟؟ تختلف ايه عن باقي المواتير خاصة اننا بنتكلم عن موتور قديم نسبيا ..مفهوش يعني تكنولوجيا عالية كده يعنيى

ممكن تفهمونى .؟
و محتاج مشورتكم ..الموتور ده بكام ..و هل فيه اي نوع من الاضافات ممكن استعمله يمشيني شوية ..انا سمعت عن حاجة اسمها زادو

و شكرا ليكم مقدما

[jackal]

للاسف بيكدبو عليك وعيزين فلوس وخلاص

كل الموضوع ان مبقاش عندهم وقت ولا صنعه

ليه يضيع 3 ايام علشان يخد 500 لما ممكن يجبهم في يوم

بص يا باشا روح الي ميكانيكي عادي تكون تعرفو

فك وش السلندر وشيل البساتم وهتلها شمبر بس وخليه يراجع علي الشمايز والوش والسبايك وركب

كل الموضوع 1200 بس كده

[Super_Star_h]

طب ما هو لو هيتعمر هيتعمر بكام ؟ وهل هيرجع زي الاول ؟
عايز رئي ؟
سقط ماتور ميجان 1 16 صباب 110 حصان
استيراد هيعمله 3 الاف جنيه
وهتحس بفرق رهيب فى السحب
هو ده نفس الماتور اللى راكب فى اللوجان الاتوماتيك

[amr123]

للاسف بيكدبو عليك وعيزين فلوس وخلاص

كل الموضوع ان مبقاش عندهم وقت ولا صنعه

ليه يضيع 3 ايام علشان يخد 500 لما ممكن يجبهم في يوم

بص يا باشا روح الي ميكانيكي عادي تكون تعرفو

فك وش السلندر وشيل البساتم وهتلها شمبر بس وخليه يراجع علي الشمايز والوش والسبايك وركب

كل الموضوع 1200 بس كده

طيب ما بتوع قطع الغيار بيقوللو نفس الكلام ..و دل مصلحتهم انهم يبيعو ؟
بتوع رينو بس الي معترضين ..

[amr123]

طب ما هو لو هيتعمر هيتعمر بكام ؟ وهل هيرجع زي الاول ؟
عايز رئي ؟
سقط ماتور ميجان 1 16 صباب 110 حصان
استيراد هيعمله 3 الاف جنيه
وهتحس بفرق رهيب فى السحب
هو ده نفس الماتور اللى راكب فى اللوجان الاتوماتيك

حضرتك تقصد موتور كامل ..بس هيركب بدون اي تعديلات ؟

[gebreel]

يا باشا اللوجان موتورها بيتعمر عادي جدا، و في عربيات كثير سير الكاتينة قطع و اتعملها نص عمرة و زي الفل و واحد صاحبي معاه رينو 4 موديل 85 و عمل عمرة ليها و زي الفل و ناس كثير عمروا موتاير الميجان 2

اهم حاجة الصنعة علشان يبقى كويس لأن العمرة في اي عربية لو اتعملت كويس هتبقى زي الفل اما لو اتعملت اي كلام هتقرفك

في ميكانيكي كويس حافظ العربية بس هو بيجي من اسكندرية كل شوية اسمو برازيلي و عمر مواتير قبل كدة لو عاوز رقمه ابعتلي و ابعتهولك

[kar!m]

أيام ما كان عندي السوزوكي سويفت كانوا بيقولوا لي نفس الكلام .. تقريبا عشان الموتور ألمونيوم.

[Mecha]

للاسف فيه مواتير كتير اوروبي من التسعينات مينفعش تتعمر ,زي مواتير zetec اللي راكبه في الفورد.
سؤال ليه ,اجابه عمود اكامه مثلا شغال ع الهد مفيش جلب تستبدلها,الشمايز لحميه خفيفه ومعموله في البلوك والبلوك ضعيف عشان تتشحط شميز جديد ,الكرنك لو اتخرط ممكن متلاقلوش سبيكه يعني صداع ,من الاخر مواتير استعمال مره واحده.
لو لقيت مكانيكي يعمر بضمان اتوكل ع الله ,واسأل الوكيل بردك

[amr123]

يا باشا اللوجان موتورها بيتعمر عادي جدا، و في عربيات كثير سير الكاتينة قطع و اتعملها نص عمرة و زي الفل و واحد صاحبي معاه رينو 4 موديل 85 و عمل عمرة ليها و زي الفل و ناس كثير عمروا موتاير الميجان 2

اهم حاجة الصنعة علشان يبقى كويس لأن العمرة في اي عربية لو اتعملت كويس هتبقى زي الفل اما لو اتعملت اي كلام هتقرفك

في ميكانيكي كويس حافظ العربية بس هو بيجي من اسكندرية كل شوية اسمو برازيلي و عمر مواتير قبل كدة لو عاوز رقمه ابعتلي و ابعتهولك

شكرا لرد حضرتك ..بس انا كده متلخبط..انا عارف برازيلي و كلمته النهارده وقلي بلاش بردو ..بيقولي هات اخره و بعدين غير بلوكه بوش

[carrier]

اوعى
هات شورت بلوك وركبه

[besso]

موتور اللوجان بيتعمر عادى جدا زى زى اى موتور
هى الفكره كلها هاتعمله عند مين وبكام؟؟
علشان كده معظم الناس بتريح دماغها ويقوللك غير شورت بلوك او الماتور

لكن هندسيا عادى يتعمر مافيش مشكله

[Super_Star_h]

حضرتك تقصد موتور كامل ..بس هيركب بدون اي تعديلات ؟

اه يا باشا واعتقد انها نفس القواعد مش هتحتاج تعديل
شوف حد فاهم بس واسأله على الحوار ده
صدقنى هتحس بفرق كبير فى السحب حتى لو سقطت ماتور الكليو
وانا من خلال تجربتى مع اللوجان اقدر اقولك ان ده اضعف ماتور عربيه ركبتها
حتى ماتور اللادا افضل منه
ونصيحه بلاش تعمر الماتور ده وكبر دماغك حتى لو هينفع هيجى بعد فتره قصيره ويبوظ تانى
ده عامل كيلوات كتير وهتلاقى كل حاجه فيه متخبطه

[gebreel]

انا كان معايا فورد فيستا بموتور ztec و عمرتو عادي جدا و مكنش فيه مشكلة

[bedo84]

هي العربيه معاك من الزيرو ولا استعمال ،،، وهل 285 الف كيلوا معناها ان موتور اللوجان معمر ولا كدا سيء ،، وهل انت من كنت بتقرص علي العربيه ومن هواة الجري ولا أيه وشكرا ،،،

[amr123]

هي العربيه معاك من الزيرو ولا استعمال ،،، وهل 285 الف كيلوا معناها ان موتور اللوجان معمر ولا كدا سيء ،، وهل انت من كنت بتقرص علي العربيه ومن هواة الجري ولا أيه وشكرا ،،،

مغايا من الزيرو ..ولا انا مش من هواة الجري ..